الموضوع: سؤال لملاك الهوندا كل الاجيال سواء جداد او قدام

المشاركة الأصلية كتبت بواسطة SE_coralsea

اخي العزيز اللدود / سامح

أحب أوضح لك نقطة مهمة ألا و هي :
أنا لم أحذف الموضوع و لكني سحبته الي قسم المنسقين (و تقدر تشوفه هناك) لتعديله و حذف المشاركات الخارجة عن سياق الموضوع الأصلي لأن هذا حقي كمنسق للقسم اللي الموضوع فيه و أيضا كصاحب موضوع , و صدقني لو شايف مشاركة فيها نقد بناء و تفيد الموضوع لن يتم حذفها أو علي الاقل نقلها في موضوع أخر ملحق للموضوع

الامر قد يحتاج بعض الوقت لأني أضطررت للسفر فجاة و تعديل الموضوع زي ما أنت شرحت في مشاركتك الموضحة أعلاه بهدف الحفاظ علي مضمون الموضوع و ليس المقصود اشخاص بعينهم بدليل أن هناك مشاركات لأعضاء من قسم هيونداي سيتم حذفها قبل غيرهم من خارج القسم


بالنسبة بقي لهذا الموضوع و سيارات هوندا, فياريت تسمحوا لي أن اشارك و أدلي برأيي المتواضع :

فقد صرت أكرهها و لو مافيش عربيات غيرهوندا مش هأركب عربيات وسأفضل ان أمشي حافي و ذلك لأني اشعر بأن مالك أو قائد سيارة هوندا لديه نوع من الغرور او الغطرسة علي الطريق لا تتوافر لقائد سيارة اخري حتي من ماركات افضل من الهوندا (طبعا مش الكل و لكن نسبة كبيرة) و مش بس كده , لأ الوكيل كمان لديه نفس الغطرسة الكدابة و قد وضحت ذلك في التوكيل ذاته لما كنت باختبر السيتي الجديدة و بأتكلم معاهم في السعر و حبيت اوضح لهم أن سعرها غالي جدا و أنها هاتحصل الياريس و أن هوندا كشركة و كوكيل بيخيبوا و بيتراجعوا في التسويق في ظل وجود سيارات منافسة و بأسعار اقل و لما رد عليا مدير المبيعات بأنه يكفي أنها من هوندا (و هو نفس الرد من سنتين بالظبط اللي تلقيته من مدير مبيعات تويوتا) كانت أجابتي ايضا مكررة لهم "طز في هوندا و طز في البراند ... أشربوه و خلي العربيات تخلل جمبكوا"

علي فكرة الرأي ده مش ضد هوندا أو تويوتا بس و لكن ضد اي شركة او توكيل يفتكر أنه يقدر يتحكم في الناس علشان حبهم لماركة معينة حتي لو كانت هي رقم 1 لأنه مش أدمان و ده كان رأيي أيام ماكنت عضو مشارك بفاعلية في حملة "خلوها تصدي و موديلها يعدي" اللي لو كانت استمرت و لاقت تجاوب من الناس لكان الحال أختلف مع كل توكيلات السيارات في مصر

أما بالنسبة لأعضاء هوندا الكرام :
فلهم مني كل أحترام و تقدير لأنهم في الأول و الاخر أخوة لنا في أسرة نايل موتورز التي تجمعنا كلنا و ياريت نتقابل في مقابلة الافطار الجماعي للمنتدي كي نتحدث عن قرب و يفهم كل منا وجهة نظر الاخر و نزيل أي سوء فهم أو خلاف في الرأي

اولا اهلا بيك فى القسم ياباشا ونورتة

ثانيا : بالنسبة لنقطة المشاركة اللى جيبتها كان لازم اجيبها عشان بس اوضح لية انا عملت الموضوع دة , لان فعلا كل مانتكلم مع حد يقولنا انتوا متحيزين للماركة , طيب ياجماعة هو مش التحيز دة ان يكون الواحد بيتكلم عن حاجة بمبالغة شديدة دون النظر الى اراء الاخرين وانة دايما يجى فى صفها حتى لو هية غلط , طيب لما اى حد بيركب هوندا بيقول كل اللى احنا بنقولة , ولو اى حد بيطلع عيوب بردة بيقول العيوب اللى احنا بنقولها يعنى ولا بيضيف جديد سوءا عيوب او مميزات , يبقى هنا عنصر التحيز اختفى وبقى فية حاجة اسمها عنصر المصداقية
من حق كل واحد انة يقول رأية فى عربية او اى شىء , احنا متفقين على حاجات المفروض تبقوا عارفينها واحنا ببنقض الهيونداى وهية
( شكل حلو - ناعمة - اوبشن - سعر اعادة بيع كويس - محرك سريع - قطع غيار متوافرة ) دية الحاجات اللى متوافرة فى هيونداى واظنها بترضى فئة كتيرة من الناس خصوصا الكبار سنا
اية بقى اللى احنا شايفينة فى هيونداى ومش عاجبنا فية ومافيش اى تطوير لحد دلوقتى
( ثبات ضعيف - تعليق ناشف - فرامل متوسطة الاداء - خامات بلاستيك - قوة المحرك غير مناسبة للوزن السيارة - عناصر امان غير موجودة غير فى فئات معينة)

طيب دية اوجة الاختلاف واللى اى حد بيركبها بيقول دة ومنهم ملاك هيونداى نفسهم والبعض الاخر لا يعترف بهذا اطلاقا , وفى الهوندا العكس ان كل اللى بيركب العربية سواء من ملاكها او غير ملاكها متفقين فى الرأى تماما على كل مميزات وعيوب السيارة

احنا مش بنقول على هيونداى عربيات كنب ولا عربيات تعبانة انا عن نفسى شايف ان هيونداى تقدمت فقط فى التصميمات والاصدامات لحد سرعة 60 كم بعد كدة الله واعلم اية اللى هيحصل
والاوبشن اللى وزودت بية عربياتها معلش ياباشا غير كدة انا مش شايف اى تقدم
( لسة الخامات بلاستيك والتقفيل فية مشاكل - العربية مش ثابتة على الطريق على سرعات قليلة 130 كم بس - الفرامل اداءها متوسط بجد مش هزار - قوة التكييف قلت عن الموديلات السابقة واى حد يقولك كدة - رؤية للطريق غير امنة وخصوصا فى الخلف - نظام تعليق بدل ماكان مستقل اصبح غير مستقل فين بقى التقدم - لسة لحد دلوقتى بتنزل بكل فئاتها طبلة ورا وفى اعلى فئة بس بتنزل ديسكات , ماخلاص الموضوع دة المفروض انتهى من زمان وكانت غلطة للسيفيك فى 2007 و 2008 واتعدلت وعرفوا غلطتهم , دة التقدم اللى انتوا بتتكلموا عنة ودة اللى احنا شايفينة

- بتقولوا ان هوندا هتقف لحد كدة وفرحانة بالتاريخ , عملت موضوع بأهم سيارات هوندا 2013 والمستقبلية وواضح جدا مدى القوة اللى نازلة بيها , وفعلا عربيات تستحق الاحترام , بالعكس انا شايف ان هوندا بتتفوق على نفسها فى كل حاجة ومش شايف ابدا اللى انتوا بتقولوة عليها
شوف الاكورد الجديدة ( سيدان وكوبية - شوف الcrv ماشاء الله عليها - شوف السيفيك بأستثناء الشكل والخامات مع ان فية حاجات اتعدلت بس مش قوتها وهوندا تداركت الموقف سريعا والدليل انها هتعمل facelift للسيارة من جميع النواحى لارضاء عميلها بعد مرور سنة ونصف فقط مافيش شركة بتعمل كدة ابدا غير لما تكون فعلا حاطة العميل اولا
شوف ال nsx الوحش الاسطورى , شوف ال crz اللى نزلت لمحرك twin turbo بقوة 300 حصان , الهوندا سيتى اللى غالية اة بس شكلها واوبشنها وامانها ممتازين الصراحة

كل دة وبتقولوا هوندا ماتوقفتش , لأ وكمان جايين تقولوا هل هوندا سوف تستخدم محركات هيونداى ؟؟؟ سؤال الصراحة معلش ياباشا ولا لية اى لزمة لان الاجابة الناس كلها عارفها معلش محركات الهوندا طول عمرها محركات العالم كلة بيتعلم منها
مش انتوا فى الهيونداى عندكوا نظام ال d-cvvt تقريبا وشوف هوندا بنظام ال i-vtec اسمع صوت دة واسمع صوت دة وانت تعرف التكنولوجيا عند مين وجرى دة ودة وانت بردة تعرف مين اقوة بالرغم من التفوق الحصانى الوهمى للهيونداى

اعتقد هو دة الاختلاف فى سطور مابينا وبينكوا

وربنا يسهل ياباشا لو قدرنا نيجى ان شاء الله انا نفسى والله اجى بس ربما يسهلها ان شاء الله