سؤال لملاك الهوندا كل الاجيال سواء جداد او قدام

**SAMEH_FOUAD** · 23-07-2012 03:56 PM

اهلا بيكوا ياهونداوية , معلش الموضوع دة انا هعملة عشان الناس اللى بتقول علينا متحيزين للعلامة وبنقول كلام وخلاص

طبعا فية ناس كانت بتسألنا عن عربيات مثلا جيل خامس - سادس - ثامن

هل حد من الاخوة الجداد اللى اشتروا العربية وحالتها نظيفة فية حاجة قولناها فى العربية كمميزات ولما جية يركبها مالاقهاش ؟؟؟؟؟؟؟؟ او لاقنا مبالغين فيها اوى ومدينها اكتر من حقها ؟؟؟؟؟؟؟

هل اللى اشترى العربية حس انة اضحك علية او اننا ضحكنا علية عشان يشترى هوندا ؟؟؟

بالنسبة للملاك القدامى , هل فية حاجة هتخليكوا ماتركبوش هوندا تانى , هل انتوا مستريحين مع الهوندا ولا قارفاكوا ومطلعة عنيكوا ؟؟؟

نرجو ان تكون الاجابات واضحة وصريحة وبحيادية تامة

تنبية : هذا الموضوع مخصص فقط لمالكى الهوندا الجداد والقدامى , واى عضو سيدخل فى الموضوع غير مالك للسيارة سوف يتم حذف مشاركتة بدون سابق انذار
لان دة استطلاع رأى ليس اكتر ومش هعملة استطلاع مئوى عشان مش اى احد يدخل يدى رأية وخلاص

**Hamdy Masria** · 23-07-2012 04:34 PM

خلاصة الكلام بالنسبالى
عربية معمولة صح
مفيهاش مسمار معمول فى مكان غلط

وهى انسب عربية بالمقارنة بقيمتها النقدية الحالية

**hany63** · 23-07-2012 06:05 PM

الميزه هنا ان الناس كلهم مصداقيه لدرجة الواحد لقى اكتر من المتوقع
وانا فعلا مستني الشكل الجديد بفارغ الصبر عشان بحب اغير كل من ٣-٤ سنين

**iWeLLy** · 23-07-2012 08:52 PM

المشكلة اللي بتواجهني فعلا هي اغراء السرعة على الطرق السريعة ساعات بنسى وببص في العداد ألاقي السرعة وصلت 170 من غير ما أحس هي دي الحاجة الوحيدة اللي ضحكتوا فيها علينا العربية بتجري لوحدها هههه ألف شكر ليكم بجد وان شاء الله لازم نتقابل علشان عايز اشتري شوية حاجات ومش عارف اجيبهم منين

**abo-berry** · 23-07-2012 08:58 PM

طبعا مش هغير العلامه. هوندا حتي النخاع.
وحتي لو بيظهر اعطال في العربيه ما كل العربيات بيظهر فيها اعطال بس اعطال عن اعطال بتفرق , يعني مثلا ماتوري القديم لما تلت وانا مش رحمو سفر وحرق وبهدله اعتقد انها لو عربية تانية كانت قالتلي كلام مش حلو. ويكفي انك وأنت ماشي الناس بتتفرج عليك لأنها عربية شكلها مميز ومش منتشر ومش أي حد راكبها , طب سؤال عابر حد شاف هوندا تاكسي !? طبعا الرد مستحيل تلاقي هوندا تاكسي.
حاجة أخيره بالنسبة لملاك الجيل الخامس أو السادس أو حتي الرابع لما تيجي عربية موديل الفينات وتستفزك انك تشد معاها او حتي تتقارن بعربية موديل الفينات طبعا دي لوحدها شهادة كبيرة للهوندا وانها عربية مهما بقت موديل قديم بس بتقول أنا لسه موجوده

**dieseldash** · 23-07-2012 10:03 PM

انا معايا الفئه الخامسه و عمرى ما هفرط فيها حتى لو جبت عربيه ثانيه هتفضل موجوده. اعتماديه و ثقه 100% و انا سايقها مهما كانت السرعه. اهم حاجه تدلعها عشان تدلعك :-) وطبعا بالنسبه للاعطال تقريبا مفيش و لو حصل و عملته هتنساه نهائى

**SAMEH_FOUAD** · 24-07-2012 10:48 AM

طيب كويس يعنى مش بنضحك على الناس اهوة ولا بنخدعهم عشان يشتروا العربية وبعد كدة مايلاقوش فيها حاجات من اللى احنا قولناها

عشان بس الاخوة اللى بيقولوا متحيزين يعرفوا اننا صادقين فى كلامنا بدل ماهما عمالين يقولوا بتكبروا وبتبالغوا ومحسسينهم انهم هيركبوا طيارة

وياريت كمان اشوف مشاركات الاعضاء اللى لسة مشترية العربية سواء جيل خامس او سادس او ثامن ويقولوا رأيهم من واقع ان لسة عربية جديدة عليهم

**SAMEH_FOUAD** · 24-07-2012 01:03 PM

[frame="1 80"]
احنا هنتحيز لية ان شاء الله بنتكلم فى الهواء , بنقول على السيفيك انها ثابتة وهية مش ثابتة , قولنا انها جامدة وهية تعبانة ماتبصوا ياجماعة للوجة الصحيح من الموضوع مش فكرة تحيز وخلاص احنا مش هناخد حاجة من الشركة ولا عربية هدية لما نقعد نمجد فى شركة هوندا او هيونداى بس محدش يقول حاجة مخالفة للواقع , لانى زى ماقولت قبل كدة فية ناس بتشترى على كلامنا دة , والحمد لله محدش اشترى عربية هوندا اى موديل الا ولاقى فيها كل الكلام اللى احنا بنقولة ودة الحمد لله دليل على المصداقية اللى احنا بنقولها ودة اللى يهمنا , يبقى كدة عنصر التحيز مش موجود واصبح دفاع عن الحق

- ولية ماتفضلش عريقة هية مثلا bmw عريقة من يومها هل فقدت دة دلوقتى بالعكس ماشاء الله عليها وحش والكل يتمنى العلامة يقتنيها , والهوندا كذلك طبعا فية فرق مابين الهوندا وبين bmw بس الهوندا ممتازة جدا ويعتمد عليها فعلا

-مين اللى فشلت فشل زريع موديل 2012 , العربية دية اول ظهور ليها ( وخلى بالكوا من دية كويس اول ظهور ليها ) كانت فعلا عايزة حاجات كتير ونزلت من غير حاجات كتير مهمة لراكب الهوندا اللى اتعودت عليها ( خامات بلاستيك - اوبشن اتشال - شكل خلفى فقط مش مرضى )
لكن اداء واعتمادية ومحرك وهدوء وكل حاجة ممتازة وفرامل كمان بقت افضل من الجيل السايق عشان بس تبقى الناس عارفة , مع ال refresh design اللى حصل العربية بقت اشيك , احلى , وحاجات كدة ان شاء الله عهملها موضوع ( مافيش عربية هوندا بتفشل ياباشا واللى ببشتريها بمبلغ 200 الف جنية عارف هو بيشترى اية

- هيونداى تصنع وتعمل زى ماهية عايزة احنا مالناش فية بس محدش يتكلم بغير وجة حق على عربية اراء مالكيها فيها متغيرة , لكن اذا ذكرت الهوندا هتلاقى ست حاجات مافيش عليهم خلاف ( محرك - ثبات - قوة - اعتمادية - شكل- امان )

[/frame]

دية ياجماعة المشاركة اللى انا كتبتها وخليتنى اعمل الموضوع دة