عايز أجيب فتيس جديد للشاهين منين وبكام طب لو مفيش إيه نظام الإستيراد؟؟!

**شاهين - بنز** · 25-06-2008 07:44 PM

وبرضه ياجماعة عايز أجيب كورونا جدييدة أجيبها منين وبكام وبرضه عايز أجييب سوست جداد وشكرا جزيلا
وبجد العربية دي بهدلتني وطلعت عيني مع إنها لسه 90 ألف
وللعلم العربية دوجان 1.6 موديل 95

**emadkamel** · 25-06-2008 08:31 PM

يا عم اشترى واحده جديدة وخلاص :) :)

متهيألى معظم الحاجات دى تجيبها من التوفيقية ..... هشام لهيطة .... سعر الكورونا كنت سمعت من "سنتين" انها 2000 جنية ... طبعاً ماعرفش ممكن تكون كام دلوقت ... عامة انتظر واكيد باقى الزملاء هايفيدوك اكتر ... وربنا يوفقك :)

**Xpert** · 25-06-2008 11:00 PM

بص يا سيدي الفاضل .. انا مش عارف اشمعني انت اللي عندك العيب .. بس يكم انت اشتريتها من قريب او حاجه .. لان العربيه دي معانا من الزيرو و صيانه دوريه و كله تمام ... و عامله تقريباُ 95 الف كم برضه ..المهم مش في انها تعمل 90 الف كيلو .. المهم في الصيانه الدوريه .. ممكن تمشي 90 الف كيلو و ماتفكرش يوم واحد تفتح الكبوت و تكشف علي الزيت .. و ممكن تمشي 200 الف كيلو بصيانه دوريه و عربيتك تبقي تمام برضه ...
ما علينا .. من الواضح ان حضرتك عندك مشكله كبيره في العربيه .. فنيجي للمفيد..
الفتيس الجديد (ده ان وجد) هايبقي نفس اللي في الشاهين الجديد ..و ده عيبه في سؤ الخامه بتاعته .. و بالتالي بياكل غوايش و بيقعد يون كتير ... انصحك : هات فتيس استيراد (برضه نفس المبداء بتاع الصيانه .. و بالتالي مش كل الاستيراد حلو و مش كله وحش) ... تعتقد تمنه في حدود ال 1000 جنيه (ماسالتش عليه بس معظم الفتايس المانوال ماشيه في الرينج ده) ...
اما بقي بالنسبه للكرونه ... فالكرونه لوحدها في حدود 700-800 جنيه .. و الدفرنسيل كامل في حدود 2750 جنيه ... (قد يكون زاد كمان) ...
في حل تاني بقي : التاكسي ستايل ... بيجيبو كرونه الياباني (تقريباٌ تييوتا كرولا ) و بيغيروا القواعد بتاعتها و بيركبوها .. هو الاول بيقيسوا الكرونه بتاعتك .. و يقيسو الكرونه الياباني لحد ما يلاقي واحده نفس العرض .. و ليها نفس السره بتاعه الفيات .. و بيركبوها (عند حداد عفشه) .. و دي ميزتها .. ان الدفرنسيل كله عامل في حدود 800 جنيه ....
اهم حاجه بقي .. الكرونه تكون زي بعض .. يعني لو فكيت و لقيت كرونتك 10/41 (4.1) بتجيب كرونه 4.1 برضه ...

**mrghost** · 26-06-2008 12:57 AM

انزل عزبة شلبى هتلاقى كل ده ومنتشر كمان بعزبة شلبى كل اللى انت عايزه استيراد بس خد ميكانيكى معاك علشان ماحدش يعمل عليك شغل وعزبة شلبى على ترعة الاسماعيليه وانت رايح مسطرد

**sab3aawy** · 26-06-2008 09:02 AM

المشاركة الأصلية كتبت بواسطة Xpert

في حل تاني بقي : التاكسي ستايل ... بيجيبو كرونه الياباني (تقريباٌ تييوتا كرولا ) و بيغيروا القواعد بتاعتها و بيركبوها .. هو الاول بيقيسوا الكرونه بتاعتك .. و يقيسو الكرونه الياباني لحد ما يلاقي واحده نفس العرض .. و ليها نفس السره بتاعه الفيات .. و بيركبوها (عند حداد عفشه) .. و دي ميزتها .. ان الدفرنسيل كله عامل في حدود 800 جنيه ....
اهم حاجه بقي .. الكرونه تكون زي بعض .. يعني لو فكيت و لقيت كرونتك 10/41 (4.1) بتجيب كرونه 4.1 برضه ...

,فيه حل تالت، تجيب ديفرنسيل كامل بتاع فولفو 240 استيراد، وبتتظبط القواعد بتاعته على الشاهين عند خراط ، فيه واحد اسمه ابو النيل فى منطقة الضاهر بيعمل الشغلانة دى

**شاهين - بنز** · 26-06-2008 11:57 AM

يا عم اشترى واحده جديدة وخلاص :) :)

متهيألى معظم الحاجات دى تجيبها من التوفيقية ..... هشام لهيطة .... سعر الكورونا كنت سمعت من "سنتين" انها 2000 جنية ... طبعاً ماعرفش ممكن تكون كام دلوقت ... عامة انتظر واكيد باقى الزملاء هايفيدوك اكتر ... وربنا يوفقك :)

معاك حق بس طول مانا في مصر المحروسة بفكر كتيير قبل ماغير العربية عشان موضوع الحفر والبلاعات إللي في الشوارع والتخبيطات خصوصا إني بعمل 100 يوميا عشان بروح إكتوبر فشايف إنه خسارة في البلد دي الواحد يجيب عربية جديدة

وأنا إن شاء الله حأبقى أروح التوفيقية وشكرا جزيلا على الرد :)

**شاهين - بنز** · 26-06-2008 12:17 PM

بص يا سيدي الفاضل .. انا مش عارف اشمعني انت اللي عندك العيب .. بس يكم انت اشتريتها من قريب او حاجه .. لان العربيه دي معانا من الزيرو و صيانه دوريه و كله تمام ... و عامله تقريباُ 95 الف كم برضه ..المهم مش في انها تعمل 90 الف كيلو .. المهم في الصيانه الدوريه .. ممكن تمشي 90 الف كيلو و ماتفكرش يوم واحد تفتح الكبوت و تكشف علي الزيت .. و ممكن تمشي 200 الف كيلو بصيانه دوريه و عربيتك تبقي تمام برضه ...

هي العربية كانت معايا من الزيرو بس المشكلة إن إستخدامي غير آدمي شوية على طول بحرق وبيجيب 150 على السفر فطبعا العربية ماستحملتنيش والكورنا والفتيس ضربوا وحاجات تانيية كتييير وإكتشفت إن الواحد عشان يحافظ على العربية دي لازم مايعديش ال 120 كسرعة قصوى

الفتيس الجديد (ده ان وجد) هايبقي نفس اللي في الشاهين الجديد ..و ده عيبه في سؤ الخامه بتاعته .. و بالتالي بياكل غوايش و بيقعد يون كتير ... انصحك : هات فتيس استيراد (برضه نفس المبداء بتاع الصيانه .. و بالتالي مش كل الاستيراد حلو و مش كله وحش) ... تعتقد تمنه في حدود ال 1000 جنيه (ماسالتش عليه بس معظم الفتايس المانوال ماشيه في الرينج ده) ...

تمام بس إيه نصايحك وأنا بجيب الفتيس الإستيراد

اما بقي بالنسبه للكرونه ... فالكرونه لوحدها في حدود 700-800 جنيه .. و الدفرنسيل كامل في حدود 2750 جنيه ... (قد يكون زاد كمان) ...
في حل تاني بقي : التاكسي ستايل ... بيجيبو كرونه الياباني (تقريباٌ تييوتا كرولا ) و بيغيروا القواعد بتاعتها و بيركبوها .. هو الاول بيقيسوا الكرونه بتاعتك .. و يقيسو الكرونه الياباني لحد ما يلاقي واحده نفس العرض .. و ليها نفس السره بتاعه الفيات .. و بيركبوها (عند حداد عفشه) .. و دي ميزتها .. ان الدفرنسيل كله عامل في حدود 800 جنيه ....
اهم حاجه بقي .. الكرونه تكون زي بعض .. يعني لو فكيت و لقيت كرونتك 10/41 (4.1) بتجيب كرونه 4.1 برضه ...

أنا جبت كورنا خلع السنة إللي فاتت قعدت بالضبط شهر وبعدين باظت عشان كده الكورنا عايز أجيبها جديدة وموضوع التاكسي مرة كنت راكب تاكسي وقاللي نفس الموضوع بتاع الياباني بالضبط بس أناعايز حاجة على الجاهز وعايز أجيب كورونا جديدة أركبها على طول
وألف شكر يا إكسربت على ردك وياريت لو تقوللي أجيب الكورنا الجديدة منيين؟

**شاهين - بنز** · 26-06-2008 12:23 PM

انزل عزبة شلبى هتلاقى كل ده ومنتشر كمان بعزبة شلبى كل اللى انت عايزه استيراد بس خد ميكانيكى معاك علشان ماحدش يعمل عليك شغل وعزبة شلبى على ترعة الاسماعيليه وانت رايح مسطرد

شكرا يا mrghost بس أنا معرفش الأماكن دي

,فيه حل تالت، تجيب ديفرنسيل كامل بتاع فولفو 240 استيراد، وبتتظبط القواعد بتاعته على الشاهين عند خراط ، فيه واحد اسمه ابو النيل فى منطقة الضاهر بيعمل الشغلانة دى

شكرا سبعاوي باشا بس أنا عايز كورونا جديدة أجيبها منيين؟

**nobody** · 26-06-2008 03:16 PM

انت تنزل الوكالة تجيب فتيس استيراد بس لازم يبقى نمرة 1
بعد كده هات الكرونا بس تبقى كاملة بال أكسات وكله اوى يضحكوا عليك و تجيب مجموعة الكرونا عشان دي بتبقى خلع انت تجيب كرونا متقفلة بتاعت بلدها
السوست بصراحة مش عارف تجيبهم استيراد ولا جديد احسن
رايي خليك في الجديد

**Xpert** · 27-06-2008 12:12 AM

المشاركة الأصلية كتبت بواسطة sab3aawy

,فيه حل تالت، تجيب ديفرنسيل كامل بتاع فولفو 240 استيراد، وبتتظبط القواعد بتاعته على الشاهين عند خراط ، فيه واحد اسمه ابو النيل فى منطقة الضاهر بيعمل الشغلانة دى

لاء دي اول مره اعرفها ... بس الفولفو 240 5 خرم يا باشا .. هاتبقي ورا 5 خرم و قدام 4 خرم ؟

المشاركة الأصلية كتبت بواسطة شاهين - بنز

هي العربية كانت معايا من الزيرو بس المشكلة إن إستخدامي غير آدمي شوية على طول بحرق وبيجيب 150 على السفر فطبعا العربية ماستحملتنيش والكورنا والفتيس ضربوا وحاجات تانيية كتييير وإكتشفت إن الواحد عشان يحافظ على العربية دي لازم مايعديش ال 120 كسرعة قصوى

تمام بس إيه نصايحك وأنا بجيب الفتيس الإستيراد

أنا جبت كورنا خلع السنة إللي فاتت قعدت بالضبط شهر وبعدين باظت عشان كده الكورنا عايز أجيبها جديدة وموضوع التاكسي مرة كنت راكب تاكسي وقاللي نفس الموضوع بتاع الياباني بالضبط بس أناعايز حاجة على الجاهز وعايز أجيب كورونا جديدة أركبها على طول
وألف شكر يا إكسربت على ردك وياريت لو تقوللي أجيب الكورنا الجديدة منيين؟

بص يا باشا .. الخلع دي زباله الشعب ... اللي انت بتقلعها من العربيه دي هيا الخلع ...
التاني اسمه مستورد ... بص ... الخلاصه .. انزل بورسعيد (بورسعيد اصلاً ميناء الشحن الاوروبي) ... كلم الراجل ده : يوسف : 0124244406 قوله عاوزين فتيس و كرونه فيات 131 نمره واحد.. و انا من طرف بيشوي بتاع بني سويف ... و نبه عليه .. قوله علي التجربه ... سليمه تلزمني و لو بايظه تلزمك .. و لو فيها حاجه هاشتكيك لبيشوي .. و خلاص علي كده
عرف التجاره بيقول : سليمه تلزمني و بايظه تلزمك ...