ممممم موضوع الصفارة له كذا سبب منهم وجود تراب علي التيل بيعمل علي الاحتكاك مع الديسك اثناء الدوران بس بيروح لما تفرملي العربية بمجرد الضغط علي دواسة الفرمل وعلاجة بسيط وبيروح بمجرد غسيل العجل او اجراء الغسيل للطنابير بتاعة الفرامل بالماء الساخن اما لو الصوت مستمر وبيعلي مع استخدام الفرامل يبقي التيل متاكل ولازم يتغير ودة حلة طقم تيل جديد اما لو الصوت مستمر سواء فرملت او لا يبقي السبب ياما اختفاء طبقة الشحم من بلي العجل او احتكاك الصفيحة بتاعة الحماية للطنبورة مع الطنبورة نفسها ولو ركزتي وعرفتي هل الصوت دة ميكانيكي ولا صادر من العجل (الكاوتشات)لو كان السبب الكاوتش فالسبب اما جفاف مادة المطاط للكاوتش وبالتالي تزحلقة علي الاسفلت او الزوايا غير مضبوطة او جلب المقصات متاكلة وفي حاجة للتغيير
اما في بعض الحالات النادرة واللي صادفتني في اثناء عملي ممكن يكون صامولة اتحشرت بين التيل والطنبورة وبالتالي بتصفر وحرارتها بتزيد لدرجة النغماس في مادة التيل بس بتكون بوظت الديسك نفسة وفي الحالة دي بتلاقي التاثير الفرملي مش مضبوط زي ما يكون الفرامل بتفرمل وتهرب لحظيا والفرامل مضغوط عليها
عموما لازم يتكشف علي العربية دة الحل بدون اجتهاد
برضة موضوع ان العربية بتعمل صوت من ورا ممكن يكون نتيجة لضعف المساعدين واستخدام الفرامل علي طريق اسفلته سيئ بينتج عنة قفز العجلات وبالتالي توقفها عن الحركة في حين ان السيارة مازالت بتتحرك وبالتالي تبداء في فقد معامل الاحتكاك مع الطريق وتتزحلق وتصفر بس لحظيا
طمنينا وكل سنة وحضرتك طيبة
المفضلات