المشاركة الأصلية كتبت بواسطة tutankhamoun
يا أستاذ أحمد - رمضان كريم عليك
بالنسبة للشارع ....... ده مش ملعب عربيات يا أخي الفاضل .
ده شارع عام .......... أقصى سرعة عليه هي 60 كم - س .
بغض النظر بقى الشارع فاضي أو مليان ....... لا يبرر الفعل الخاطئ و لا يجعله صحيحا .
و ربنا يباركلك في وقوفك للناس علشان تعدي بس ده واجب علينا مش تفضل و لا تركم مننا كسائقين .
حضرتك برة مصر (في الدول المحترمة ) علشان أحنا دولتنا عكس ذلك .
الاشارة بتبقى الساعة 3 الفجر أحمر ........ و مفيش حد بيعدي
و مع ذلك السواق واقف زي الألف منتظرها تخضر .
بالنسبة للمشاة
هم لهم حق المرور في الشارع قبل السيارات . و عكس ذلك غرامة .
أنا كل ما أقصده أن أحنا لازم نلتزم بالصح .
تخيل و أنت بتجري على 120 في شارع ضيق زي شارع الهرم و كاوتش أنفجر
أنت عارف كم الخسائر المادية و البشري هايبقى عامل ازاي ؟
و ربنا يستر طريقك و يهديك و يهدينا
المشاركة الأصلية كتبت بواسطة ahmedeihab
يا باشا ربنا يسترها علينا و عليك
و بلنسبه للشوارع المصريه دى شوارع لا تصلح للاستخدام الادمى اصلا
و ياريت الناس تحترم الاشارات بس احنا فى بلد بقت بلدراع
يعنى لو معدتش عافيه مش هتعدى فى سنتك دى
و يارب البلد دى تتغير و تبقى احسن بلد فى الدنيا
تحياتى ليك
^_^
المشاركة الأصلية كتبت بواسطة tutankhamoun
طيب هو بغض النظر أن الشوارع تصلح أو لا تصلح للأستخدام الآدمي .(ده لا يعطينا الحق في مخالفة القانون ) حضرتك بتقول ياريت الناس تحترم الاشارة ؟
هو مين الناس ؟
أنا و أنت و بقية السواقين على أرض المحروسة .
تعالى أنا و أنت نبدأ بنفسنا و هاتلاقي العدد زاد .
إنما لما نقعد نستنى غيرنا يتغير ........ مفيش تغيير هايحصل .
بالنسبة لموضوع العافية
و الله أنا بسوق عادي بدون عافية و بوصل مشاويري.
لو كل واحد نزل من بيتهم و عنده مبدء أنه لازم يسوق بالعافية
يبقى البلد هاتفضل كدا
ياريت ما نعملش زي بتوع الميكروبات قصدي الميكروباظ قصدي الميكروباص .
ربنا هو الهادي .
[/center]
[/size][/color]
يا استاذ توت عنخ أمون
انا عنوان موضوعي - راح خلاص
انا واحد من ضمن - الي راح خلاص زمنهم
والبركة النهاردة في الجيل الجديد
انت متخيل ان انا كل مشيي بالعربية فوق ال360 وعمال اغرز واخيط في الشارع كله ؟؟
انا موضوعي مقارنة سريعة بين سواقة جيل وجيل اخر
وبحذر الجيل الأخر من هدوء الجيل الأول في السواقة فان رأيت اسنان الليث فلا تظن ان الليث يبتسم
ورغم الهدوء الي بنتمتع بيه حاليا والعقل والرزانة لكن لما بنحب نجري بنعرف نجري ولما بيكون عندنا ظرف ولا مستعجلين بنعرف نتصرف وبنجري احسن من الجيل الي بعدنا
تحياتي لحضرتك للمرة التانية يا استاذ توت
وكل عام وانت بخير
تحياتي ليك يا احمد ايهاب
ورمضان كريم
والله المستعان
،
،
المفضلات