الموضوع: اللى بيقارن الكورى بالاوروبي واليابانى ازاى تدفع 150الف ومافيش Safety ولا Stability..

المشاركة الأصلية كتبت بواسطة mollaelolla

كنت عند جينز كار
انا بركب فرش للصنى و الالنترا جنبى نتركب فرش
دار بيننا هذا الحوار
انا : مبروك عليك يا باشا
هو : الله يبارك فيك
انا: حلوة بردك الالنترا عربية شكل عصرى و ناعمة و موتور حلو
هو: فعلا بس بردك كورى فى الاخر
انا : هى اوتو؟
هو: اه ستب ترونك
انا : بكام
هو: 117
انا : فيه اير باج
هو: لا ولا abs بس ممكن فى الفات الاعلى

هو: و انتا عندك ايه
انا : هى اوتو عادى
هو: عادى مش ستب
انا : لا هى اوتوماتك عادى
هو: بكام
انا : 100
هو : و الحجات اللى فيها
انا: تكييف بكر مش تاتش
هو: اه عادى انا كمان بكر
انا: كمبيوتر رحلات
هو: تمام و انا كمان انتا عندك البنزين دجيتال؟
انا : اه
انا: 2 ابر باج
هو : 2؟؟
انا : اه السائق و اللى جنبه
هو : فيها abs ?
انا: فيها ( استغرب شوية)
وفيها ebd ( و هنا اتسعت عيناه)
و فيها break assist ( سكت ما ردش و مع احترامى الشديد للايلنترا انا باحب مواتير هيونداى جدا بس فى اللحظة دى انا مش عارف وصلنى احساس قوى ان الراجل اتصدم)

و بعدين قال باستغراب شديد : و ب 100 !!!
ثم قال: المفروض تكون اغلى من كده.... انا كنت فاكر انها اغلى من كده
و انتهى الحوار

مش عارف برضه ايه دخل الالنترا بالصني ؟ دي فئة ودي فئة ! للاسف نيسان معندهاش عربية في فئة الالنترا عشان تتقارن بيها ، بس المقارنة غريبة اوي بصراحة

المشاركة الأصلية كتبت بواسطة mody3on

مش عارف برضه ايه دخل الالنترا بالصني ؟ دي فئة ودي فئة ! للاسف نيسان معندهاش عربية في فئة الالنترا عشان تتقارن بيها ، بس المقارنة غريبة اوي بصراحة

انا قلت مقارنة؟
و نفسى افهم حضرتك متضايق لي انى بحكى موقف حصل بالفعله؟؟؟
انا بحكى موقف حصل
و من حقى ان احكى ما اريد
و ما حدش يقدر يغلطنى فى انى باحكى موقف حصل
زى ما حضرتك كده بتدخل منتدى نيسان كتير و بتقول راءيك فى العربية الصنى الجديدة فى مواضيع كتير (و فى الاغلب بيكون راى سلبى) بالرغم انك مش من ملاك نيسان
لكن ما حدش اعترض لان ده رايك و من حقك انك تقوله بصرف النظر عن اى سيارة تمتلك
و انا كمان من حقى اقول رايى

المشاركة الأصلية كتبت بواسطة mollaelolla

انا قلت مقارنة؟
و نفسى افهم حضرتك متضايق لي انى بحكى موقف حصل بالفعله؟؟؟
انا بحكى موقف حصل
و من حقى ان احكى ما اريد
و ما حدش يقدر يغلطنى فى انى باحكى موقف حصل
زى ما حضرتك كده بتدخل منتدى نيسان كتير و بتقول راءيك فى العربية الصنى الجديدة فى مواضيع كتير (و فى الاغلب بيكون راى سلبى) بالرغم انك مش من ملاك نيسان
لكن ما حدش اعترض لان ده رايك و من حقك انك تقوله بصرف النظر عن اى سيارة تمتلك
و انا كمان من حقى اقول رايى

ولا متضايق ولا حاجة انا بقول ان دي حاجة ودي حاجة ، قول رايك يا فندم على عيني وراسي وانا بقول رايي برضه ، حضرتك قلت حاجة وانا رايي مخالف ليها وعلقت عليها فين المشكلة ؟

المشاركة الأصلية كتبت بواسطة mody3on

ولا متضايق ولا حاجة انا بقول ان دي حاجة ودي حاجة ، قول رايك يا فندم على عيني وراسي وانا بقول رايي برضه ، حضرتك قلت حاجة وانا رايي مخالف ليها وعلقت عليها فين المشكلة ؟

مافيش مشكلة
و كل سنة و انتا طيب
انا بس عايز انبهك انك بتننقد الصنى الجديدة كتيييييير اوى
و مع ذلك ماحدش قال لك هو انتا بتننقدها ليه
الان الناس انتقدت الكورى على وجه العموم و الهيونداى على الاخص
فحضرتك ما تقبلتش ده بينما احنا فى قسم نيسان بنتقبل نقدك بصدر رحب
انا كل اللى عايز اقوله ان الناس اللى داخلة تنتقد دى
بتفهم مش ما بتفهمش
و ده رأيهم و من حقهم يقولوه
و اى محاولة للتقليل منه لاسكات الناس فهذا نوع من انواع القمع الفكرى
و افتكر لم يقلل اى احد من اراءك السلبية جدا فى حق الصنى ولا حد قال لك "بتقول كده ليه" او "ليه دائما انت ضد العربية دى"

هدى نفسك ما تضايقش فى النهاية انا مقتنع ان الهيونداى اصلا عربيات حلوة و مواتيرها فعلا جميلة مافيش كلام نعومة و تسارع و عربية كده لما تدوس بنزين تاخدك
بس ده مش كل حاجة
دمت بود