شوف ياجماعة بعيدا عن جو كل المناقشات اللى احنا فتحنا بيها يجى 100 موضوع قبل كدة عشان مين افضل اليابانى ولا الكورى , ثم فى الاونة الاخيرة جاءت المقارنة بين مين افضل الكورى ولا البنتلى وال bmw طبعا انا كل ما افتكر الموضوع ببقى مزهول مش مصدق نفسى ان فية حد ممكن يعمل المقارنة دية , ماعلينا

دلوقتى احنا كلنا متفقين على حاجة ان الكورى المفروض يكون سعر اقل من كدة 25000 الف جنية على الاقل
لان العربية مش ( شكل - اوبشن - ماتور بيجرى وخلاص ) فيه حاجات كتير احنا عارفينها كويس الكورى مابيحاولش يجى جنبها اصلا يعنى مثلا مالقيتش مرة حاول يعدل عفشة , او يهتم بنقطة الثبات او الفرامل والكلام دة كلة , ومع تجربة الناس للعربية اجمعت على الكلام دة ( ماعداا ملاكها )

وهو دة الفرق مابين اليابانى والالمانى والكورى والصينى

الالمانى صانع السيارات الاول فى العالم بيهتم ( الامان - الصاج - محركات ذات سعة كبيرة عشان عمرها يبقى اطول - راحة - عزل - ثبات - خامات - اعتمادية - عمر اطول للسيارة نفسها- ايروديناميك محسوبة ممتازة ) عدم الاهتمام ( بالتكييف - تسارع السيارة لحد 100 كم - الشكل مابيهمش يعملوا سيارات شكلها هلامى ومبالغ اوى فى شكلها )

- اليابانى : ثانى اكبر صانعى السيارات فى العالم : اهتمامة ( محرك قوى بسعة قليلة وبالرغم من كدة بيعيش بس مش زى الالمانى - شكل - امان - ثبات - سيارت اعتمادية جدا وتعيش سنين طويلة - تكييف قوى - اوبشن - استهلاك بنزين قليل - نعومة - راحة - عزل- ايروديناميك محسوبة صح )
طبعا هنلاقى الفرق قليل مابين الالمانى واليابانى بس فى الاخر المقارنة محسومة للالمانى

الكورى : خامس اكبر شركة مبيعات فى العالم : تهتم ( الشكل ثم الشكل شىء اساسى عندهم لان بيبقى علية عامل اختيار كبييييييير جدا بالنسبة للعميل - المساحة - التكييف - النعومة - المحرك - الاوبشن - الشكل الداخلى للعدادت والتابلوة بيهتموا بية من الاخر بيعمل للعميل انجذاب بصرى يخلية يختصر 75% من فكرة لان يمتلك سيارة شكل خارجى وداخلى واوبشن -استهلاك البنزين) اللى بقى مش مهتمين بية او عندهم ثانوى ( الامان - الثبات - الاعتمادية مش مشكلة العربية تقعد قد اية اهم حاجة تكمل ثلاث اربع سنين بدون مشاكل - خامات - تقفيل- قوة فرامل بيكتفوا بفرامل مناسبة عند سرعات 100 كم لكن بعد كدة اداء الفرامل بيقل

دة اهتمامت الكورى واة فعلا الكورى اتطور ( شكلا واوبشن وليس موضوعا )

- الصينى : ظهور ليس بقريب على الساحة ولكن سيارات مناسبة لسعرها يعنى اى عربية فية سيدان compact تمنها مابيعديش ال75 الف جنية وفيها ( Abs- 2 airbag- ebd ) واوبشن كتير بردة , وخامات متبطنة فى بعض السيارات منها , لكن نفس الكلام يفتقر اللى الاعتمادية - الثبات - قوة المحرك - بيعتمد على تقليد اشكال واسامى السيارات وطبعا دة غير محبب نهائيا

دول ملخص فكر صانعى السيارات من وجهة نظرى ياريت اللى عندة اعتراض يقول بتحليل بردة بس يكون محايد

الناس بقى اللى بتقول ان هيونداى تفوقت على اليابانى وعدتهم , اقولهم معلش يمكن حلم
وهديك مثال

عربيتين ماشيين على الطريق , واحدة متحركة قبل التانية وماتورها سريع , والتانية اتحركت بعديها بفترة وبتحاول تجيبها , الاخيرة مش هتقدر تجيب الاولى غير فى حالة واحدة تعطل الاولى وطبعا دة مستحيل
لان شركة كبيرة زى مثلا هوندا وسوبارو اكيد ليهم عملاء ولازم يحافظوا عليها , واكيد لن يرضوا للصدارة بديل