محتار فى نوع الكاوتش

**أحمد الجندى** · 08-08-2012 11:35 AM

المشاركة الأصلية كتبت بواسطة mailo

انا مش لاقي رقم تليفون الوكيل معايا
بس هو في بنزينة وطنية على الاوتستراد حلوان أنا فاكر أصلا إني كنت جبت رقمهم من على النت

كلم ده

أحمد : 01009891814
ده محل كبير في العرب وعلى فكرة هو ده اللي أنا ركبت عنده أصلا وادني نفس سعر التوكيل

إن شاء الله هتلاقي عنده ال goodyear وال conti اسأله علي الاسعار وهتلاقي سعر وكيل الجود يير أقَل حاجة بسيطة

بس كلمه وقولي قال لك إيه وأنا معاك إن شاء الله

ربنا يخليك إن شاء الله اتصل بيه واشوف اسعار الكاوتشات عنده

**أحمد الجندى** · 08-08-2012 11:38 AM

امبارح خدتلى جولة فى شارع شمبليون اسأل عن اسعار الكاوتشات بصراحة شىء محبط جدا التعامل مع الناس هناك محدش فاهم أى حاجة ومش عايزين غير واحد يقولهم مقاس الكاوتش وخلاص ما يعرفوش الموديلات ولا يفهموا الفرق بين تصنيفات الكاوتش وحتى الاسعار زى الزفت ويادوب شاملة الترصيص والبلوف وبس

**mailo** · 09-08-2012 03:20 PM

المشاركة الأصلية كتبت بواسطة أحمد الجندى

امبارح خدتلى جولة فى شارع شمبليون اسأل عن اسعار الكاوتشات بصراحة شىء محبط جدا التعامل مع الناس هناك محدش فاهم أى حاجة ومش عايزين غير واحد يقولهم مقاس الكاوتش وخلاص ما يعرفوش الموديلات ولا يفهموا الفرق بين تصنيفات الكاوتش وحتى الاسعار زى الزفت ويادوب شاملة الترصيص والبلوف وبس

ده نفس اللي أنا عملته في شارع أحمد سعيد
وجالي اكتئاب

ياباشا الناس دي ملهاش دعوة باللي إنت عايزه إيه
إنت عايز كاوتش مقاس كام هترد هيقولك بكذا خلاص خلصت مش هيحكي

الوحيد اللي عرفت أتكلم معاه في الكاوتش أحمد اللي أنا كتبتلك رقمه و محمد بتاع التوكيل اللي أنا ماجبتلكش رقمه بس كده وأنا كنت عارف من الأول أنا عايز إيه وكلامي معاهم كان دردشة عشان هم كانوا شباب زيي فـكنا بنحكي شوية بس كده
بس ضفولي معلومة والناس استقبلتني كويس

على فكرة أنا مركب عند أحمد ده مش بأقل سعر بس الفرق كان بسيط وأنا دفعته راضي في فرق المقابلة مابين المكانين بس مش أكتر

**أحمد الجندى** · 09-08-2012 05:02 PM

أنا اتصلت بأستاذ أحمد النهاردة وحسيت انى كلمت حد محترم وفاهم وجيبت منه سعر البريللى وده عامل 490 وسوتوموتو ب 480 وقالى ممكن يجيبلى سعر الكومهو والهانكوك اما الجود يير مش موجود منه المقاس اللى أنا عايزه بس لقيته فى المقاس اللى قبله 185\65 ب 400 جنيه وحاحاول انى اروحله زيارة اشوف اللى عنده.

المشكلة اللى بتقابلنى دلوقتى انى محتار بين انى اجيب المقاس اللى أنا عايزه بمميزاته بس حايبقى غالى عليا وكمان مش متوفر فى كل الماركات ، أو اجيب مقاس المصنع اللى هو 185\65 وحايبقى اقل فى الاداء لكن موجود منه كل الموديلات وبسعر اقل من اللى أنا محدده كمان

**mailo** · 10-08-2012 01:09 AM

أنا كنت عارف إنه هيقنعك بـ بريللي عنده عقدة اسمها بريللي مش عارف ليه
ممكن نسأل وكيل goodyear على المقاس ونشوف إنت سألته elconti بكام عشان أنا فاكر إنه كان عنده مش متأكد

وبعدين احنا اتفقنا كاوتش إيه كوتمتو اللي إنت هتجيبه ده
وفالاول والآخِر لو هيجيبلك فردة دهب نجيب الموديل ونبص على ال reviews بتاعتها

بص أنا هكلمه واشووف ولو عرفت أروح توكيل goodyear هسألك هناك

بمناسبة با تغير مقاس دي اللي فهمته إن عندك 195 واللي إنت بتفكر تركبه 185
ده هيفرق معاك جامد في حاجات كتير handling و stability أولهم وأهمهم
أنا كان عندي 175 ركبت 185 ال 110 بقت 130 140

خلي تغير المقاس ده آخر حاجة تفكر فيها وربنا يكرم

**mailo** · 10-08-2012 06:20 PM

أنا كلمته دلوقتي هو قال لي إن المقاس الأصلي بتاعك 185 وإنك إنت اللي معدل

وعلى فكرة هو قال لي إن المقاس ال 195 عنده goodyear بس مرضيش يقولك عليه عشان قديم بيقولي عدى سنتين أو حاجة كده

على كل حال ده قرارك إنت إنك ترجع 185 ولا تكمل 195

**أحمد الجندى** · 10-08-2012 08:08 PM

يا باشا ده كتير أوى وأنا تعبك كده معايا جدا ملوش داعى والله كل ده .

أنا وصلتنى رسالتك الخاصة وبإذن الله اتصل بيك النهاردة

**virus2007** · 11-08-2012 03:45 AM

لسة شارى النهردة فردتين كومهو فيتنامى ب 430 الواحدة مقاس
195/65 r15
91v

**أحمد الجندى** · 11-08-2012 12:20 PM

جيبتهم منين؟

**Youssef.Awad** · 11-08-2012 02:01 PM

الكونتيننتال فردة محترمة بس ابعد عن الرومانى بيكون انشف شوية من الفرنساوى والالمانى مش موجود اصلا
بس مشكلتها الانتشار لو حصل لفردة حاجة

الموضوع: محتار فى نوع الكاوتش

LinkBack

أدوات الموضوع

عرض

-

-

-

-

-

-

المواضيع المتشابهه

محتار يا هونداويه فى مقاس الكاوتش ^_^

محتار في نوع الكاوتش

محتار بين نوع الكاوتش

محتار بين كل انواع الكاوتش

اختاروا معايا الكاوتش لللانوس,محتار بين الاتى:

الكلمات الدلالية لهذا الموضوع

المفضلات

المفضلات

ضوابط المشاركة