الموضوع: اللى بيفهم يقول رائية

المشاركة الأصلية كتبت بواسطة khalid_adel

ماتورك يعمل 2250 او 2500 وانا من رأي لو تقدر تجيب ماتور من حد وهو اللي يركبهولك (يضمنه) يبقى احسن ومتنساش ورق الماتور طبعا

ماهه ده السوال هل ينفع اجيب نص فوق بس ولا لازم كامل بالبلوكة

المشاركة الأصلية كتبت بواسطة kaza

موضوع تغيير الموتور كويس لان تقريبا بتكون كل المكونات افضل من موتورك لو كان حد لعب فية وبتستفيد من طلمبة الزيت والمياة والدينامو والمارش وطبعا الفيتيس فالمهم في الموضوع تقديرك الشخصي لحالة الحاجات دي اضافة لحالة الموتور
اما موضوع الموتور بيدخن دي فليها اكتر من سبب ابسطهم الشنبر الغير محكم او شنبر مكسور او سيلات ودلايل الصبابات غير محكمة ودي لازم الموتور يتفك وتختبر الاجزاء ومادام الموتور مافيهوش عتب وخلوص المكابس في حدود .0.7-0.9 مم ومجاري الشنابر في البساتم سليمة وخلوصها سليم (الشنبر الاول من 0.050-0.07والثاني من 0.03 -0.06 و الزيت من 0.25-0.60) يبقي كل الحدوتة شنبر فقط لاغير وكسبت موتور زي الفل وبالمناسبة مواتير الفيات عموما جيدة واعتماديتها عالية وما بتنحرش في الشمايز الا لو اهملت الزيت واستخدمت زيوت سيئة او اهملت تغيير الزيت ومواعيد استبدال الفلتر
شوف انت عايز اية وقرر بهدوء
تحياتي

والله انا له مغير طرمبة المياة مكملتش 7 الاف كيلو وطرمبة الزيت حالتها كويسة والمارش كويس
الدينامو بس هوه اللى فيه البلى بتعه اخش شوية
بالنسبة لموضوع الزيت انا بغير على طول ال5 الاف على 4500 بس فيه حاجه علمتها مش عارف ممكن تكون هيه السبب انى تقريبا اربع مرات متتاليه بغير نوع زيت مختلف يعنى كنت بستخدم موبيل xhp وبعدين جربت الشل الاصفر وبعدين حطيت توتال 5000 واخرهم castrol ال 5الاف مش فاكر اسمه بصراحة هل ده ليه تاثير
وبرده مرة غيرت الزيت كنت مجمع بواقى الانواع ديه كلها وجمعت 3 لتر تقريبا وغيرت بيه هل ده برده ياثر ؟
انا بصراحه عايز ابعد عن موضوع فك واصلاح الموتور خصوصا انه لو شنبر بس اللى هيتصلح الميكانيكى قاللى 1500 فانا ممكن اكلمهم 2000 واجيب موتور استيراد هل ده افضل ولا الاستيراد هيتعبنى برده ؟

المشاركة الأصلية كتبت بواسطة kaza

مساء الفل يا استاذي وبالنسبة لموتور الاستيراد له مشاكله برضة من حيث الحالة العامة وفي الغالب الشنابر بتكون ملتصقة بالمجاري في المكابس نتيجة التوقف عن الادارة لفترة طويلة وبنجد معظم المحركات الاستيراد ليها نسبة دخنة بسيطة نتيجة الحالة دي غير حوار الفك والتركيب وحل الكبالن وداير المياة والفريون والباور وايضا ماتنساش ورق الموتور ودة لوحدة قصة وللاسف حصل معايا في موتورين ان الورق بتاعهم لازم يخلص من الدراسةولازم مندوب من وحدة المرور التابع ليها العربية يستلم الورق لوحدة المرور ودة علي مايحصل هاتلك كيس شيبسي من بتاع احمد حلمي الكبير في الاعلان وكمل الاعلان معاه والله 6شهور بالف علي ورق الموتور في الدراسة ومرور مدينة نصر علشان اخلص وطلعت عيني علي ما ثبتة علي الرخصة
انا مش باقولك الكلام دة علشان اعقدها عليك لكن باعرض عليك الموضوع بمنتهي الامانة وانت حر في اختيارك واكيد ممكن تكون مختلف عني لاني إن شاء الله الموتور لما يجيب اخرة هاعمرة علي ايدي زي ما عملت قبل كدة والموتور 260000كم ولسة زي الفل والحمدلله
اما بالنسبة لتجميع بواقي الزيت وتغيير الزيت بيهم مرة واحدة فده خطير علي الموتور لان كل شركة زيوت بتحط اضافات لتحسين قوام الزيت ومع ان طبخة الزيت تعتبر واحدة لكل الانواع الا ان الاضافات دي ممكن تتفاعل مع بعضها بما يؤثر بالسلب علي قوام الزيت ويفقدة خواصة وبختك يابو بخيت بقي

كلامك مقنع بصراحة بس فكرة الموتور ان العربية برافا يعنى مش كتير بيفهموا فيها والعمرة ديه حاجه محتاجه واحد فاهم جدا جدا على حد علمى
انا نفسى فعلا اعمر لان ده اكيد اكيد لو صح عمر الموتور هيبقى اطول
هنزل الاول اسال على تمن الموتور استيراد واتاكد واحكم

المشاركة الأصلية كتبت بواسطة khalid_adel

علي فكره الميكانيكي اللي بيقولك 1500 في الاخر حيقولك 2000 وانت توصلهم 1800 بالعافيه (حيطلعلك اي حوار)
لكن الماتور الجديد حيبقى عندك حاجات كتير تخليها قطع غيار تستفيد بيها بعد كده في اي وقت (طلمبة,مانيفولد,بوابه,ايدل,� �شوميتر,.....) ادوات تغذية عامة عندك احتياطي في اي وقت تحتاجها

انا فعلا بحسبها بالطريقة ديه المشكلة بقى انى ممكن اغير علشان طقم شنبر لو جيبت الجديد فيه برده شنبر وده وارد هبقى لست قطع الغيار لموتورين :d:d