اقتباس المشاركة الأصلية كتبت بواسطة mido_soliman مشاهدة المشاركة
هههههههههههههههه والله انتوا ناس زى العسل اى كلام بيتقال وخلاص
سعادة الباشا انت بتتكلم فى اية
الجين2 تتفوق فى الثبات بس!!!!!!!!!!!!!!!!!!!!!!!!!!!!!
ياراجل انت متاكد ان عندكوا برسونا سودا وجين فضى ههههههههههههههههه
نفسى اعرف عندنا دى اللى كل شوية بتقولها عايدة على مين ولا عايدة رياض !!!!!!!!!!!!!!!
يعنى شكل البرسونا بقى قديم هوة قديم اة كتصميم لكن كشكل قديم فعلا يعنى زى البومة كدة لما تقول دى شكل قديم البرسونا والجين2 بقوا كدة هما كمان سبحان الله !!!!!!!!!!!!!!!!
يعنى مثلا مثلا لو جينا قارنا شكل الصنى الجديدة بالجين2 القديمة انا بقارن شكل بس ها :)
الشكل الجديد للصنى احلى مثلا !!!!!!!!!!!!!!!!!!!!!!!!!!
ههههههههههههههههه والله انا مش قادر امسك نفسى من الضحك من اللى بيتقال
الاوبشن فى الاكسنت والريو تتفوق على الاوبشن اللى فى الجين2 :!!!!!!!!!!!!! طب ممكن تقولى الاوبشن هنا وهنا وهنا ونقارن !!!!!!!!!!!!! معلش تعالى على نفسك وياريت تبقى بتتكلم فى الفئات اللى سعرها قريب من بعض وبعد ما تخلصهم هات الفولى لودد من الاتنين التانيين وقارنهم بردة بالبرسونا اليجانس او الجين2 وشوف الزيادة وشوف الفرق فى السعر ونتكلم اقنعنى اقنعك متقولش كلمة فى الزحمة وتجرى تزحف وراك بى ام ولا tsi وتسيبنى انا هنا محتار ههههههههههه
والنبى يا شيخ لا تجاوب على النقط اللى قدامها علامة تعجب دى كلها علشان نعرف عندكوا فين طيب !!!!
مشاكل البرسونا كتيــــــــــــــــــــــ ــــــــــــــر !!!!!!!!!!!!!!!!
بجد اية اللى حصل معاك ؟؟؟ او حصل عندكوا !!!!!!!!!!!!!!!
كتير ازاى بجد والله لانى فعلا محتاج اعرف يمكن ابيع عربيتى انا وناس صحابى كتير شاريين العربية والسنة التالتة اهى ولله الحمد مغيرناش غير فلتر زيت وبوجيهات وتيل فرامل ومدايقين اوى ان مشاكلها الكتير لسة مظهرتش وبالتالى عايزين نبيع لان مينفعش كدة !!!!!!!! تصدق بالله وبسم الله ما شاء الله ولا حول ولا قوة الا بالله ان البطارية الفابريكة لسة متغيرتش :) واسال محمود راؤول كمان لان انا وهوة شارينها فى نفس اليوم من نفس المكان ونفس اللون :) الفرق انة مانوال وانا اوتو بس
انا من رائى الشخصى المتواضع الذى لا قيمة له

ان كل الكلام اللى بيتقال من اى واحد ممتلكش البروتون ما عدا فيليكس لانة اكتر واحد حظة وحش مع بروتون والتوكيل فى عربيتة الواجا وللاسف هوة الوحيد اللى تقريبا متواجد فى قسم بروتون حاليا وكل ال feedback بتتاخد منة للاسف الشديد وبيبقى نتيجتها كلام زى كلام حضرتك كدة :))))))
على الرغم مثلا ان واحد زى الاستاذ توت كان معاة 2008 وباعها وهى فابريكة برة وجوة واشترى 2011 او2010
زيرو بردة تفتكر لو مشاكلها كتير وقطع الغيار والتوكيل الزبالة اوى دة كان فى واحد زية ممكن ممكن يعمل كدة :)))))))ههههههههه انتوا طيبين اوى والله
نرجع لموضوعنا تانى
اى حد لم يمتلك البروتون وبيتكلم عنها وبيحطها فى مقارنة مع اى عربية ايا كانت سواء كلامة بالسلب او بالايجاب
يعتبر كلام فى الجنيــــــــــــــــــــ ـــــــــــــــــــــــــ ــــــنة :)

ملحوظة : انا ممكن اقول انا كمان ان عندنا دودج رام وسيراتو وبى ام 330 وشارك والنترا وجيتا وفوليستر او الضفدعة و............... يعنى باعتبار ان دى كلها عربيات صحابى وقرايبى :)
هههههههههه والله انتوا ناس زى العسل ورمضان كريم
اوعوا حد يزعل انا قلت اهضم بس علشان الفطار كان كابس شويتين :)


والله العظيم انت دمك زي السكر .. الجين تو في رأيي شكلها لحد النهارده شبابي جدا و بينافس موديلات 2012 .. و كمان شكل التابلوه عاجبني جدا .. و خاماتها صحيح بعضها مش عالي لكن بالنسبة لي مقبوله برضه جدا لإنها بتتكلم في فئة أقل من 100 ألف بالتالي كده تبقى محترمة والله ..
و فعلا حاجة مستفزة لما جد يقولك ( عندنا ) مفتوحه و حلوة كده !!
و ثبات الجين تو مع تجربتي أفضل من البومة .. مع إني أمتلك البوما لكن الحق يتقال .. و معنى إن البوما تبقى كاتيجوري أعلى من الجين تو في السعر .. و الثبات يبقى بالطريقة دي .. يبقى الجين تو تفوقت على نفسها و في رأيي أفضل ثبات في كل الفئة السعرية دي بالكامل ولو هنقارنها في الثبات يبقى هتتقارن بفئة الـ 150 ألف في الثبات ..
موتورها جيد جدا .. عفشتها ماقدرش أفتي فيها لإني يادوب تجاربي معاها بسيطة بالتالي ماعرفش ليها مشاكل ولا لأ .. بس اصحابي اللي معاهم الجين عمرهم ماشتكوا من عفشة !!! و كمان دي من جيل المالتي لينك يعني تكنولوجيا أعلى من فئتها كلها برضه و ده واضح جدا في الثبات ..
أما الكماليات ماينفعش أبدا برضه تتقارن بفئتها السعرية في الكماليات ..
حتى لو قطع غيارها مش منتشرة أو توكيلها نص كم ... بس كعربية ماينفعش حد يبخسها حقها ... دي أفضل عربية في الفئة السعرية دي في رأيي .

اقتباس المشاركة الأصلية كتبت بواسطة ahmad--ezzat مشاهدة المشاركة
والله ياميدو انا اكتر حاجه بتكرهنى فى المنتدى اسلوب السخريه
فى المشاركات
...كل دة عشان ايه يعنى
اه الجين 2 فيها عيوب واول عيب التقفيل وعيوب العفشه...
مفيش عربيه كامله..وانت عارف بقى مواضيع الحدفه والتزييق اللى مش بينتهى فى البروتون وخلافه
وسعر اعاده البيع سىء جدا عن الهيونداى

والنعومه لصالح الهيونداى

واه الجين 2 شكلها قدم...العربيه بتنزل من 2006 يا ميدو...يعنى بقالها اكتر من 6 سنين نفس الشكل

ايه اللى اتقال غلط يستحق كل هذا الضحك والسخريه!!!؟

بلاش موضوع تقديس الاشياء ده

وفى الاول وفى الاخر...كل واحد بيروح للحاجه اللى بيتريحه

تقبل مرورى
بص يا باشمهندس أحمد .. والله حضرتك بجد إنسان محترم جدا .. و أنا بعتذرلك عن نفسي لو كنت اتكلمت معاك بأسلوب سيء ... بس انت مش واخد بالك خالص من أسلوب الأستاذ lanos2004 .. طيب بالله عليك ده يرضيك ؟؟
الكلام بتاع ميدو في رأيي مافيهوش أي تطاول .. و صدقني أنا اللي كنت فعلا عايز أعمل مشاركات مستفزة بعد كل مشاركة بيدخل بيها الأستاذ lanos2004 بس دايما بقول عادي كلنا اخوات و طبيعي يحصل إن حد يتعصب بزيادة و يكون رده خالي من بعض الذوقيات بدون قصد و بقول أنا برضه في النهاية أخوه الصغير و نستحمل بعض و أركز في الهدف من الكلام و أنفض للحاجات الجانبية الرخمه دي ..
ميدو على فكره أنا لا أعرفه ولا هو يعرفني .. لكن أنا بقول رأيي من باب إحقاق الحق .. ميدو ماطلع منه أي تطاول ..

أما بالنسبة للجين تو فأنا قولت رأيي في تعليقي على كلام ميدو ... ولو فيه حد بيقدس عربيته أكيد مش هيكون أنا ولا برضه شايف ميدو وصل للمرحلة دي .. و حضرتك برضه منطقي في كلامك .. لكن فعلا أنا ماشوفتش حد بيتكلم عن عربيته بالطريقة اللي بيتكلم بيها الأستاذlanos2004 عن عربيته !!!

اقتباس المشاركة الأصلية كتبت بواسطة lanos2004 مشاهدة المشاركة
طب احطلك صورى مع البريسونا ولا مع الجين تو ولا مع باسات ولا مع e300 ولا مع 528 توين تيربو ولا مع فورد ولا لانسر سوبر اكشن ولا كورلا ولا فوكس ولا مع بورش كايين ولا مع bmwx6 مش متصور جنبهم لا جواهم -احب اقولك تقريبا مافيش عربيه مركبتهاش -دة حتى مراكب البحر واللنشات واليخوت ركبتها -صباح الفل يا عم الحج
الجين تو العربيه البلاستك من جوة الى مفاتيح التكييف مستخبيه ورا عصايه الفتيس وحواف البلاستيك ما فيش شويه عيال يصنفروها فى المصنع--ولا خد دى البوهيه بتطلع من مسدس الغسيل فى البنزينه الهيونداى برقبه الجين تو الا فى موضوع الثبات غير ان الجين تو بلاعه بنزين
ميدو طلب منك تجاوبه عن أسئلة معينة و حضرتك برضه بتعاند !!
و حتى بتتكبر و انت بتشكر في الجين تو و انت متضرر ( هيونداي برقبة الجين تو إلا في موضوع الثبات ) ده على أساس إن الثبات ده زي الكاسيت في العربية !!!
و بعدين أنا عمري ماشوفت حد فعلا ساق كل أنواع العربيات و ممكن يقول اللي انت بتقوله عن اللانوس .. أو أصلا ممكن يركب كوري في حياته .. على الأقل بيكون منصف جدا في كلامه .. فمهما تقول إنك ركبت أنا بقول إني مش مقتنع .. الإكس 6 أنا كنت لسه راكبها أول امبارح .. ماعتقدش فيه حد ممكن يقعد في العربية دي و يطلع يشكر في عربية كوري !!! ولا الإكس 6 دي كمان انت قطعتها باللانوس على طريق العين السخنة ؟؟؟ عادي يا عم هاتلنا صورك علشان نصدق معلش ... خدنا على قد عقلنا .. و ياريت فيديوهات و انت سايق بس كمان .. علشان ممكن بجد نعمل عنك فيلم تسجيلي تاريخي عن اللي ساق e300 , 528 , x6 , cayenne و في النهاية يمتلك لانوس و بيقول عليها إنها واو و بتعدي من بي إمات و باسات و غيره و غيره زي مانت بتقول كده .... والله حدث أسطوري .. انت مش متخيل قد إيه الناس هتتفرج على الحلقات دي أكتر من أي مسلسل في رمضان .. علشان كل واحد غلبان زيي كده عنده لانسر أو مازدا أو فوكس أو اوكتافيا أو 316 أو سيفيك .. يطلع يتف على عربيته و على نفسه كمان علشان ماشتراش لانوس !!
وبعدين يا سيدي ربنا من عليك بنعمه و بتركب لانشات و مرسيدس .. طيب معلش إحنا غلابه .. كده هنحسدك يعني يا باشا .. خاف على نفسك و ماتقولش كده كتير قدام الناس .

* بالله عليك ماتتكلم مع الناس في المنتدى بالأسلوب السيء ده .. كده بتضرهم يتكلموا معاك بأسلوب أسوأ و في النهاية هتقلب بغم و حد من المشاركين هتتلغي عضويته و كده ..
اعذرني على أسلوبي اللي فات .. أنا بس حبيت أقول لحضرتك إن ماحدش هيغلب لو حب يتريق على حد .. و حضرتك بصراحه بهدلتني أنا شخصيا تريقه و ربنا يستر و مايكونش فيه حد زعلان منك .... إحنا كلنا هنا في المنتدى هدفنا نتعلم و نساعد و نفيد غيرنا على قد مانقدر .. و أكيد فيه أسلوب أحسن من كده لو عايز توصل معلومة و سامحني لو كنت دخلت شمال برضه و أنا بتكلم معاك بس فعلا لإن من البداية دخلتك ماكانش فيها أي تقدير ..

و في النهاية راحت ولا جت كلها على رأي الباشمهندس أحمد عزت حديد في حديد مش هنتخانق يعني .. و باشا رمضان كريم ، و كل سنة و انت طيب و يارب ماتكون زعلان مني ...