مين قال لحضرتك كده؟!!!
مواصفات الصنى اللى بتنزل الخليج (السعودية تحديدا) هى هى نفس اللى تتجمع هنا وكلها اتوماتيك 3 فئات بتبدأ من 52 الف ريال و53 و 57 مع الفارق التجميع هناك هندى ومفيش اختلاف خالص حتى الشماسة المعكوسة (بتاعت السواق بمراية نازلة هناك كده برضه) والتكييف الخلفى بينزل فى فئة اعلى ب57 الف ريال وبالحسبة اللى فوق دى يعنى العربية هاتكون اغلى من المصرى ب26000 ج تقريبا بدون اوبشن اعلى ولا خامات افضل ولا تقفيل اعلى ولا حاجة .. هى هى نفسها بالمللى
الفرق هناك استيراد والبضاعة حاضرة .. هنا واقف على باب المصنع ومستنى دورك [/QUOTE]

ممكن يكون كلام حضرتك صح
بس أنا كنت بأدور فى الكيا سواء الريـو أو السيراتو
لقيت العربية الوكيل مختلفة عن الخليجى
لان الخليجى أوبشن أعلى و خامات أحسن و السعر أقل من الوكيل
فهل ده ممكن يحصل مع الصنى لو نزلت خليجى الله أعلم
هى محاولة مننا لتضييع الوقت عمال ما يجى دورنا فى طابور الواقفين على باب المصنع
شكلنا كده مش هنستلم على العيد وربنا يستر
مع انى حاجز فى أول يوليو