صني 2013 هاي لين في اسكندرية

**mr_mido3393** · 06-08-2012 02:51 AM

انهردة شفت في كيلوبترا علي البحر صني الجديدة هاي لين كان فيها سبويلر و جنوط كانت فضي .. و انا لما كنت سال اوتوا ايجب قالوا ان لسة مفيش اخبار عنها و احمد مرعي قال انها حتنزل في شهر 10 بس ممكن تحجزها معني كدي انها لسة منزلتش مش عارف بقي اللي شفته ده ايه .. لو حد عنده اي معلومات عن الحكاية دي يقول علشان انا مستنيها علشان احجزها و مش عايز احجزها من عند مرعي مش عايز اشتري سمك في ماء ..

**zangry** · 06-08-2012 02:53 AM

اكيد خليجى

**Ahmed.TV** · 06-08-2012 04:21 AM

ممكن تكون خليجى .. او حد جابها معاه من بره .. كل شى وارد

لكن مفيش كلام على العربية حاليا .. لان فى ضغط انتاج على الاى اكس منها الحالية
وضغط رهيب على المصنع فى الانتاج وكمان احنا فى رمضان ويوم العمل فى رمضان مش زى اى يوم عادى وانتوا عارفين والناس بتخلص شغل بدرى .. وكمان فى اسبوع اجازة فى شهر 8
وطبعا بيحصل ضغط عليهم كبير فى الانتاج ..

فازاى حينتج سوبر صالون بقاااااااا ويسلمها فى شهر 10 لان وقت طرح السوبر صالون اكيد حيكون عليها كمية طلبات كبيرة .. وهو بيعانى من الضغط وتسليم العملاء فى القديم !

السوبر صالون دى احتمال تتاخر شوية .. وممكن يتفتح الحجز عليها فى شهر 10 او 11 والتسليم يكون على اول السنة

ولو فى اخبار فى المواضيع دى ان شاء الله حنبلغكم فورا فى القسم

تحياتى

**hossam_elwani** · 07-08-2012 12:01 AM

تيقى فى الجون لو نزلت خليجى وسعرها قريب

**Youssef.Awad** · 07-08-2012 05:10 AM

هى غالبا خليجى .. والفئة دى على فكرة بسبويلر وجنوط وباركنج سنسور فقط بدون مكيف ديجيتال او عدادات ليد وثمنها فى السعودية 57 الف ريال

**dodyam** · 07-08-2012 03:41 PM

المشاركة الأصلية كتبت بواسطة peaceman

مشكلتها الوحيدة انها بنسبة كبيرة هتبقي بدون ضمان الوكيل

ممكن بدل ضمان التوكيل تروح أى شركة تأمين
و تأمن ضد عيوب الصناعة أعتقد انه بألف جنيه للثلاث سنوات
وممكن ساعتها تروح التوكيل تعمل الصيانات الدورية عادى
بس متهيألى ممكن يزودوا التكلفة شوية والله أعلم

هى لو خليجى يبقى يا ريت هيكون سعرها أقل و أوبشن أعلى و تقفيل وخامات أحسن
ياريت لو حد يشوفلنا المعارض اللى ممكن تكون بتبيعها خليجى

**dodyam** · 08-08-2012 12:00 PM

أنا صادفت امبارح برضه فى اسكندرية 3 عربيات صنى الجديدة
2 منهم شوفتهم على البحر و واحدة فى المنتزة
الغريب انهم كلهم كان لونهم أسود
لون تحفة عليها بصراحة

**Youssef.Awad** · 08-08-2012 02:10 PM

المشاركة الأصلية كتبت بواسطة MaZaGAngeE

و جماركها كام ؟

العربية سعرها هناك 57 الف ريال (قول بعد الخصم هاتبقى 55 الف ريال) وجمارك 40% = 22 الف ريال وشحن من 1000-1500 ريال
يعنى اجمالى 78500 ريال *1.61 = 126.000 جنيه مصرى تقريبا

المشاركة الأصلية كتبت بواسطة dodyam

هى لو خليجى يبقى يا ريت هيكون سعرها أقل و أوبشن أعلى و تقفيل وخامات أحسن

ياريت لو حد يشوفلنا المعارض اللى ممكن تكون بتبيعها خليجى

مين قال لحضرتك كده؟!!!
مواصفات الصنى اللى بتنزل الخليج (السعودية تحديدا) هى هى نفس اللى تتجمع هنا وكلها اتوماتيك 3 فئات بتبدأ من 52 الف ريال و53 و 57 مع الفارق التجميع هناك هندى ومفيش اختلاف خالص حتى الشماسة المعكوسة (بتاعت السواق بمراية نازلة هناك كده برضه) والتكييف الخلفى بينزل فى فئة اعلى ب57 الف ريال وبالحسبة اللى فوق دى يعنى العربية هاتكون اغلى من المصرى ب26000 ج تقريبا بدون اوبشن اعلى ولا خامات افضل ولا تقفيل اعلى ولا حاجة .. هى هى نفسها بالمللى
الفرق هناك استيراد والبضاعة حاضرة .. هنا واقف على باب المصنع ومستنى دورك

-

-

الموضوع: صني 2013 هاي لين في اسكندرية

LinkBack

أدوات الموضوع

عرض

-

-

-

المواضيع المتشابهه

بيجو 408 2012 أو رينو فلوانس 2013 أو اوبل استرا سيدان 2013

نيسان بلوبيرد (جميع الكماليات) 2013 ولا استرا سيدان كوزمو 2013

هيونداى جينيسيس كوبيه 2013 الجديدة New Hyundai Genesis Coupe 2013

يا اهالى اسكندرية اروح ازاى من اسكندرية لرشيد وطنطا

الكلمات الدلالية لهذا الموضوع

المفضلات

المفضلات

ضوابط المشاركة