حـل مشـكلة حجـز السـياره الصـنى مـوديل 2013 + عـرض خـاص من شـركه أوتـو ايـجيبـت

**malta** · 12-08-2012 03:46 PM

السلام عليكم
ياخوانا عشان احنا فى شهر كريم لازم نقول الحق الاستاذة مسئولة علاقات العملاء كلمتنى امبارح و فعلا كانت اجازة و النهاردة كلمتنى و انا منتظر منها اتصال اخر
و شكرا لاوتوا ايجيبت على اهتمامها و شكرا لادارة المنتدى و بالاخص قسم نيسان على اهتمامها باعضائها جعله الله فى ميزان حسانتكم و يارب تستمروا كده على طول

**saint2011** · 12-08-2012 10:04 PM

المشاركة الأصلية كتبت بواسطة malta

السلام عليكم
ياخوانا عشان احنا فى شهر كريم لازم نقول الحق الاستاذة مسئولة علاقات العملاء كلمتنى امبارح و فعلا كانت اجازة و النهاردة كلمتنى و انا منتظر منها اتصال اخر
و شكرا لاوتوا ايجيبت على اهتمامها و شكرا لادارة المنتدى و بالاخص قسم نيسان على اهتمامها باعضائها جعله الله فى ميزان حسانتكم و يارب تستمروا كده على طول

الصديق العزيز انا قلت لحضرتك أكيد أتو إيجيبت هيكلموك والحمد لله وانشاء الله تستلم على خير وخالص الشكر لشركه أتو إيجيبت والعاملين بها على أهتمامها بأعضاء المنتدى وأخص بالذكر خدمة العملاء بالشركة وكل سنة وانتم طيبين

**zenda** · 13-08-2012 10:07 AM

طبعا مشكورين انهم بيحاولوا يرضوا العملاء بس انا شايف ان المصنع ياخد اجازة لحد العيد فى ظروف ضغط الحجوزات ده عدم احساس بالمسؤولية وبيحرج الموزعين لانه مش بيعرف يلتزم بالميعاد المتفق عليه وبالنسبه للهديه القيمة هى عبارة عن شنظة لونها احمر عليها اللوجو بتاع نيسان ودى لا تعوض التاخير الطويل

**sherifezzat** · 13-08-2012 03:19 PM

أخيرا استلمت الصني النهارده بعد عذاب طويل لمده زادت عن شهرين
احب اشكر كل اخواتي في المنتدى اللي سهموا بتعجيل موضوع الاستلام, شكرا جزيلا وعقبال كل واحد لسه مستلمش انشاء الله

**saint2011** · 13-08-2012 04:09 PM

المشاركة الأصلية كتبت بواسطة sherifezzat

أخيرا استلمت الصني النهارده بعد عذاب طويل لمده زادت عن شهرين
احب اشكر كل اخواتي في المنتدى اللي سهموا بتعجيل موضوع الاستلام, شكرا جزيلا وعقبال كل واحد لسه مستلمش إن شاء الله

مبروك يا باشا أخوك وراك على طول انشاء الله

**ahmed452003** · 14-08-2012 02:22 PM

مبروك الاستلام

**Ahmed.TV** · 14-08-2012 02:43 PM

المشاركة الأصلية كتبت بواسطة zenda

طبعا مشكورين انهم بيحاولوا يرضوا العملاء بس انا شايف ان المصنع ياخد اجازة لحد العيد فى ظروف ضغط الحجوزات ده عدم احساس بالمسؤولية وبيحرج الموزعين لانه مش بيعرف يلتزم بالميعاد المتفق عليه وبالنسبه للهديه القيمة هى عبارة عن شنظة لونها احمر عليها اللوجو بتاع نيسان ودى لا تعوض التاخير الطويل

مش اول مرة المصنع ياخد اجازة السنة دى .. كل سنة من نفس المعاد والتوقيت بياخدوا اجازة
عشان بيشتغلوا طول السنة فى كل الاوقات واحيانا بيسهروا وفى ناس بتبات فى وقت الازمات
وده من حقهم لانهم بشر .. بدل ما يقعوا مننا .. والدنيا ماتشوفش وهما بيشتغلوا ويكونوا قرفانين الشغل .. لان لازم يعمل تجديد لنفسيته زى اى موظف مننا بياخد اجازة

وبعدين احنا لو صبرنا فى تسليم العربية حيكون فى خير لينا من حاجات كتير
اولا مش حيكون فى اوفر برايس
ثانيا الناس بتجرب العربية .. ولو فى اى مشكلة بتتحل فى الدفعات الجديدة

فعشان كدا الصبر فى مصلحة الناس
وموضوع الهدية انا معرفش حقيقة ايه هى الهدية .. وعبارة عن ايه .. بس بغض النظر عن نوع وقيمة الهدية .. لفتة جميلة من الشركة .. والحمد لله انهم بيحالوا يسلموا الناس .. ويريحوهم

المشاركة الأصلية كتبت بواسطة sherifezzat

أخيرا استلمت الصني النهارده بعد عذاب طويل لمده زادت عن شهرين
احب اشكر كل اخواتي في المنتدى اللي سهموا بتعجيل موضوع الاستلام, شكرا جزيلا وعقبال كل واحد لسه مستلمش إن شاء الله

الف مليون مبروك يا فندم ... وربنا يعطيك خيرها ويكفيك شرها .. وكلنا هنا لخدمة الاعضاء .. وان شاء الله اسرة قسم نيسان تزيد فرد .. وتكون حضرتك اضافة لينا .. وتساهم معانا فى نجاح القسم
ونشوفك معانا دايما على طول

تحياتى

**د. علاء ابراهيم** · 15-08-2012 01:29 PM

المشاركة الأصلية كتبت بواسطة sherifezzat

أخيرا استلمت الصني النهارده بعد عذاب طويل لمده زادت عن شهرين
احب اشكر كل اخواتي في المنتدى اللي سهموا بتعجيل موضوع الاستلام, شكرا جزيلا وعقبال كل واحد لسه مستلمش إن شاء الله

لولولولولولولوىىى

**Ahmed.TV** · 15-08-2012 02:54 PM

[QUOTE=dodyam;3874477026]

المشاركة الأصلية كتبت بواسطة Ahmed.TV

مش اول مرة المصنع ياخد اجازة السنة دى .. كل سنة من نفس المعاد والتوقيت بياخدوا اجازة
عشان بيشتغلوا طول السنة فى كل الاوقات واحيانا بيسهروا وفى ناس بتبات فى وقت الازمات
وده من حقهم لانهم بشر .. بدل ما يقعوا مننا .. والدنيا ماتشوفش وهما بيشتغلوا ويكونوا قرفانين الشغل .. لان لازم يعمل تجديد لنفسيته زى اى موظف مننا بياخد اجازة

طب ممكن نعرف حضرتك الاجازة السنوية للمصنع بدايتها ونهايتها امتى علشان نعرف على امتى الواحد هيستلم ان شاء الله

ولو سؤال تانى أنا بأتصل بالرقم 16244 بيطلع غير موجود بالخدمة هل فى رقم تانى علشان أكلمهم

والله اللى كلنا عارفينه مش عارفه لوحدى .. ان المصنع بياخد اجازة اسبوع فى اول شهر 8 من كل عام
وعرفنا ده .. بسبب مشاكل العملاء واعضاء نايل موتورز اللى بنلاقي اتاخر حلها فى التوقيت ده من كل عام . ولما بنبتدى عشان نسعى نحل مشاكل الاعضاء فى موقعنا بمحبة وود فى قسم نيسان نايل ونسال مراكز الخدمة والتوكيل بيقولنا فعلا ان اى تاخير بسبب الاجازة .. فعرفنا ان دى وقت الاجازة فى كل عام .. وعشان كدا بيحصل تاخير

ثانيا .. حضرتك حاول معاهم على الرقم تانى وان شاء الله يردوا معاك .. وانا قبل كدا قريت ان فى اعضاء كان بيعلق معاهم الرقم من كتر الضغط عليه .. وفى اعضاء قالوا انهم كلموا التوكيل على الرقم ده وردوا عليهم وعملوا شكوى

واخيرا .. والله لو كل الاعضاء صبروا على استلام نيسان صنى الشكل الجديد .. بيكون افضل
لان كل ما العربية بتنتشر .. والناس بتركبها .. وبيظهر اى مشكلة لقدر الله لاى عميل .. وبيحلها فى اى مركز خدمة .. فمركز الخدمة بيرفع تقرير الى المصنع .. وبيبتدى المصنع ياخد باله ان فى مشكلة ما .. ويركز فى الانتاج وحل المشكلة

وطبعا غير ان ده خط انتاج جديد وبيركزوا فيه .. عشان خط الانتاج بينافس الهند وخطوط انتاج فى بلاد اخرى .. واعتقد وبشهادة ناس كتير .. قالولى ان العربية اللى هنا تقفيلها افضل من التقفيل الهندى والخامات الهندى .. وطبعا انا بقصد الخامات المصرى والتقفيل المصرى

وياريت نعطيهم فرصتهم .. عشان ميحصلش زيادة فى السوق فى الاسعار ونكون احنا سببها .. وكمان عشان ميكنش فى ضغط فى الانتاج .. وبدل ما ينتجوا حاجة محترمة بجودة محترمة .. يضطروا ينتجوا بسرعة عشان يلاحقوا طلبات السوق الكبيرة ..لان فى انتاج وتقفيل اخر لعربيات نقل وعربيات شرطة .. واحتمال مستقبلا نلاقى نيسان بتفاجائنا بتقفيل عربيات جديدة فى مصنع نيسان ب6 اكتوبر

وفى النهاية خليك وراهم .. وربنا يصبرك ويعينك ويوفقك باذن الله