الموضوع: سؤال : كام حساس فى الميجان؟ وايه وظيفية كل منهم؟ وبيتغر كل قد ايه؟ وايه اعرض تلفهم؟

المشاركة الأصلية كتبت بواسطة Ahmed A.Maksoud

سؤال حلو بس إجابته تطووووووووووووووول

بس هو المفروض نعرف الأول.......أيه فى الحساسات دى مش موجود فى العربيات التانية اللى زى الميجان
يعنى مثلاً حساس الأوكسجين......موجود فى الميجان و عربيات تانية كتير.
حساس السولونيد أو سولونيد الفتيس موجود فى معظم الأوتوماتيك إن مكنش كله.
حساس ال abs موجود فى أى عربية فيها abs

و برضه نخللى بالنا أن فيه حساسات فى الميجان كمالية مش هتأثر لو باظت على العربية زى حساس النور اللى بيخلى النور يشتغل أوتوماتيك لو دخلت نفق أو الدنيا ضلمت.......و حساس المطر اللى بيخلى المساحات تشتغل أوتوماتيك لو الإزاز جه عليه مياه.

و أخيراً نخللى بالنا من إختلاف المسميات....يعنى.....حساس الزيت فى الميجان.....موجود فى كل العربيات بس فى معظم الوقت بيتقال عليه صباع الزيت...........حساس الحرارة نفس القصة....صباع الحرارة.

هذا و الله أعلم.

بالمناسبة بقى حساس الإضاءة الليلية بيبقى موجود فين ولو بايظ بيعمل إيه مبيشتغلش خالص ولا بيهيس ويخلى النور يشتغل فى أى وقت
طبعا العربية فيها خاصية آى ترافيك خاصية علو الصوت مع زيادة سرعة السيارة عايز أعرف إيه نظام عمل الحساس دا وبيبقى متوصل فين بالعربية أنا لما فكيت الكاسيت عشان الإيه يو إكس شفت الكابل بتاعه بس المشكلة عندى الصوت مش بيزيد مع السرعة ولا يمكن بيتهيقلى ؟ يعنى مثلا ببقى معلى الصوت على 11 وأزود السرعة والصوت ما يعلاش مع إنى مفعل الخاصية والشاشة كاتبة itraffic ولا هو بيشتغل على سرعة معينة ونظام معين ؟

المشاركة الأصلية كتبت بواسطة mohammedaladel

بالمناسبة بقى حساس الإضاءة الليلية بيبقى موجود فين ولو بايظ بيعمل إيه مبيشتغلش خالص ولا بيهيس ويخلى النور يشتغل فى أى وقت
طبعا العربية فيها خاصية آى ترافيك خاصية علو الصوت مع زيادة سرعة السيارة عايز أعرف إيه نظام عمل الحساس دا وبيبقى متوصل فين بالعربية أنا لما فكيت الكاسيت عشان الإيه يو إكس شفت الكابل بتاعه بس المشكلة عندى الصوت مش بيزيد مع السرعة ولا يمكن بيتهيقلى ؟ يعنى مثلا ببقى معلى الصوت على 11 وأزود السرعة والصوت ما يعلاش مع إنى مفعل الخاصية والشاشة كاتبة itraffic ولا هو بيشتغل على سرعة معينة ونظام معين ؟

سؤال ممتاز بس ياريت نركز اكتر على الحساسات المتعلقه بلميكانيكه والى بتؤدى على توقف العربيه او ارتباكها

الأستاذ أحمد كان عنده مشكلة حساس أوكسجين كان عايز يتغير وأعراضه ان العربية بتبطل بعد الدوارة حضرته ممكن يوضحلك أكتر فيه عضو تانى هنا فى موضوع هتلاقيه فى المنتدى غير حساس الكرنك وأعراضه مش فاكر بالظبط كانت برضه العربية بتبطل أما عن الكماليات فيه حساس مطر بتجيب دراع المساحات على أول درجة كدا إنت شغلته ودا مكانه فى أعلى الزجاج حتى بيبقى عبارة عن نقطة زى العين كدا فى الزجاج وحواليه منطقة متظللة دا فى البربريز الأصلى طبعا بيبقى راكب من جوا فى العلبة اللى راكبة فيها مراية الصالون والله أعلم الحساس دا ممكن تظبط درجات حساسيته للمطر عن طريق بكرة فى دراع المساحات دا كل اللى أفتكره تقريبا

http://www.nilemotors.net/Nile/302527-2005.html

http://www.nilemotors.net/Nile/301586-a.html