الموضوع: مسافر بره مصر أعمل إيه فى العربية؟

بص قرار أنك تبيع أو ترفع ده مش قرار سهل.......لو رفعت دلوقتى و جيت بعد سنة و الأمور هناك تمام معاك و عاوز تبيع هيبقى سعر العربية نزل.....غير الخسارة اللى هتخسرها فى الجراج.

و لو بعت دلوقتى و بعد فترة صغيرة قررت ترجع نهائى يبقى خسرت العربية.

عموماً لو هتبيع أياك ثم أساك تاخد فلوس العربية و تشترى بيهم عربية هناك...........لأن العربيات فى الخليج سعرها بيقل بسرعة..........حاول تعتمد على نفسك و تحوش شوية و تشترى من تحويشك........و متشتريش جديد.......مجرد ما هتشتريها سعرها هيقل الربع على الأقل....و أسأل مجرب.

لو هترفع...........رش العربية بجاز من تحت كويس فى أى محطة بنزين.........زود زيت الموتور و خليه أعلى من علامة ال max بشوية..........شيل البطارية و أرفع العربية على جفلتات بحيث أن الكاوتش ميبقاش لامس الأرض الجفلتات بتتباع فى وسط البلد الواحد ب 50 جم لو أنا فاكر صح.

بالتوفيق إن شاء الله.

المشاركة الأصلية كتبت بواسطة nsync

أنا عارف إنه قرار مش سهل بس خلاص أنا بخلص التأشيرة وهسافر إن شاء الله مدة ماتقلش عن سنة بس فى الأغلب هتكون اكتر من كده
بالنسبة للجاز ده موجود فى كل المحطات ولا محطات معينة؟ والجلفتات بتتباع فين فى وسط البلد؟
هل تعرف العربية سعرها فى حالة لو قررت البيع يبقى كام مع العلم إنها مانوال؟

الجاز موجود فى كل المحطات عادى......و هو فى الطبيعي الجاز بيخلى أى حاجة كاوتش تشقق.......بس فى حالة الرفع بيبقى أرحم من تأثير الحر على العربية...ده على حسب ما أتقالي.

الجفلتات بتتباع فى شارع الجمهورية على ما أذكر.

و بالنسبة للسعر مش هقدر أفيدك.

المشاركة الأصلية كتبت بواسطة nistelrooy

براي ارفعها وجراج خاص محترم ولما تيجي مصر اجازة يكون معاك عربيتك برضوا :)

أنا فكرت فى الفكرة دى برضه بس ساعة الجد بقى لقيت الأتي
عاوز بطارية و صيانة و تغيير زيت و فى حالتى كانت العربية عاوزة تتفحص و الرخصة تتجدد.....و البطارية هتترمى تانى و أنا مسافر

يعنى شغل محتاج يومين غير الفلوس اللى كانت هتدخل فى 1500 ل 2000 على الأقل ( فحص و ترخيص و ضريبة و بطارية و صيانة و مين عارف ممكن يطلع عليها مخالفات و هى مرفوعة ههههههه)....و أنا كنت نازل أسبوعين و الوقت مزنوق و أجرت و معملتش كده للأسف :(