الموضوع: تجـربتى بالصـور والمعــلومات عن تســليح كاوتـش نيسان تيـدا ومعـلومات هامـة عن الترصيص

موضوع شيق جدا وشكرا علي مجهودك المميز في اعداده
وكنت عايز اعرف تكلفة التسليح كام
وعنوان الشركه فين بالضبط والتليفون
وشكرا

المشاركة الأصلية كتبت بواسطة elmatboly

ما شاء الله تقرير جميل بس احب اقولك عن تجربة ان فكرة التسليح دى فكرة فاشلة لانها مش بتمنع خرم الكاوتش بنسبة 100 فى 100 ولا قدر الله فى حالة خرم الكاوتش مش بينفع يتلحم وما ينفعلوش غير خابور وشكرا مرة تانية على مجهودك

متفق مع حضرتك جدا وخصوصا اني مجرب ومع الاسف اربع فرد بيرلي جداد مخرومين وكل فردة بتسلم اختها وطبعا مش هينفع لا لحام ولا خوابير عشان لما اروح الشركة مايبقلهومش حجة وربنا يقدم اللي في الخير

المشاركة الأصلية كتبت بواسطة ahmed.tv

اهلا بيك يا فندم فى البداية

حضرتك زى ما قريت المشاركة بتاعت العضو واخدت اقتباس .. اتمنى انك تكون قريت ردودنا فى الموضوع كله والمشاركات .. عشان فى ناس مش فاهمة التسليح .. لان الموضوع جديد .. ومفروض ميتعملش عند اى حد

وانا بردى عليك .. رد عملى لان عمله فى عربيتى بقالى من شهر مارس .. واعضاء كتير عملوه كمان وثبت الى الان نجاحه ..

حضرتك لو بتتكلم على العادى من غير تسليح انا معاك الخوابير المحترمة زى تيب توب الالمانى هى اللى تمشى فى الكاوتش

بس طالما سلحت الكاوتش وحطيت مادة فيه .. يبقا خلاص انسى .. لان ازاى الكاوتش حيتخرم !!!!!!!!! وانت عامل بطانة من الداخل

انسى لو دخل اى مسامر .. عاوز تخليه فى الكاوتش .. الكاوتش مش حينام منك .. عايز تشيله وتخرجه من الكاوتش .. بردوا مش حينام منك .. لانك عامل بطانة حماية من الداخل .. البطانة دى لان حاجة بتتخرم بتسد مكان الخرم من نفسها

وكل ده عن تجربة .. والكاوتش بتاع عربيتى تحت التجربة وتحت امرك .. وانا جربت وشوفت بعينى قبل ما اعمل تسليح فى عربيتى الخاصة عشان اطمن طبعا

وبينى وبينك الدليل العملى

انا حبيت اوضح نقطة التسليح لتكون غايبة عن حضرتك بس

وتحياتى ليك واهلا بيك معانا

اهلا وسهلا بحضرتك واتمنى ان مفيش حد يضايق من كلامي بس للاسف هي دي الحقيقة وانا بالفعل سلحت الكاوتش في فرع الشركة المقصودة في ابو رواش بتاريخ 21-12-2011ومن شهرين بالضبط بدأت المعاناة اضبط الكاوتش وتاني يوم الاقيه ريح قولت يمكن من الجنوط وان استحالة يكون في تسريب مع التسليح لحد ماجيت في يوم وانا مسافر بورسعيد لقيت العربية بتحدف جامد ونزلت لقيت الفردة اليمين قدام على الارض الحمد لله كان معايا كمبروسو بيشتغل على الولاعة وضبطها وكملت واول ما رجعت القاهرة قولت لازم اقطع الشك باليقين فكيت اول فردة وحطيتها في حوض ميه زي بتوع الكاوتش وكانت المفاجأة اني لاقيت التسريب من الكاوتش ومن المنطقة اللي المفروض انها متسلحة لفيت على باقي الفرد لاقيت في تسريب بس بنسب متفاوتة ومشكلتي دلوقتي اني معرفش لما اروح الشركة هل ممكن فعلا اخد حقي ولا هيبقى تضييع وقت ومناهدة على الفاضي لو هيبقى كده يبقى قدر الله وما شاء فعل وعليا وعلى الخوابير وامري لله بس طبعا لازم انقل تجربتي ليكو بكل حيادية وربنا وحده هو الشاهد عليا واني مقصدش اظلم حد او اتجنى عليه