الموضوع: حاجه فوق الخيال ومحيره كل الميكانيكيه ياريت تساعدوني يا هونداويه

المشاركة الأصلية كتبت بواسطة semsem kane

دة جوان وش سلندر لاسباب عديدة

عدم سحب المياة الموجودة فى القربة , ودة دليل ان الضغط وحش

انت عندك بداية تهريب فى جوان السلندر و ولا يمكن حد يكتشفة كدة , لازم يتعمل اختبار كبس دورة تبريد محرك

شكرا علي ردك ياباشا بس الميكانيكي كشف علي الجوان ولقاه سليم وبردو روحت وعملت كبس لدورة التبريد ومفيش اي تهريب من ناحيه الجوان انا شاكك يكون في حاجه جوه الماكنه نفسها يعني علشان النص عمره ال عملتها يكون الميكانيكي مظبتش الصبابات او ماشلبه ذلك او ممكن يكون برده مظبتش سير التقسيمه كويس بس انا عايز اعرف رايكم في كلامي ده ولا بعيد عنه

المشاركة الأصلية كتبت بواسطة kaza

خد بالك ان الكلام دة لازم بيصاحبة فقد في القدرة للمحركوبالتالي اهتزاز غير مالوف اثناء التسارع وعدم بلوغ السرعات السابق الوصول اليها وعموما السحب بيقل وطبعا الحرارة المرتفعة للمحرك
برضة ممكن تكون الاملاح الناتجة من استخدام المياة بديلا عن سائل التبريد وقدم عمر المحرك وبالتالي بيحدث نحر في مجاري المياة الملاصقة لغرفة الاحتراق وتوسع المجاري دي وتبداء في تهريب الضغط وممكن في الحالات الحرجة ان المياة تتسرب للشميز ونتيجة ارتفاع حرارتة من شغل غازات الاحتراق المياة بتتبخر وتزيل طبقة الزيت الثمينة واللازمة لتقليل احتكاك الشنابر بجسم الشميز وبينتج عن دة زرجنة الشنابر وتكسرها وممكن كمان كسر مجاري الشنبر بالمكابس وبالتالي الحاجة لتغيير المكابس والشنبر وفي حالات اخري بيتسبب في اعوجاج البيل ايضا وبالتالي بيبقي الموتور في حالة ضرر شديد وبيكلف جامد لاعادتة لحالتة الاولي

طبعا متشكر اوي علي ردك واهتمامك بس العربيه عندي سحبها مقلش ولا حاجه هي بالفعل جابت السرعه ال كنت بجيبها قبل كده بس الموتور بيسخن مني جامد وده طبعا غير الاول كانت تقريبا العربيه بتكون اقل من ربع الربع كمان ال عايز اقوله ان العربيه مشكلتها في السخونه وليست في السحب لان السحب علي السرعه العاليه بيكون تمام معايا وموضوع الوش ده انا كشفت عليه ومفيش اي تهريب ولا اعوجاج وكبست دورة تبريد كمان انا خايف بس يكون العيب في سير التقسيمه او صبابات مش مظبوطه ولا ايه رايك؟؟؟

ركب غطاء قربة المياه جديد

المشاركة الأصلية كتبت بواسطة catmoon

طبعا متشكر اوي علي ردك واهتمامك بس العربيه عندي سحبها مقلش ولا حاجه هي بالفعل جابت السرعه ال كنت بجيبها قبل كده بس الموتور بيسخن مني جامد وده طبعا غير الاول كانت تقريبا العربيه بتكون اقل من ربع الربع كمان ال عايز اقوله ان العربيه مشكلتها في السخونه وليست في السحب لان السحب علي السرعه العاليه بيكون تمام معايا وموضوع الوش ده انا كشفت عليه ومفيش اي تهريب ولا اعوجاج وكبست دورة تبريد كمان انا خايف بس يكون العيب في سير التقسيمه او صبابات مش مظبوطه ولا ايه رايك؟؟؟

اسف علي التاخير في الرد بس رمضان بقي
بص ياسيدي انت لما اتكلمت علي العيب اتكلمت علي افتراض ان الموتور مضبوط والكاتينة مضبوطة ومش مرحلة وان العيب في هروب سائل التبريد من المبرد الي القربة وبالتالي تفريغ دورة المياة من سائل التبريد
وانا رديت علي حضرتك مع الوضع في الاعتبار سلامة مكونات دورة التبريد واحكامها من التسربات
بالنسبة للهوندا عموما محركات الهوندا بتصنع من الالومنيوم للراس والبلوك وبتتواجد شمايز من الحديد للسلندرات وليها سيلات وجونات للتسرب وبالتالي سخونة المحرك بتؤثر جدا نظرا لاختلاف الاستجابة الحرارية للالومنيوم عن الحديد وبالتالي بينتج عدم الاحكام واكتر حاجة بتتاثر هروب الغازات الي دورة المياة لقربهم من بعض او العكس وبيكون صعب خلط الزيت لبعد مجاري الزيت نسبيا عن غرف الاحتراق
وبالتالي الفيصل الوحيد قياس كبس الموتور زي ما اقترحت عليك لانة هيظهر التنفيس من اي سلندر
اما موضوع الكاتينة مرحلة وللهوندا بالذات ودي محركات حساسة جدا فاكيد ضعف القدرة هيكون ملحوظ وعموما السخونة العادية للموتور ماتزودش الضغط لدرجة هروب المياة وارتداتها للقربة
برضة ياريت تذكر حالة المبرد عندك هل مسدود بالرواسب وبالتالي بيمنع التبادل الحراري ولا لا لانةممكن يتسبب في ضعف قدة التبريد عموما ولو مسدود قوي هتلاقي اثناء رفع سرعة دوران المحرك تقلص في الخرطوم اللي جاي من الردرياتير للطلمبة وممكن يكون بيخنق دورة التبريد علي السرعات العالية وبالتالي بيكون بخار بيتمدد ويطرد المياة للقربة
عموما شوف موضوع الردرياتير ولو متاكد من صلاحيتة يبقي اعمل اختبار الكبس للموتور
وياريت تتكرم وتقولي عملت اية
موضوع اكتشاف العيب عموما بيبقي احسن حاجة الاختبار الفعلي ودة علية 95%من نتيجة تحليل العيب
تحياتي لشخصك الكريم

المشاركة الأصلية كتبت بواسطة ahmedeihab

سؤال لولبى

هو قشط وش السلندر ؟؟؟

^_^

مساء الخير
حضرتك بتسال عن عملية الكشط بتتم ازاي ولا تقصد اية ياريت توضيح

المشاركة الأصلية كتبت بواسطة ahmedeihab

يا فندم انا بتكلم انه لما عمل نص عمره قشطه و معوضش مكان القشط ده ولا لاء

ده قصدى

^_^

تمام كلامك مضبوط بس دة يبقي الوش متضرر جامد او اتكشط اكثر من مرة وفعلا باعمل تعويض بجوان سميك اكبر من القياسي وفي بعض الحالات باستخدم اكتر من جوان ممكن 2 او 3 وطبقا لنسبة الكشط ..لا وفية حاجة تانية ممكن كمان البلوك لما بيتكشط والمكابس بتبرز عن البلوك في النقطة الميتة العليا وبيحصل انها بتصطدم بوش السلندر وممكن الموتور مايلفش خالص علي الحر ويقفش او يثني البيلات وممكن كمان يكسر المكابس ولازم التعويض بجوانات اسمك للغرض دة
بالمناسبة برة مصر في العمرات لو الوش متضرر بالطريقة دي بيتم التغيير سواء للوش او البلوك علي طول بل وممكن استبدال المحرك باخر مستعمل او معاد تعميرة ودة علشان مصاريف العمالة هناك غالية وبتحسب بساعات العمل بس مصر ..انت ادري بقي
الله ينور وباشكرك علي اضافتك