الموضوع: حاجه فوق الخيال ومحيره كل الميكانيكيه ياريت تساعدوني يا هونداويه

معايا سيفيك 85 اوتوماتيك العربيه كانت بتجيب معايا 150 مستريح بدون اي مشاكل تذكر من حراره وثبات لحد ما حصل المتقدر واتقطع سير الكاتينه ونصف عمرة موتور كامله ومن ساعتها العربيه حرارتها بتجيب النص مستريح وده مش طبيعي اصلا ليها واجيب 120 الحراره تجيب التلت اول ما اعلي عن 120 الحراره تنط لاخر المؤشر وتوصل للنقطه الحمرا وانزل اقف الاقي الرادياتير مفهوش ولا نقطة ميه والقربه مليانه علي اخرها والخرطوم بتاع القربه بيطلع بخار كتيييير علي الرغم ان القربه بتكون لحد العلامه بس- ياتري اييييييييييه اسباب ال بيحصل ده ليه لما اعلي عن 120 بالذات وايه سبب هروب ميه الرادياتير والقربه تتملي علي اخريها كده وطبعا انا عملت كل ال تتخيلوه من كشف رادياتير وتسليك وتنضيف وتاكيهات واسبراتير

نفس اللي حصل معايه لدرجة ان في مره قرصت لعند 160 لقيت الخرطوم اللي طالع من الريداتير اتقطع والريداتير فضى الميه بتاعته روحت جبت ريداتير جديد وكل حاجه ظبطط ممكن الريداتير اصلا مش شغال

للاسف الرادياتير شغال هو مش كفاءه اوي بس شغال والدليل ان العربيه بتبقي تمام لحد 120 يعني لو الرادياتير مش بيقوم بدوره كانت سخنت اصلا قبل ما توصل ل 100 او اقل كمان

المشاركة الأصلية كتبت بواسطة hema_lancer

كده المياه يا بتهرب من الوش يا من الطرمبة
حاول تشوف مجري المياه حوالين الموتور

للاسف مفيش تهريب مايه خالص روحت لميكانيكي وقالي الوش تمام ومفيش تهريب ولو من الطرمبه كانت بانت علي الاقل جوه البلد السرعه بطيئه والحراره تمام التمام يعني لو في اي مشاكل تقليديه كانت ظهرت علي السرعات البطيئه ال هي مفترض بتسخن العربيه اكتر من الجري بيها

اللي بيحصل عندك دة عدم احكام جوان وش السلندر والجوان بيهرب كبس الموتور لدورة المياة وبالتالي بيزيد الضغط فيها والضغط بيطرد المياة للردرياتير وطبعا الضغط دة بيكون من ناتج الاحتراق بغرف الاحتراق وبتكون حرارتة من 550 ل600 درجة وبالتالي بيخلي حرارة العربية ترتفع جدا وبيبخر المياه من المبرد
العيب دة لية اكتر من سبب وتتلخص في اعوجاج وش السلندر وعدم استواء سطحة وبالتالي مهما ربطت مسامير الوش مش هيكون محكوم علي الجوان وهيهرب الضغط وايضا في بعض الحالات بس بيكون ناتج من ارتفاع الحرارة فوق 130 درجة لمدد طويلة البلوك بيتشوة سطحة وبيكون برضة غير مستوي وبالتالي بيتسبب في عدم احكام تثبيت الوش علية ويسرب الضغط طبعا وممكن ايضا احتراق وتحمص جوان وش السلندر نتيجة عدم وجود سائل التبريد بالمحرك وبالتالي تسرب الضغط من بعض السلندرات الي دورة المياة او دورة الزيت
كذلك بس نادرا بيحصل شرخ في وش السلندر وبرضة بيسبب هروب الضغط
الحاجات دي حلها لازم بالكشف علي ضغط السلندرات ونشوف اي سلندر بيهرب الضغط بواسطة جهازقياس كبس المحرك وبيتم توصيلة مكان فتحة البوجية وادارة المحرك بالمارش وتكرار ذلك لباقي السلندرات
او بالفك للوش واختبار استقامتة بواسطة مسطرة حديد وفيلر وتوضع المسطرة قطريا بطول الوش والبلوك ويقاس مقياس الخلوص بين سن المسطرة وجسم الوش او البلوك والذي لا يزيد في معظم الاحوال عن 0.2 من المم اما في حالة الزيادة بيتم كشط الوش او البلوك للحصول علي سطح مستوي لا يسمح بتهريب الضغط
اما حالات الشرخ للوش فبيتم بواسطة الاختبار المغناطيسي وبرادة الحديد الناعمة وبيتم خلالها مغنطة الوش كهربيا ورش البرادة علية وبالتالي الشرخ بيعمل اقطاب متنافرة تتجمع عليها البرادة وتحدد مكان الشرخ
ودة بيتعمل بواسطة بعض الخراطين المحترفيين
كذلك فية ملاحظة ان الميكانيكي الجيد بيقوم بفحص الجوان قبل نزعة من مكانة بعد فك الوش وبيحدد التسرب منين
هتسالني طيب لية مسربش مياة اوزيت او خلط هاقولك ان ضغط غازات الاحتراق بيصل الي اكتر من 110 ضغط جوي وبالتالي اكبر بكتير من ضغط دورة المياة والزيت وممكن يكون موقع عدم الاحكام في حواف الشميز وغرفة الاحتراق بمسافة تسمح بتسرب الغاز وليس المياة

خد بالك ان الكلام دة لازم بيصاحبة فقد في القدرة للمحركوبالتالي اهتزاز غير مالوف اثناء التسارع وعدم بلوغ السرعات السابق الوصول اليها وعموما السحب بيقل وطبعا الحرارة المرتفعة للمحرك
برضة ممكن تكون الاملاح الناتجة من استخدام المياة بديلا عن سائل التبريد وقدم عمر المحرك وبالتالي بيحدث نحر في مجاري المياة الملاصقة لغرفة الاحتراق وتوسع المجاري دي وتبداء في تهريب الضغط وممكن في الحالات الحرجة ان المياة تتسرب للشميز ونتيجة ارتفاع حرارتة من شغل غازات الاحتراق المياة بتتبخر وتزيل طبقة الزيت الثمينة واللازمة لتقليل احتكاك الشنابر بجسم الشميز وبينتج عن دة زرجنة الشنابر وتكسرها وممكن كمان كسر مجاري الشنبر بالمكابس وبالتالي الحاجة لتغيير المكابس والشنبر وفي حالات اخري بيتسبب في اعوجاج البيل ايضا وبالتالي بيبقي الموتور في حالة ضرر شديد وبيكلف جامد لاعادتة لحالتة الاولي

المشاركة الأصلية كتبت بواسطة kaza

خد بالك ان الكلام دة لازم بيصاحبة فقد في القدرة للمحركوبالتالي اهتزاز غير مالوف اثناء التسارع وعدم بلوغ السرعات السابق الوصول اليها وعموما السحب بيقل وطبعا الحرارة المرتفعة للمحرك
برضة ممكن تكون الاملاح الناتجة من استخدام المياة بديلا عن سائل التبريد وقدم عمر المحرك وبالتالي بيحدث نحر في مجاري المياة الملاصقة لغرفة الاحتراق وتوسع المجاري دي وتبداء في تهريب الضغط وممكن في الحالات الحرجة ان المياة تتسرب للشميز ونتيجة ارتفاع حرارتة من شغل غازات الاحتراق المياة بتتبخر وتزيل طبقة الزيت الثمينة واللازمة لتقليل احتكاك الشنابر بجسم الشميز وبينتج عن دة زرجنة الشنابر وتكسرها وممكن كمان كسر مجاري الشنبر بالمكابس وبالتالي الحاجة لتغيير المكابس والشنبر وفي حالات اخري بيتسبب في اعوجاج البيل ايضا وبالتالي بيبقي الموتور في حالة ضرر شديد وبيكلف جامد لاعادتة لحالتة الاولي

طبعا متشكر اوي علي ردك واهتمامك بس العربيه عندي سحبها مقلش ولا حاجه هي بالفعل جابت السرعه ال كنت بجيبها قبل كده بس الموتور بيسخن مني جامد وده طبعا غير الاول كانت تقريبا العربيه بتكون اقل من ربع الربع كمان ال عايز اقوله ان العربيه مشكلتها في السخونه وليست في السحب لان السحب علي السرعه العاليه بيكون تمام معايا وموضوع الوش ده انا كشفت عليه ومفيش اي تهريب ولا اعوجاج وكبست دورة تبريد كمان انا خايف بس يكون العيب في سير التقسيمه او صبابات مش مظبوطه ولا ايه رايك؟؟؟

المشاركة الأصلية كتبت بواسطة catmoon

طبعا متشكر اوي علي ردك واهتمامك بس العربيه عندي سحبها مقلش ولا حاجه هي بالفعل جابت السرعه ال كنت بجيبها قبل كده بس الموتور بيسخن مني جامد وده طبعا غير الاول كانت تقريبا العربيه بتكون اقل من ربع الربع كمان ال عايز اقوله ان العربيه مشكلتها في السخونه وليست في السحب لان السحب علي السرعه العاليه بيكون تمام معايا وموضوع الوش ده انا كشفت عليه ومفيش اي تهريب ولا اعوجاج وكبست دورة تبريد كمان انا خايف بس يكون العيب في سير التقسيمه او صبابات مش مظبوطه ولا ايه رايك؟؟؟

اسف علي التاخير في الرد بس رمضان بقي
بص ياسيدي انت لما اتكلمت علي العيب اتكلمت علي افتراض ان الموتور مضبوط والكاتينة مضبوطة ومش مرحلة وان العيب في هروب سائل التبريد من المبرد الي القربة وبالتالي تفريغ دورة المياة من سائل التبريد
وانا رديت علي حضرتك مع الوضع في الاعتبار سلامة مكونات دورة التبريد واحكامها من التسربات
بالنسبة للهوندا عموما محركات الهوندا بتصنع من الالومنيوم للراس والبلوك وبتتواجد شمايز من الحديد للسلندرات وليها سيلات وجونات للتسرب وبالتالي سخونة المحرك بتؤثر جدا نظرا لاختلاف الاستجابة الحرارية للالومنيوم عن الحديد وبالتالي بينتج عدم الاحكام واكتر حاجة بتتاثر هروب الغازات الي دورة المياة لقربهم من بعض او العكس وبيكون صعب خلط الزيت لبعد مجاري الزيت نسبيا عن غرف الاحتراق
وبالتالي الفيصل الوحيد قياس كبس الموتور زي ما اقترحت عليك لانة هيظهر التنفيس من اي سلندر
اما موضوع الكاتينة مرحلة وللهوندا بالذات ودي محركات حساسة جدا فاكيد ضعف القدرة هيكون ملحوظ وعموما السخونة العادية للموتور ماتزودش الضغط لدرجة هروب المياة وارتداتها للقربة
برضة ياريت تذكر حالة المبرد عندك هل مسدود بالرواسب وبالتالي بيمنع التبادل الحراري ولا لا لانةممكن يتسبب في ضعف قدة التبريد عموما ولو مسدود قوي هتلاقي اثناء رفع سرعة دوران المحرك تقلص في الخرطوم اللي جاي من الردرياتير للطلمبة وممكن يكون بيخنق دورة التبريد علي السرعات العالية وبالتالي بيكون بخار بيتمدد ويطرد المياة للقربة
عموما شوف موضوع الردرياتير ولو متاكد من صلاحيتة يبقي اعمل اختبار الكبس للموتور
وياريت تتكرم وتقولي عملت اية
موضوع اكتشاف العيب عموما بيبقي احسن حاجة الاختبار الفعلي ودة علية 95%من نتيجة تحليل العيب
تحياتي لشخصك الكريم