مصر الجديدة

**ramy_gamal** · 10-08-2012 02:23 AM

مساء الخير عليكو وكل عام وانتم بخير
انا جاي من اسكندريه و رايح مصر الجديدة عند حته اسمها الامن الصناعى ياترى فى طريق من المحور او الدائرى يوصلنى على الحته دى على طول ولا لازم ادخل البلد.... يا ريت الوصف من بعد البوابات ومتشكر جدا جدا للجميع

**MARTINDALE** · 10-08-2012 03:38 AM

عندك اي تفاصيل تانيه للعنوان ؟
جنب ايه - شارع ايه - منطقه ايه .

**mohamed_selim** · 11-08-2012 07:33 PM

الامن الصناعى عند ميدان الحجاز ... ممكن من الدائرى ... توصل البوابات و تطلع المحور من المطلع اللى اول ما تعدى نم تحت المحور و تاحد اتجاه القاهره و لما توصل الدائرى برضه تاخد المطلع اللى بعد ما تعدى من تحت الدائرى ... تفضل ماشى على طول شويه حلوين لحد ما توصل عند نفق السلام ... مت نزلوش و تاخد من فوقه يمين على طريق اسماعيليه الصحراوى هتمشى حوالى 500 متر هتلاقى كوبرى تطلعه هيلف بيك شكال فى يمين و تنزل طوالى لحد ملاهى السندباد هتلاقى الطريق بيتفرع يمين و شمال هتاخد اليمين جنب سور نادى الشمس و هناك كعلامه فى سيرك و اعلانات ليه ... تمشى شويه و لما تعدى بوابة فندق السلام تاخد يوترن و ترجع تخش يمين (للاسف مش فاكر علامات مميزه بس على ما انا متذكر انت هتلف من تانى يوترن ... ممكن و انت هناك تسال برضه على ميدان الحجاز هيشاورولك على الشارع) ده شارع الحجاز و هنمشى شويه توصل الامن الصناعى قبل ميدان الحجاز ... هو جنب عمر افندى و ده مشهور هناك عشان لو سألت

**ramy_gamal** · 12-08-2012 07:27 PM

المشاركة الأصلية كتبت بواسطة mohamed_selim

الامن الصناعى عند ميدان الحجاز ... ممكن من الدائرى ... توصل البوابات و تطلع المحور من المطلع اللى اول ما تعدى نم تحت المحور و تاحد اتجاه القاهره و لما توصل الدائرى برضه تاخد المطلع اللى بعد ما تعدى من تحت الدائرى ... تفضل ماشى على طول شويه حلوين لحد ما توصل عند نفق السلام ... مت نزلوش و تاخد من فوقه يمين على طريق اسماعيليه الصحراوى هتمشى حوالى 500 متر هتلاقى كوبرى تطلعه هيلف بيك شكال فى يمين و تنزل طوالى لحد ملاهى السندباد هتلاقى الطريق بيتفرع يمين و شمال هتاخد اليمين جنب سور نادى الشمس و هناك كعلامه فى سيرك و اعلانات ليه ... تمشى شويه و لما تعدى بوابة فندق السلام تاخد يوترن و ترجع تخش يمين (للاسف مش فاكر علامات مميزه بس على ما انا متذكر انت هتلف من تانى يوترن ... ممكن و انت هناك تسال برضه على ميدان الحجاز هيشاورولك على الشارع) ده شارع الحجاز و هنمشى شويه توصل الامن الصناعى قبل ميدان الحجاز ... هو جنب عمر افندى و ده مشهور هناك عشان لو سألت

الف شكر على الوصف