تجربتى فى غسيل دورة التبريد فى الابيزا 98

**mahmoud ghanem** · 12-08-2012 11:11 PM

سؤال يا استاذ سيد
ورأيك يهمنى وهيحل الحيرة دى

دلوقتى زى ما انت عارف ان بقزقز فى سرفيس العربية .. فا اشتريت منظف الرشاشات اللى بيتحط على تفويلة البنزين ( stp الاسود ) 28 جنيه من شل .

دلوقتى ان محتار من كثرة الاراء على المنتدى علشان فى ناس بتقلك لازم تغير الفلتر قبلها علشان المنظف هيزيب الاوساخ فى الفلتر القديم وهيسد الرشاشات .. واراء تانيه بتقول غير الفلتر بعدها علشان الاوساخ المذابه مترجعش فى دورة البنزين وتقلل جودة الفلتر وتسد جزء من مسامه ... وبصراحة الرأيان منطقيا صح !!!
فا احطها دلوقتى قبل ما اغير فلتر البنزين وبعد ما تخلص التفويلة اغير الفلتر ؟؟
ولا اغير الفلتر الاول وبعدين احطها على تفويلة ؟؟؟

**mahmoud ghanem** · 17-08-2012 05:01 PM

ايه مفيش ردود ؟؟؟

**SYD** · 27-10-2012 12:22 PM

معلش انا متأسف علي التأخير في الرد
بس اكيد الموضوع تاه وسط زحمة المواضيع

بص يا باشا - رغم اني عارف انك اكيد خلاص استخدمته بس الرد دة عشان يبقي مرجع لينا كلنا

طبعا زي انت ما قولت الرأيان مقنعين جداً ومنطقيين
لكن عن تجربة
حضرتك استخدم الstp ونظف بيه الدنيا وبعدين غيره
يعني ممكن تغييره في خلال اسبوع بالكتير من استخدام المنظف

وبردو هقولك ليه
لأن المنظف بالفعل هيفتت الترسبات والشوائب في التانك وليس في الفلتر
وبعد ما هتتفتت ، الفلتر هيحوشها (هيمنعها)
فيفضل انك تغير الفلتر بعد عملية التنظيف علشان هيكون خلاص بيجيب اخره

والله المستعان
،
،

**mahmoud ghanem** · 29-10-2012 07:25 PM

المشاركة الأصلية كتبت بواسطة syd

معلش انا متأسف علي التأخير في الرد
بس اكيد الموضوع تاه وسط زحمة المواضيع

بص يا باشا - رغم اني عارف انك اكيد خلاص استخدمته بس الرد دة عشان يبقي مرجع لينا كلنا

طبعا زي انت ما قولت الرأيان مقنعين جداً ومنطقيين
لكن عن تجربة
حضرتك استخدم الstp ونظف بيه الدنيا وبعدين غيره
يعني ممكن تغييره في خلال اسبوع بالكتير من استخدام المنظف

وبردو هقولك ليه
لأن المنظف بالفعل هيفتت الترسبات والشوائب في التانك وليس في الفلتر
وبعد ما هتتفتت ، الفلتر هيحوشها (هيمنعها)
فيفضل انك تغير الفلتر بعد عملية التنظيف علشان هيكون خلاص بيجيب اخره

والله المستعان
،
،

الله ينور ..

**SYD** · 30-10-2012 04:18 AM

ها
عملت ايه ؟؟
طمنا علي النتيجة

**mahmoud ghanem** · 30-10-2012 11:19 AM

المشاركة الأصلية كتبت بواسطة SYD

ها
عملت ايه ؟؟
طمنا علي النتيجة

شكراً يا استاذ سيد على اهتمامك
الحمد الله زى ما حضرتك قلت كدة بس انا بصراحة غيرت الفلتر بفلتر بـ 30 ج بتاع الدايو الاول وحطيت stp على 3/4 التانك وقلت 3 تفويلات كدة او اربعة وهغير الفلتر بواحد اصلى يبقى انا فى المضمون
وخت مشاور كدة على الدائرى بتاع 25 ك والغيار بصراحة على 25 - 30 ار بى ام
كل المعلومات دى من المنتدى بصراحة .. وانا مروح فولت التانك

بصراحة انا محستش بفرق كبير اكتر من ان حاسس ان الدنيا نظيفة
والاحساس دة لوحده كفاية :)
بس السحب الى حد ما اتحسن .. بس هى مشكلتى كلها فى التجميع حاسس انها بطيئة جداً
مؤشر التانك فى التبلوة بيهيس شوية لما التانك بيقل عن 3/4 وحتى 1/2 قبل كدة كويس وبعد كدة تمام

- انا لسة هخلص التفويلة دى كدة وهغير فلتر البنزين وهشوف النتيجة

وكل سنه وانتم طيبين

**SYD** · 30-10-2012 11:51 AM

بص يا باشا
كان يستحسن لما حطيت المنظف انك كنت تحرق شوية بالعربية - من 3 الي 4 rpm
ليه ؟؟؟
علشان تضمن ضخ الوقود بقوة وتضمن سرعة جريان الوقود في الطرمبة والخراطيم والوصلات
وكان يستحسن تطول المسافة شوية عن 25 كم
ليه ؟؟؟
علشان تضمن سريان المنظف في الدورة اطول وقت ممكن مع اقصي قوة ضخ بالحرق علي الغيارات

استني بقي يمر عليك 6000 كم وارجع عيد الموضوع دة بس المرادي بالمنظف الرصاصي stp fuel complete cleaner

تحياتي