الموضوع: هوندا سيفيك ضمن قائمة السيارت التي لاينصح بشرائها في أحدث تقرير ل كونسيومر ريبورتس

المشاركة الأصلية كتبت بواسطة abdulkhaleq

على فكره كلامك صح والله
لاحظت الموضوع ده في طريقة كلام ناس كتير في منتديات تانيه
هو نوع من انواع الاسقاط النفسي معايا حاجه وحشه بس هقول انها زي الفل

يعني كنت عملت موضوع بعد ما فجعت بالعربيه دي لما شفتها
كنت الاقي اللي يرد ويقول
انه ماشي على طريق مش عارف ايه
و جايب 140, 160, 180, 320 والعربيه بسم الله ماشاء الله ثابته

حاجه من اتنين
يا اما كان راكب حنطور من اللي بيلم الكراتين من الشارع
يا اما مقياس الثبات عنده انك لما تعدي ال 100 الكاوتش مايتحولش من دائري لمربع

وفي الأخر
تحيا الهونضاي ألينتيرا
معشوقة التاكسجيه الأولى في مصر
ذات الجمال الذي يخطف الألباب
ويسحر العيون
بأعلى كمية بلاستيك في فئتها في العالم

يعنى لولا ان المنتدى محرم التطاول و الشتائم, و لولا انى صائم, كان ممكن أغلط بصراحة, لأنك اهنت كل واحد راكب النترا فى شخصه ,بوصفه بشكل غير مباشر انه مبيفهمش فى الثبات و انه كان راكب حنطور و انه زوقه زى التاكسجيه.

و للعلم بأه عشان النفسيات زادت اوى بصراحة فى المنتدى, الهوندا لها ما لها و لها ما عليها ,و نفس الكلام فى الالنترا,كل منتج نجح فى حاجات و سقط فى حاجات.

الهوندا مثلا:ليا جار مقتدر ما شاء الله ركيب عربيات و تاجر قديم و دلوقتى بقت العربيات بالنسبة له هواية مش ربح, كان راكب الهوندا الشكل القديم (2001 - 2005) الكاملة بفتحة سقف, و راح شارى جنبيها الشكل الجديد 2008 و معجبتهوش خاااالص و بعها بعد شهر و ساب القديمة معاه و بيشكر فيها اكتر من الجديدة, و بعديها جاب x5 و باع الهوندا القديمة و جاب الفانتازيا, و اتكيف جدا من الفانتازيا و عاب على x5 كتر مشاكلها معاه و اسعار الصيانة, و باع الأثنين و جاب النترا 2010 و سيريون 2009 و لاند كروزر 2011 تقريبا, و مكيفاه الالنترا 2010 للمشاوير الداخلية.

المقصود ايه: كل واحد ليه طريقة قيادة و احساس مختلف بالسيارة يختلف عن الأخرين,و بالتالى طريقة حكمه على السيارة تختلف عن باقى الأفراد, و دائما فيه سيارات بيكون فيه شبه اجماع على ردائتها, و سيارات بيكون فيه شبه اجماع على جودتها, و عربيات بيكون دايما فى اختلاف فى الرأى عليها بالايجاب و السلب و من ضمنهم السيفيك و الالنترا, يعنى لو حاطينا مقارنة النترا 2007 مع سيفيك 2007 من وجهة نظرى, السيفيك هتكتسح, و لكن لو قارينا السيفيك 2007 او 2012 مع النترا 2012, وجهة نظرى هتختلف و ممكن اروح للالنترا و كل واحد ليه اسبابه و الشكل الخارجى طبعا احد الأشكال ديه.

و للعلم مفترض انى حيادى, لأنى كنت راكب النترا 2005 و عجبتنى فى حاجات و معجبتنيش فى حاجات, و دلوقتى معايا بورا و بقارنها بالالنترا و كل واحده ليها مميزاتها بنظرى, و اخيرا بفكر بقوة فى شراء السيفيك 2007 (ان شاء الله بس ادعولى) لكن لو توافر معايا اليخلينى أجيب النترا 2012 ال ب اير باج و abs فممكن اغير رأيى و اجيبها عادى خالص.

الموضوع مش محتاج تعصب, الموضوع محتاج تفهم لاحتياجات الأخرين و السبب البنوا عليه اختيارتهم.

.................................................. ...

يرجى مراعاة اداب الحوار واختيار الالفاظ

والا سوف يتم تطبيق عقوبة مخالفة قواعد المنتدى

مشرف القسم 12 ب

7:31 م

12/8/2012

المشاركة الأصلية كتبت بواسطة abdulkhaleq

طيب ما انا بتكلم اهه
مش انا قلتلك مره زمان اني كل ما احب اضحك او اضحك الناس
افتكر الهونضاي محبوبة الشعب, ملكة الثبات 140, 160, 180
قمة التكنولوجيا والتصنيع المدمر

............................ ، الموضوع بيتكلم عن السيفيك ومجابش سيرة الهونضاي يا بيه

يرجى مراعاة اداب الحوار

مشرف القسم 12 ب

7:36 م

12/8/2012

أ/ عبد الخالق, للأسف انتا بتقول الكلام و بتنقضه بنفسك:

مالهم التاكسجيه ؟ دول مش بني أدمين زيك ؟
كل القصه ان دماغهم على قدهم فبيكونو شايفينها عربيه حلوه وكده

يعنى ايه دماغهم على قدهم ,فيه منهم البيفهم عنى و عنك, كل الموضوع ان طريقة حكمهم على الموضوع تختلف ,يعنى مثلا فى نظره هى متفرقش معاه على الطرق السريعة, لكن الأهم راحته و هوا قاعد جواها, عربية زى ال C4 اكيد كلنا نحترمها لكن اكيد لازم نعترف ان مشاكلها اكتر من عربية زى الالنترا او السيراتو او الهوندا و بالتالى فى وجهة نظره العربيات اقيم من ال C4.

هي فعلا النفسيات زادت, واحد (مثلا) بيحس انه اقل من الناس عايز يحشر نفسه وسطيهم وخلاص

لا تعليق, بس انتا مش حاسس العنصرية فى تعليقك ,كلنا ولاد تسعة By the way, و زملاء منتدى واحد.

عموما انا طلبى كان اننا نتفهم وجهة نظر بعض بهدوء و تفاهم, حتى لما نختلف, تختلف بدون توجيه اهانات او تريقة على بعض.

و للعلم ليا اصدقاء كتييير, مفترض ان فى كتير منهم تقال فى السيارات و و ساقوا و امتلكوا عربيات كتير و شباب, و كتير منهم مش معجب بالهوندا تماما, فى اشتكى من العفشة و فيه اشتكى من وطيانها و لما كمية الناس ديه تشتكى من وطيان العربية يبقى لازم نعترف ان فيه issue, وانا واحد من الناس مثلا موضوع الوطيان ده ميفرقش معايا بس ده سبب خلى ناس كتير تهرب من العربية.