الموضوع: HONDA CIVIC SiR VS BMW 320 2010

المشاركة الأصلية كتبت بواسطة semsem kane

اذيكوا ياهونداوية

طبعا لازم احكيلكوا على الشداية الجامدة دية ومعلش استحملونى شوية عشان هحكى بالتفصيل

بالامس صليت التراويح ولقيت صاحبى بيكلمنى وبيقولى تعالى نقعد على كافية فى المعادى

وفية مفأجاة واحد انت ماشوفتوش من زمااااااااااااااااان حوالى 7 سنين

المهم دورت وطلعت وكنت ربع ساعة وكنت عندة

وفجأة لقيت واحد صاحبنا داخل علينا ب BMW 320 SILVER ربنا يباركلة فيها

وانا مصدقتش نفسى ماشاء الله , وسلمت علية وتمام التمام واية ياعم العز بان عليك اهوة

فهو بيقولى وانت معاك اية دلوقتى قولتلة هوندا SiR قالى اية SiR دية قولتلة دية هوندا سيفيك الفئة الرياضية ماتورها 1600 سى سى وقوتة 175 حصان بصلى بأندهاش قالى تيربو يعنى وكدة قولتلة لأ عادى , قالى يابنى دانا ماتورى 2000 سى سى وقوتة ماحصلتش 160 حصان , قولتلة يابنى دية هوندا انت عبيط انت بتتكلم فية اية
فامافيش شوية وهوب النور قطع , نسأل الراجل النور هيجى امتى قالى كمان ساعة وربع ينهار يالة بينا

المهم حسابنا ومشينا واحنا ماشيين على الطريق طلعنا على الاتوستراد لقيتة عمال يشد وقالى تيجى تشد , روحت قايلة مابلاش قالى ياعم تعالى وانا اروقك اللى انت عايزة فوق وتحت وغرز واللى انت عايزة , يالة بينا نجرب ( مع انى عارف النتيجة مسبقا لانى علمت عليها كتير ) بس قولت نجرب

المهم قولتلة يالة وتقريبا كانت سرعتنا مابين 60 الى 70 روحنا مديين 3 كلاكسات وهوب طايرين هو داس وانا دايس , وانا فرقت عنة , وصلت ل 160 فى ثوانى معدودة وهو بعد بفرق محترم ,روحت مهدى وجالى راح قايلى انا لازم اشوف انت عامل اية فى الماتور, قولتلة والله ياعم ماعامل حاجة حتى لسة مغيرتش فلتر البنزين وببنزين 92 مش 95 كمان

المهم قولتلة اية قلبك جامد تتدخل غرز , قالى ياعم ال BMW ثباتها عالى جدا وهتتبهدل هية اة الهوندا اسمع انها ثابتة بس مش زى الهوندا قولتلة اكيد طبعا ال BMW جامدة بس تعالى نجرب ماتتطعلش خسران من كل حتة

المهم طلعنا على الدائرى والحمد لله كان فاضى نسبيا وهوب طيرنا وكالعادة سبقتة , وخدنا الطريق غرز على 160 170 مقفولة وتغير من الشمال لليمين , وغرز مفتوحة شوية , وشوية غرز نص العربية على رمل والتانى على الاسفلت

وبعد كدة اخر ملف , بقى حاد شوية والملف حارتين دخلنا فية انا داخلة 140 وهو كان ورايا , وسرعتنا ثابتة احنا الاتنين وفى الاخر وقفنا , وصمم انة يفتح الماتور وملاقاش حاجة متعدلة ولا تيربو ولا حتى اسلاك بوجيهات رياضى , كل اللى لاقة فلتر اسبور

قالى دية بقى ال SiR قولتلة اة ياباشا راح قايلى ماشاء الله الهوندا دية طلعت مشكلة

ودية كانت شداية مابين الهوندا وال BMW

وكالعادة الحمد لله دايما هونتدى رافعة راسى

قولوا ماشاء الله

باشا ابوس ايداك كفاية كدة انتا بتندمني كل يوم اني ماشترتش السيفيك حرام عليك قربت اكرة عربيتي منها المشكلة اني لاخر وقت كنت مقرر سيفيك و في يوم الشراء ربنا رزقني بعربيا تاني معلش يا باشا هو ال sir في امل اني الاقيها حالة نظيفة ولا مستحيل و ممكن لو فكرت ابيع عربيتي و اجبها تساعدني الاقي واحدة مع ان عربيتي بنت حلال و مستحرم ابيعها اوي

المشاركة الأصلية كتبت بواسطة semsem kane

واضح ان الهوندا بتزعل عربيات كتير اوى منها

دة شىء أكيد والأ كانت الناس بره بطلت تركبها دة غير الأعتمادية وحاجات تانية كتير

ما شاء الله
يباركلك فيها و يكفيك شرها