DSG 7 speed تقرير المالكين

**SYD** · 25-08-2012 04:19 PM

المشاركة الأصلية كتبت بواسطة ahmed_fahmy

فى عربيات جابت فتايس وهى عامله ١٠ الاف كيلو الفتيس ده فى عيب صناعه ومتحلتش واعتقد ان فولكس لو محلتش المشكله دى مبيعاتها هتضيع فى مصر زي ما حصل فى الكرولا لحد ما رجعو الفتايس القديمه

اهلا بحضرتك في القسم يا بشمهندس
وفي ناس فتيسها باظ قبل ال10 الاف
وفي ناس فتيسها شغال لبعد ال10 الاف
الفكرة كلها في طريقة الشغل واسلوب القيادة والطرق
لو كل سواقتك اشارات وجوة البلد - انسي الفتيس
لو كل سواقتك طرق سريعة - هيعيش معاك
دة طبعا غير الصيانة والأهتمام

**احمد فهمى** · 26-08-2012 03:19 AM

المشاركة الأصلية كتبت بواسطة SYD

اهلا بحضرتك في القسم يا بشمهندس
وفي ناس فتيسها باظ قبل ال10 الاف
وفي ناس فتيسها شغال لبعد ال10 الاف
الفكرة كلها في طريقة الشغل واسلوب القيادة والطرق
لو كل سواقتك اشارات وجوة البلد - انسي الفتيس
لو كل سواقتك طرق سريعة - هيعيش معاك
دة طبعا غير الصيانة والأهتمام

اهلا بيك وهو ده فعلاً الواقع بس ده معناه انها غير متوافقه مع الاجواء المصريه مع العلم ان العطل بيتسبب في حرق الكنترول يعنى تيوتا مشكلتها افضل انها بتستهلك اسطوانه وديسك ولمى الحراره بتزيد الفتيس بيفصل وبعد شويه بتدور اللى هو ال N error الشهير وافضلهم اوبل وهى مشغله النظام ده من عشر سنين هو الفرق انك بتحس بالنقله اكتر من فولكس وسيات بس لو اتعودت عليه خلاص بس بيتميز ان ملوش مشاكل تماماً وهو فتيس عادى مانيوال لكل السرعات غير الdsg فيها فتيسين واحد سرعان ثناءيه والتانى فرديه والكنترول غرقان فى الزيت معاهم التعقيد ده للأسف منجحش بس فيات واوبل معندهمش مشاكل فى الموضوع ده واتمنى سيات ترجع للفتايس القديمه وفولكس لأن الناس اتظلمت جامد

**SYD** · 26-08-2012 03:46 AM

والله يا فندم انا مش بدافع عن فولكس - لأن فولكس نفسها لمست المشكلة وغيرت فتيسها وغيرت السوفت ويير بتاعه
واعتقد والله اعلم انها مش هتغيره عشان ظهر مشكلة مع بعض العملاء في بعض الدول والسبب هو اسلوب قيادتهم وخصوصا ان اعتقد بردو والله اعلم انهم مش حاسيين بمشكلتنا في ثمنه لأني اعتقد ان حتي لو دة وحصل عندهم في المانيا تكلفة الصيانة ونسبتها من دخل الفرد هناك مش هتكون قد التكلفة عندنا وكمان مش هتمثل نسبه في دخل الفرد عندهم
يكفي ان تكلفة الصيانة عندنا تقترب من ثمن العربية في بلدها

**Mohamed.Ramah** · 30-08-2012 02:49 AM

انا مازلت عند راى موضوع امشى براحة ومقفش فى زحمة يبقى مجيبش العربية وابعد عنها افضل خاصة بعد البدا فى زيادة الاسعار بشكل غير مبرر على نفس السيارة = Not equal to the value for money معادلة فاشلة ... اكيد الشغال معاهم كويس موجودين بس قليل لاكن الباظ معاهم كتير !

الامل انهم يحلو المشكلة الموديلات القادمة وانا اثرت النقطة فى بداية السنة واتكلمت عن الفتيس وشرحت نقطة الجزء البيبوظ باعتراف من فولكس فاجن المانيا فى بيان رسمى بذلك ولاكن الموضوع عندهم اسهل الفتيس بيتغير وبيهتمو بالمشكلة اكثر وبيدو علية ضمان 10 سنوات او 100.000 كم

**A.Adel** · 17-09-2012 12:12 AM

العربيات دي نازلة لدولة عالم تالت ,يعني المفروض يكونوا عاملين حسابهم على الزحمة و الطرق المكسرة ....الخ

مش مطلوب مني أجيب عربية بـ 200 ألف و أمشي زي اللي بحسس عليها :)
وفي الآخر برده يبوظ الفتيس

المفروض على الاقل يخلو ضمن الفتيس 7 سنين ويبقى فيه ضمان بجد مش بالخناق

**SYD** · 17-09-2012 01:02 AM

المشاركة الأصلية كتبت بواسطة ahmed-adel

العربيات دي نازلة لدولة عالم تالت ,يعني المفروض يكونوا عاملين حسابهم على الزحمة و الطرق المكسرة ....الخ

المفروض على الاقل يخلو ضمن الفتيس 7 سنين ويبقى فيه ضمان بجد مش بالخناق

معلش انا عملت فوكس علي نقطتين في كلام حضرتك
يبدو ان حضرتك سمعت عن توكيل فولكس من حد حصل معاه موقف مش كويس او هو كان غلطان ومنتظر من التوكيل انه يتعامل مع اخطاء العملاء

شوف حضرتك المشاركة دي وقولي ايه رأيك في دول العالم الثالث (عربية خليجي) وتوكيل بيتخانق معاك علي الضمان (عربية خارج الضمان ومش متسجلة صيانة)

http://www.nilemotors.net/Nile/30813...post3874519539

تحياتي لحضرتك

**A.Adel** · 17-09-2012 07:19 PM

المشاركة الأصلية كتبت بواسطة SYD

معلش انا عملت فوكس علي نقطتين في كلام حضرتك
يبدو ان حضرتك سمعت عن توكيل فولكس من حد حصل معاه موقف مش كويس او هو كان غلطان ومنتظر من التوكيل انه يتعامل مع اخطاء العملاء

أنا مسمعتش من حد ,احنا كان عندنا jetta هاي لاين 2009

أنا حقول لحضرتك مشكلة التوكيل إيه ,
التوكيل بيبقى عارف إن الفتيس لازم يتغير و رغم كده لازم يطلع عينك قبل مايغيرهولك
تروح أول مرة يقولك احنا غيرنالك chip بتاعت مش عارف إيه و هيبقى كله تمام(طبعا أنا مش فاكر اسماء قوي الكلام ده من 3 سنين )
مفيش كام يوم وترجع نفس المشكلة ,تقوم راجع تاني يقولك هنعملك update لل software
و برده مفيش حاجة ,تحسه بيجرب فيك
و في الآخر خالص بعد مايكونوا حرقوا دمك و ضيعوا وقتك ,يمنوا عليك و يغيروهلك

**A.Adel** · 17-09-2012 07:20 PM

المشاركة الأصلية كتبت بواسطة syd

شوف حضرتك المشاركة دي وقولي ايه رأيك في دول العالم الثالث (عربية خليجي) وتوكيل بيتخانق معاك علي الضمان (عربية خارج الضمان ومش متسجلة صيانة)

http://www.nilemotors.net/nile/30813...post3874519539

تحياتي لحضرتك

وملاحظتش ليه برده الفتيس اللي ضرب على 27000 ألف ;)
وكمان مدافعينوا 2300 جنيه !!!!!!
مش المفروض ده عيب صناعة ,يعني التوكيل هو اللي يتحملوا
عرفت بقى ليه بقولك عالم تالت

ولو تلاحظ إن الموضوع ده قريب ,لما حاسوا إن سمعتهم بقت في الارض
و مبيعاتهم قلت جدا و برده ابقى اسأل صاحب العربية عملت إيه معاه
مفيش 20000 وهتلاقيه مغير فتيس تاني

بس هو عموما كل التوكيلات في مصر كده

**A.Adel** · 17-09-2012 07:33 PM

شوف حضرتك في الصين مش هقولك امريكا ولا اوروبا
ضمان 10 سنين أو 160 ألف

Car owners revved up over VW gearbox glitch | Top News | chinadaily.com.cn

صدقت بقى إننا عالم تالت !!!!

-

الموضوع: DSG 7 speed تقرير المالكين

LinkBack

أدوات الموضوع

عرض

-

-

-

-

-

المواضيع المتشابهه

الى خبراء النيو أكسنت وليس المالكين

top speed for cbr 250 r 0:180

frv top speed

قرف محل speed

speed limit + speed control

الكلمات الدلالية لهذا الموضوع

المفضلات

المفضلات

ضوابط المشاركة