افيدونى اشترى نيسان صنى 2012 ولا 2013

**د. علاء ابراهيم** · 12-08-2012 06:41 AM

ملحوظة كده على السريع : الشكل القديم امامهم شهور على ما يرجعوا ينتجوه تانى لان المصنع عنده حجوزات على الشكل الجديد لحاد اخر السنة و مش ملاحق ( يعنى لو عايزه الشكل القديم زيرو يبقى بنتكلم فى كمان 6 شهور و الله اعلى و اعلم)

نيجى بقى للنقاط الاساسية
تعالى نفكر بشكل مختلف
الفديمة صاجها امتن شويه ( لكن ماهياش دبابة ماهياش لادا ولا 504 بس هو امتن حبه من الجديدة)

الجديدة فيها عوامل امان اكثر
ده كفايه الفرامل فيها abs (لمنع الانزلاق عشان العربية ما تتزحلقش انا كنت هموت قبل كده فى احد المواقف بسبب ان عربيتى القديمة مافيهاش الحكاية دى) ebd ( لتوزيع قوة الفرامل على الاربع عجلات بانسب قدر حسب الموقف ) ba ( نظام مؤازرة الفرامل لو انت اتفاجئت بشىء امامك دوست الدواسة فجاة بس ما دوستش كويس العربية بتحس انك فى موقف محتاج ان العربية تقف و تقف الان مش تهدى بس انتا اللى ما دوستش كويس فبتستجيب و كانك دوست على الفرامل جامد )

الكلام ده مش موجود فى الشكل القديم ( كان بينزل فيها abs كاوبشن و خلاص مش هاينزل لما ينتجوها تانى )

الشكل القديم صاجه اقوى حبه ولكن
فى وجود نظام فرامل متطور فى الشكل الجديد (لا يتوافر فى الشكل القديم)
و فى وجود نظام توجيه احدث يوفر استجابة ممتازة( نظام التوجيه كهربى فى الجديدة زى بتاع التيدا و فى القديمة هيدروليكى)
وفى وجود عدد 2 اعمدة اتزان واحد امامى و واحد خلفي ( الشكل القديم كان فيه عامود اتزان خلفى فقط فى السوبر صالون اللى توقف انتاجها اما ال اى اكس صالون ما فيهاش )
الجديدة مجهزة لتلافى الحوادث اكثر بكثييييير من القديمة و كله فى النهاية اقدار و بامر الله لكن الواحد يعمل اللى عليه و الباقى على الله

**egyptiandiver** · 12-08-2012 07:24 AM

واضح إن صني 1500 2013 أحدث تكنولوجياً من حيث الامان و المساحة الداخلية و توفير البنزين أيضاً.

**kfarouk** · 12-08-2012 12:13 PM

انا رأيي الصني 2013 انعم و اوسع و بصراحة انا سوقت الشكل القديم و الجديد و الجديدة ما شاء الله ممتازة
خليكي في 2013

**SonaSteel** · 12-08-2012 02:01 PM

طبعا انا مش داخل اهاجم الصني الجديدة ........ بالعكس العربية فيها سعرها اوي
بس كع احترامي لمالكها ونيسان نفسها ........ هم اهتموا بالوسع واستهلاك البنزين وقعدة الكراسي بس ونسيوا كل حاجة في العربية تاني
وعلشان محدش يكره القديمة لله في لله .. علشان هي شبعت اشاعات والله ههههههههههههه
وهارد علي المشاركات ديه باللي انا شايفه لان معايا الموديل السابق وفليت الموديل الحالي

بسم الله

المشاركة الأصلية كتبت بواسطة ultramisho

تعالي نعمل مقارنة بسيطة بينهم الأول وبعدين في ضوء أولوياتك تقدري تختاري
شكل 2012 كلاسيك وشكل 2013 احدث طبع
ا
صحيح بس أذواق

تقفيل 2013 افضل خاصة من ناحية قفل الباب (أسهل) والكراسي أريح

الكراسي اريح صح جدااااااااا ماشاء الله .... بس التقفيل مش افضل ولا حاجة ... بالعكس انت شوفت قايم القديمة والجديدة ؟
القديمة ممكن الباب بتاعه يوزن بابين من الجديدة

صالون 2013 أوسع من ناحية الطول يعني الرجلين للجالسين في الكنبة الي ورا مرتاحين عكس 2012 ضيقة ورا

الكنبة ضيقة لو الكرسي للي قدام رجع علي الاخر ........ وبالنسبة لسيده يبقي العربية هاتبقي ممتازة
لكن لو حد طويل ورجع الكرسي للاخر يبقي صعب القعدة ورا لاحجام كبيرة
الجديدة كنزة غير القديمة عريضة ماشاء الله ........ انا لماسوقت الجديدة كانت نفس قعدتي في عربيتي بس كانت اوتو وانا عربيتي مانيوال فمعرفتش لما اجي اسوقها مانيوال هاتضيقني في القعدة ولا لأ

2013 فيها ايه بي اي وطبعا دي بتفيد اوي في حاجتين الفرملة على الرمل والارض المنزلقة في المطر وامكانية المناورة وتفادي العربية الي قدامك وانتي مفرملة طبعا مافيش ايه بي اس في 2012 حتى لو لقيتي اوتوماتيك خلاص اختفت الي بي ايه بي اس
2013 فيها ايه بي دي ودي بتتوزع الفرامل على العجل حسب الحاجة وبالتالي بتمنع ان ضهر العربية يتوح اثناء الفرامل الجامدة مع الانحناء طبعا مافيش في 2012 الكلام ده
الله كله مزايا لي 2013 !! طبعا لأ

طبعا اه ههههههههههههههههه ........ الصني القديمة والجين تو اول عربية تحت ال100 الف تتباع وفيها
abs , ebd ,pa

2012 قطعها ياباني باستثناء القطع المصري المعروفة من فرش ودفيرة ورادياتير وحاجات بسيطة تانية لكن 2013 صحيح موتورها وفتيسها وتكييفها ياباني على ما اعتقد لكن الباقي بخلاف المصري هندي وببساطة لان العربية دي مابتنتجش في اليابان اصلا لكن في الهند والصين والمكسيك
2012 تابلوها اشيك

ديه ميزة جميلة في القديمة طبعا ........واللي خليني مفكرش في الجديدة
ان القديمة معظمها ياباني ماتور وعفشة وكباس التكييف والصاج ......... مش فاكر ايه تاني
المصري الكراسي والازاز
بالنسبة للتابلوه ... هو القديمة شكله كلاسيك يمكن شكله كمان بتقسيماته واماكن التخزين فيه اشيك كتير من الجديدة
وكخامات القديمة اقرب ما يكون للملمس الجلد ماشاء الله .... جامات متقولش عليها بلاستيك
ده غير فرش الابواب والتقسيمة بتاعته
حتي شكل العدادت القديمة .... تقسيمته ممتازة ومريح للعين ماشاء الله

ده غير اذا دخلنا في مووضع الصاج ماشاء الله ... مشوفتش عربية صاجها محترم زي الصني القديمة ف فئتها
انا شوفت ليها كمية صور حوادث لا قدر الله الكابينة متلمستش
ومن ورا صعب جدا انها تتشيع ماشاء الله

انا لبست في تاكسي من ورا وتقريبا ملحقتش ادوس فرامل ومااشء الله الكبوت اتني والباقي استعدلته علي البارد مفيش ساعة ماشاء الله تبارك الله

2012 موتورها 1600 لكن 2013 موتورها 1500 وطبعا كده سحب 2012 هيبقى افضل خاصة مع الوقت وضعف الموتور مع الاستخدام

صح تماما

2012 موتورها حديد ظهر زي باقي العربيات الي اعرفها لكن 2013 كوتورها الومونيوم ماتستغربيش بجد الومونيوم صحيح ده وزنه اقل ويعتبر تكونولوجيا جديدة بس لسه عيوبها ما اتعرفتش واعتقد ممكن يكون اداءها افضل من الظهر لكن ممكن اوي يكون عمر الالومونيوم اقل علشان كده ماسمعتش انه بيعملوه في المرسيدس والبي ام والله اعلم
ا
اعتقد ان الالمونيوم ميزة لانه اخف ..... وتقريبا التيدا المونيوم برده
انا كنت ر\قريت مقارنة بينهم زمان لو لقيتها اجيبهالك

2012 قطع غيارها متوفرة اكتر لانها الي الآن منتشرة أكتر بس اعتقد بعد وقت قليل هتنتشر 2013 اكتر منها

ديه ميزة الاعتمادية ماشاء الله في نيسان ..... واسعارها في الحونين مش غالية والجديد ةهاتقي كده برده ان شاء الله

2012 اتجربت كويس وماحدش اشتكى منها بخلاف ضيق الكنبة الي ورا زي ماقلت واستهلاك البنزين العلي شوية والدفيرة المصرية والزجاج مصري برضه وضرب مع بعض ملاكها لكن 2013 لسه التجربة محدودة

الضفيرة والكنبة مظبوط .......... والضفيرة غيرتها عندي في الضمان طبعا
الاستهلاك غير صحيح بالمرة ....... واتحدي فعلا اي حد وفه مووضع هنا في المنتدي لاستهلاكات الصني
وممتاز طبعا ماشاء الله

أرجو ان حيرتك ماتكونش زادت كده
يعني اختاري مابين
2012 ياباني اكتر وسحب احسن ومتجربة
ولا 2013 شكل احدث واوسع واستهلاك بنزين اقل وامان اكتر (ايه بي اس) ........ لو المعلومة ديه صحيح يبقي الامان اولي طبعا

أنا لو مكانك هاختار التطور ومش هابص للخلف واجيب عربية خلاص عمرها الافتاراض انتهى
يعني ياهجيب 2013 ياهجيب موديل تاني
ارجو مااكونش اطلت عليكي
تقبلي مروري

اهم حاااااااااااااااااااجة الاستخارة وربنا ييسرلك الخير وتسلمي علي خير ان شاء الله

واخيرا الجديدة انا حسيت انها انعم من القديمة .... و اعتقد انك مش هاتحتاجي الماتور القوي ده كله
وواسعه وهاتبقي عائلية
وباور كهربا خفيف جدا ماشاء الله غير القديمة كان زيت
وانتي لو متعودة علي الاوتو يبقي مش هاتفرق معاك اوي ال1500

لكن انا لما سوقتها كنت حاسس انا اللي بطلع بالكرسي هههههههههههههه

اقعدوا بالعافية :))

**SonaSteel** · 12-08-2012 02:13 PM

انا عارف ان معاك الجديدة ربنا يباركلك فيها يارب بس برده الحق احق ان يبتع :)

المشاركة الأصلية كتبت بواسطة mollaelolla

ملحوظة كده على السريع : الشكل القديم امامهم شهور على ما يرجعوا ينتجوه تانى لان المصنع عنده حجوزات على الشكل الجديد لحاد اخر السنة و مش ملاحق ( يعنى لو عايزه الشكل القديم زيرو يبقى بنتكلم فى كمان 6 شهور و الله اعلى و اعلم)

نيجى بقى للنقاط الاساسية
تعالى نفكر بشكل مختلف
الفديمة صاجها امتن شويه ( لكن ماهياش دبابة ماهياش لادا ولا 504 بس هو امتن حبه من الجديدة)

مش حبة .... كتير هههههههههههههه ماشاء الله

الجديدة فيها عوامل امان اكثر
ده كفايه الفرامل فيها abs (لمنع الانزلاق عشان العربية ما تتزحلقش انا كنت هموت قبل كده فى احد المواقف بسبب ان عربيتى القديمة مافيهاش الحكاية دى) ebd ( لتوزيع قوة الفرامل على الاربع عجلات بانسب قدر حسب الموقف ) ba ( نظام مؤازرة الفرامل لو انت اتفاجئت بشىء امامك دوست الدواسة فجاة بس ما دوستش كويس العربية بتحس انك فى موقف محتاج ان العربية تقف و تقف الان مش تهدى بس انتا اللى ما دوستش كويس فبتستجيب و كانك دوست على الفرامل جامد )

الكلام ده مش موجود فى الشكل القديم ( كان بينزل فيها abs كاوبشن و خلاص مش هاينزل لما ينتجوها تانى )
ههههههههههههههه من بس اللي اوحالكم بالكلام ده ......... امال تنبحة صوتي عن الصني السنتين الي فاته والمواضيع اللي عملناها وفي الاخر اعضاء من نيسان برده توزع اشاعات ههههههههههههههه
برده علي حسب المعلومة لو صحيحة يبقي الامان اولي

الشكل القديم صاجه اقوى حبه ولكن
فى وجود نظام فرامل متطور فى الشكل الجديد (لا يتوافر فى الشكل القديم)
و فى وجود نظام توجيه احدث يوفر استجابة ممتازة( نظام التوجيه كهربى فى الجديدة زى بتاع التيدا و فى القديمة هيدروليكى)
وفى وجود عدد 2 اعمدة اتزان واحد امامى و واحد خلفي ( الشكل القديم كان فيه عامود اتزان خلفى فقط فى السوبر صالون اللى توقف انتاجها اما ال اى اكس صالون ما فيهاش )

فين ده ؟؟؟ ........... مشوفتوش لو عندك ليه صورة وريهولي جزاك الله خيرا

الجديدة مجهزة لتلافى الحوادث اكثر بكثييييير من القديمة

مش الفكرة تلافي حوادث اكتر من القديمة ....... ان الصدمة اي حاجة تاخدها قبل ماتوصل للكابينة حتي لو المتور نفسه
انت لو ركزت في العربية الجديدة
وبالظبط عن الفانوس اليمين او الشمال
وجيت علي زاويا 45 درجة واتخبطت خبطة جامدة
قلي اول حاجة تقدر تاخد صدمة ايه ... ده طبعا بعد ما الفانوس طار بالرفرف بالاكصدام في الحتة ديه
اول حاجة هاتقبلك قعدة الماتور ........
غير القديمة .... ماشاء الله الصدر فوق من الفانوس للفانوس غير البار الحديد الكمرة اللي تحتيه من الفانوس للفانوس برده

و كله فى النهاية اقدار و بامر الله لكن الواحد يعمل اللى عليه و الباقى على الله

ربنا يكفيكم شر طريقكم يارب و يباركلكم في سيارتكم ويرزقككم خيرها ويكفيكم شرها يارب

**Youssef.Awad** · 12-08-2012 02:53 PM

الظاهر انك يا متر حسين رجعت لمرافعاتك بتاعت زمان ..
بصراحة انا باعشق الصنى القديمة والجديدة مش متكيف منها مهما عملوا وصلحوا من عيوب .. يعنى احساسى كده
وكان نفسى فى السوبر صالون .. لكن الحمد لله على ما رزقنا به ..
ولو انا هاشترى دلوقت .. والقديمة مش موجودة غير ex بدون abs وكمان بعد 6 شهور والجديدة الناس كلها واقفة عليها طوابير (نيو بيرسول ههههههههه)
هافكر فى الاختيار الثالث .. اشوف حاجة كسر زيرو استعمال سنة ولا اتنين بالكتير اوى سوبر صالون ومش هاتزيد عن 95000ج والتوكيل موجود يفصصهالى قبل ما ادفع ثمنها .. (ده تفكيرى الشخصى)
واخيرا .. باقترح فعلا ان موضوع بيع المستعمل عن طريق الوكيل يتفعل فى مصر زى ما بدأته bmw منذ سنوات .. عالاقل تبقى العربيات مضمونة ومتصانة وكمان سعر اعادة البيع للنيسان فى مصر هايرتفع وكله بتمنه ..

**khodiry** · 14-08-2012 06:39 PM

برافو ياباشمهندس حسين قولت كل اللى كنت عاوز اقوله اول ماشوفت الموضوع بتاع الاخت الفاضله ..... بس فيه ملحوظة ليا باستغرب منها .... ليه كل واحد بينحاز للى معاه؟؟؟؟؟؟؟ يعنى معظم المشاركات عن المقارنه بين الجديدة والقديمة بتصب 90% منها لصالح القديمة ( على فكرة انا 2011 اوتو ) لكن تلاقى اللى معاه الجديدة بيحاول يفطس القديمة مع العلم زى ماقلت معظم المشاركات بتبين ان دى ليها مميزات وعيوب والتانيه برضه وبالنسبالى انا ركبت الجديدة ووالله بامانه كل اللى قلته عن انها كنزة وحاسسها صغيرة كدة اما موضوع الامان فالجديدة تكسب بس مش كل الناس بتمشى على 120 زيكم ياصقور ولا ايه وعموما زى مانت فلت المهم الاستخارة ولامؤاخذة ..... اقعد انت بالعافيه

-

الموضوع: افيدونى اشترى نيسان صنى 2012 ولا 2013

LinkBack

أدوات الموضوع

عرض

-

-

-

-

-

المواضيع المتشابهه

بيجو 408 2012 أو رينو فلوانس 2013 أو اوبل استرا سيدان 2013

نيسان بلوبيرد (جميع الكماليات) 2013 ولا استرا سيدان كوزمو 2013

نيسان بلوبيرد (جميع الكماليات) 2013 ولا استرا سيدان كوزمو 2013

نيسان بلوبيرد (جميع الكماليات) 2013 ولا استرا سيدان كوزمو 2013

اشترى كيا ريو 2013 هاى لاين خليجى ولا 2012 سيراتو وكيل ؟

الكلمات الدلالية لهذا الموضوع

المفضلات

المفضلات

ضوابط المشاركة