الموضوع: افيدونى اشترى نيسان صنى 2012 ولا 2013

المشاركة الأصلية كتبت بواسطة mollaELolla

يا عم سونا براحه علينا شويه... يا عم ما انا كماااااان باحب القديمة و كنت ناوى اجيب سوبر صالون
بس ربك اراد يتوقف انتاجها و اجيب الجديدة

بص يا عم سونا انا اقرييييت ان القديمة صاجها انشف بس بردك ماهياش لادا مش دبابة يعنى
و مع ذلك انشف يا عم حبتين مش حبه من الجديدة... استبينا؟
:
( لا صحيح هى فعلا انشف ما انكرتش)
لما قلت بقى ان السيارة مجهزة لتلافى الحوادث اكثر من القديمة كنت باتكلم على الفارق فى الفرامل
بعنى بالجديدة ممكن " لو اراد ربك" فرصة انك تلحق تفرمل و تلم العربية افضل من القديمة ( طب مش النقطة دى تبقى افضل من ان الصاج فى الشكل القديم انشف بس فرصة انك ماتلحقش تلم العربية و تخبط بالفعل اعلى و احب ااكن ان الكلام ده على الشكل القديم بعد ان يعاد انتاجه فى المستقبل و الله اعلم) هو ده اللى قصدته بالفعل يا عمونا و بردك زى ما قلت دى اقدار بس الواحد بيعمل اللى عليه و ربك هوا اللى بيستر

و لمن لا يعلم الموديل القديم عندما يعاد انتاجه فى المستقبل هينزل بفرامل عادية جدا و الله اعلم و العهدة على الراوى و هم كثيرون
واضح ان فى خلاف فى كام نقطة فانا عايز اوضح حاجة بسطة
القديمة : نظام توجيه هيدروليكى الجديدة: نظام توجيه كهربى
القديمة: abs (كانت اختيارى) بس خلاص مش هاينزل فيها لما يعاد انتاجها و الله اعلم الجديدة : abs (قياسى)
القديمة: ebd ( كنت فاكر انه لا يوجد لكن بعد كلام الاخ سونا قرات الكتالوج تانى و اتضح لى انه اختيارى ازاى ما اخدتش بالى ) بس خلاص مش هاينزل فيها لما يعاد انتاجها و الله اعلم الجديدة: ebd (قياسى)
القديمة: ba (كنت فاكر انه لا يوجد لكن بعد كلام الاخ سونا قرات الكتالوج تانى و اتضح لى انه اختيارى ازاى ما اخدتش بالى ) بس خلاص مش هاينزل فيها لما يعاد انتاجها و الله اعلم الجديدة: ba (قياسى)
يا جماعة سونا ستيل ليه عندى حق عرب عشان فى جزئية فى فرامل الموديل القديم كانت خافية عنى

اما بالنسبة لموضوع عااااموووودييين الاتزان فى الجديدة
اعتقد ان انا اللى ليا عندك حق عرب
بص كده يا سونا فى الصورة اللى متاخده من الكتالوج دى



Uploaded with ImageShack.us

و اقعد بالعافية

مبدئيا كده مفيش فرق في الفرامل بين الاتنين ..... نفس قوة الفرامل زي ما نيسان معاودانا الحمد لله
انا معايا القديمة والجديدة طلعت بيها علي الNA ... كنت ماشي 160 -170 وكبست فرامل مرة واحده بس علي اسفلت مش رملة
طبعا الABS مشتغلش بس العربية وقفت في مسافة حلوة زيها زي القديمة
لو فيه فرق اكيد هاقولك وهايبان
بس لما تقارن يبقي عربية مثلا شكل قديم لسه مغيرة تيل ... بعربية صني جديدة

وانا في اخر المشاركة قايل ان الجديدة الباور كهربا وناعم لسيدة وهايفيدها مأنكرتش
وطبعا البارو الكهربا اظرف كتيييييير جوه البلد وديه حاجة تحسب لها

بالنسبة لامكانيات الفرامل ..... انا قلت بخط كبييير
لو القديمة المعلومة بتاعتك صحيحة انها هاتنزل من غير ABS والكلام ده ........ يبقي الامان اولي
ومعناه تجيب الجديدة

واخيرا انا سألت هي فيها استابلايزر ولا لأ ........ وكنت مستني منكم الرد
وديه حاجة كويسة جدا لان اللعربية كنزة ومحتاجة دعامات علشان تثبتها شوية في الملفات

وربنا يبارك لملاكها فيها يارب :))

المشاركة الأصلية كتبت بواسطة mollaELolla

يا عم انتا كده طلعت الجديدة شرك خالص... لا حول ولا قوة الا بالله
طيب مد يدك كده ورا الاكصدام الامامى فى اى صنى جديدة حتلاقى الكمرة اللى بتتكلم عليها ورا الاكصدام و بعدها مساحه فاضية و بعدين تيجى سربنتينة التكييف و الرادياتير

يبقي انت مخدتش بالك انا قصدي ايه ؟

انت دلوقتي واقف في وش العربية

قدامك حاجتين فوق بعض
الصدر
البار الصلب اللي ورا الاكصدام

الفرق:

القديمة : الصدر واصل من الرفرف للرفرف و الفانوس متشال عليه وعلي الرفرفر
البار الحديد نفس الطول في الجديدة

الجديدة : الصدر نفس طول البار اللي تحت
وبكده يبقي فيعندك حوالي 40 سم يمين وشمال لاقدر الله لو فيها خبطة مفيش حاجة هاتحوشها
وان شاء الله في اقرب مقابلة اوريهالك

انا كمان كنت كلمت م. راجي في النقطة ديه .. وقالي فعلا كلامي مظبوط وعقب علي كلامي ان العربية معمولة سيتي كار من الدرجة الاولي .


اتمني اكون وضحت كلامي ........ وانا مطلعتش القديمة شرك ولا حاجة
انا قلت اللي ليها واللي عليها ...... وحسيت ان القديمة كان اسوأ موديل نزل في الصني
بالرغم انه من رأي افضل موديل للصني كماتور وعفشة و اداء ماشاء الله .... :))
ولو شوفت التعديلات للصني القديمة مش كشكل لا كمواتير هاتعرف انها خدت حقها في التعديلات تلات ومتلت
وده يرجع لماتورها القوي اصلا واللي بيطلع عزم عالبي جدا ماشاء الله ..... وقوة المتور اللي مختفية ورا شكلها الكلاسيك .

واقعد بألف عافية

المشاركة الأصلية كتبت بواسطة sonasteel

انا كمان كنت كلمت م. راجي في النقطة ديه .. وقالي فعلا كلامي مظبوط وعقب علي كلامي ان العربية معمولة سيتي كار من الدرجة الاولي .

كلام مظبوط 100% .. عكس القديمة اللى متعة سواقتها الحقيقية على الطرق السريعة والمسافات الطويلة مش جوة البلد.