الف مبروك علي العربية والصيانة والسينسور
رقم العضوية : 17833
تاريخ التسجيل : 03Sep2008
المشاركات : 141
النوع : ذكر
الاقامة : Maadi
السيارة: هوندا سيتي 2013
السيارة[2]: تويوتا كورولا
دراجة بخارية: لأا
الحالة :
السلام عليكم يا صقور النيسان
اولا انا حابب اشكركم جميعا و اشكر المنتدى انه ساعدني كتير في اختيار العربية دي
وانا الحمد لله استلمت اخر الشهر الي فات و كنت حابب اعملكم تقريير بس قلت استنى صيانة الاف بالمرة
اولا الحمد لله العربية جميلة جدا و انا حاسس ان سعرها جميل جدا بالنسبة لامكانيتها
نبتدي بالمزايا الي انا شفتها في العربية مع العلم ان انا كان معايا قبل كدا لانسر بومة هاف سبورت وده يا جماعة رأيي المتواضع و يا رب يكون مفيد ليكم
- العفشة ناعمة جدا
- التسارع و السحب يعتبر متناسب مع الموتور 1500
- الصالون واسع جدا سواء من الامام او الخلف
-مساحة الرؤية و الابعاد كويسة و متتخضش من العربية
-تبريد التكييف حلو جدا
العيوب
-صوت تشغيل التكييف عالي قوي يعني انا بتخض اول ما اشغل التكييف
-حاسس ان ادراج الصالون ضيقة ودرج التابوه بعيد عن السواق و مساحات التخزين قليلة
- الكاوتش الصيني كان بيدب في المطبات بس ظبط شوية بعد النيتروجين
- المرأ بتاعة الصالون مش جايبة رؤية واضحه للمساحة الخلفيه
-صوت صفارة حزام الامان مزعج جدا
-مافيش صفارة لما بتعدي 120
انا كمان عندي شوية استفسارات
- هو جهاز الانذار الي فيها بيشتغل ازاي و هل محتاج برمجة ولا لأ
-في فلتر تكييف في العربية دي و لو مافيش ليه او ايه الحكاية
-في تحت كرسي السواق بلستكتين قريبين من ذراع ترجيع الكرسي دول بتوع ايه
-كمان المكان الي بنريح فيه رجلينا لان العربية اتوماتيك المفروض في عربيات تانية بيبقى عليه معدن علشان ما يوسخش فرش الارضية فممكن يركبله حاجه معدن لاني بخاف اجيب رجلي عليه و بفضل حاططها على الدواسة الجلد بتاعة طقم الدواسات
-كمان عايز طريقة اشيل بيها استكيرات المعرض الي اشتريت منه العربية لاني ما بحبش الاعلانات على عربيتي من غير ما اجرح العربية او ابوظ الدوكو
نيجي بقى لتقرير صيانة الاف كيلو
انا كنت عايز اركب سنسور بارك (حساسات ركن) مع صيانة الاف و ابتديت اكلم السبع و مودرن موتورز قلت الي حلاقي عنده السنسور حعمل الصيانة عنده
و فعلا لاقيته عند مودرن موتورز فرع الدراسة و اخدت معاد تركيب بعد الفطار الساعة 9 بليل
المهم رحت قالولي فنيين الكهرباء مش موجودين بعد الفطار و كمان كنت نسيت كتيب الضمان في البيت فقالولي لازم تجيبه يا اما حتدفع تمن الصيانة الي هي مفروض هدية اول مرة
المهم بعد ما المهندس راجع العربية و قفت امر الشغل و اتفقت معاه اني حاجي تاني يوم الصبح
رحت و سلمتهم العربية و رجعت استلمها الساعة 3 لاقيتها خلصت و الصيانة و السينسور كله اتكلف 740 جنيه و انا حطيت موبيل وان بالمرة علشان اعمل صيانة كل 10 الاف
السينسور لوحده و تركيبة حوالي 470 جنيه و هو اكيد برة ارخص بس انا قلت اعملة في التوكيل علشان ضمان الكهرباء
معلش انا مش عارف ارفع الصورة بس يا ريت تقوليلي ارفعها ازاي و انا ححطها علطول
المهم الحمد لله السينسور شغال كويس بس حصلت حاجة غريبة و انا بستلم العربية لاقيت فيه خربشة في الباب الي ورا السواق و رحت اشوف المهندس الي استلم مني العربية لاقيته روح فشفت مهندس تاني و وريتله الخربشة و جابولي مدير الورشة تقريبا قالي احنا معندناش حاجة تعمل كدا دي اتعملت برة قلتله انت مستلمينها سليمة
فراحوا جابو ورقة الاستلام وفعلا ماكنش فيها اي علامة ان في تجريح فقالولي استنى شوية و دخلوني في غرفة استناهم و بعد ربع ساعة قالولي تعالى استلم العربية و كانوا عالجوا الخربوش ازاي ما اعرفش
بس راجعتها كويس و استلمتها الحمد لله و لاحظت ان التكييف بأى احسن من ما سلمتها بس مش عارف ليه.
و الحمد لله على كدا و حبيت اني انقلكم تجربتي و يا رب تكون فاديتكم.
رقم العضوية : 82470
تاريخ التسجيل : 01Dec2010
المشاركات : 2,895
النوع : ذكر
الاقامة : el mehalla elkobra
السيارة: cerato 10
السيارة[2]: corolla 15
دراجة بخارية: :(
الحالة :
الف مبروك علي العربية والصيانة والسينسور
رقم العضوية : 21551
تاريخ التسجيل : 08Oct2008
المشاركات : 2,587
النوع : ذكر
الاقامة : suez
السيارة: الحمد لله كده زى الفل
السيارة[2]: Nissan Tiida H/B
دراجة بخارية: no
الحالة :
الف مبروك يا باشا و ربنا يحفظهالك
م / محمد سعد
[img2]http://img846.imageshack.us/img846/197/63588414414249233311774.jpg[/img2]
رقم العضوية : 42730
تاريخ التسجيل : 19Jun2009
المشاركات : 6,353
النوع : ذكر
الاقامة : Riyadh - KSA // Banha - Egypt
السيارة: NISSAN ALTIMA 2.5 SL '13
السيارة[2]: FSO Polonez '88 - NISSAN SUNNY EX Saloon '10
دراجة بخارية: 000
الحالة :
فعلا موضوع الصور ده مهم جدااااا فى صقل التقارير والمواضيع ودعمها .. ولو كنت تعتب شوية وقلبت فى الفهرس كنت لقيت كذا موضوع لكيفية رفع الصور
ومع ذلك .. خد الموضوع ده منى هدية العربية الجديدة
http://www.nilemotors.net/Nile/264509-a.html
وعليكم السلام ورحمة الله ..
لا شكر على واجب و1000000000000000 مبرووووووووك على استلامك وعملك الصيانة على خير وربنا يباركلك فيها
فعلا معك حق رغم ان التعليق فى اللانسر والصنى الجديدة مستقل للعجلات الاربعة
الا انك ملاحظ نعومة العفشة اكتر فى الصنى لأن شوط المساعد زاد عكس اللانسر عفشتها قاسية ورياضية
تقصد حضرتك صوت الكومبريسور ولا مروحة التكييف الموجودة بالتابلوه الامامى ؟
فعلا النيتروجين بيكتم صوت الكاوتش شوية عن الهواء العادى
صفارة حزام الامان بقى كده فى كل العربيات الجديدة وده فى النيسان من اول شكل الرينو اسكالا واكيد ارحم من الكورولا والفلوانس !!!!!!!!!!
خلى بالك بقى من السرعة عشان ما تسرحش فوق ال120
1. انذار النيسان بيختلف عن غيره بأنه مالوش صوت وانت بتفعله وبتلغيه غير اشارات الالتفاف بس بتنور .. بيحتاج برمجة لو فيه عطل لا قدر الله
2. فلتر المكيف فى الصنى القديمة على مستوى العالم ما كانش بينزل فى العربية انما الجديدة فيه ناس اكدت وناس نفت .. لكن الخميس الماضى وانا باعمل صيانة فى اتوايجيبت وقابلت صاحبى مستلم صنى جديدة اتوماتيك بيعمل صيانة الالف قالى مفيهاش ومش موجود فى التوكيل لسه !!!
3. البلاستيكات اللى تحت الكرسى دى غالبا ما بتكون لتثبيت الدواسات الاصلية للعربية عشان ما تتحركش جراء حركة رجل السائق وتضايق حركة الدواسات
4. دواسة القدم على الشمال مش شرط تكون معدن او كاوتش لكن بتكون بارزة عن الارض وخلاص وممكن تتظبط عن سروجى محترم
5. نصيحة بلاش تشيل الاستيكر ده لأنه مهما شيلته ومهما عملت اول ما تروح اى صيانة فى اى مركز هتلاقيه اتلزق تانى .. انا زيك بالظبط وباتخنق منه لكن كل مرة اشيله ويحطهولى تانى لدرجة انى كنت باغير حاجة فى الضمان فى مركز ما مش صيانة ولقيتها خارجة بيه !!! طلع فيه واحد مسؤوليته عن لزق الاستيكر على اى عربية مش عليها .. ومرة تانية كنت غيرت مركز الخدمة وعليه لزقة القديم لقيت الجديد لزق استيكره الناحية التانية من الشنطة !!!!!!!!!!!!
ومهما اتكلمت وطلبت من مهندس الاستقبال .. مش بيحصل لان العامل فى احد المراكز بيلزق الاستيكر قبل ما تنزل من العربية اساسا ويكيسها ومؤخرا الاستيكرات اتغيرت وبقت خاصة بنوعية الزيوت اللى بيحطها المركز
فاخيرا كبرت دماغى وسبتها ..
بص لو على الزجاج الخلفى بتتشال بكتر بسهولة بدون تجريح او بالاظافر لو عندك صبر
انما لو على صاج الشنطة بلاش عشان ما تجرحش البوية الا لو اتعملت بحرض شديد بسكينة او كاشطة بلاستيك بزاوية ميل معينة
حضرتك تقصد مركز يونايتد جروب الدراسة وليس مودرن موتورز .. مش كده؟
وطبيعى تكون العربية اتخربشت لانها بعد ما بتخلص بتتساب فى الشارع طالما خربوش مش خبطة لاقدر الله ..
Y2Y1500 سابقا
رقم العضوية : 71514
تاريخ التسجيل : 25May2010
المشاركات : 26,773
النوع : ذكر
الاقامة : EgYpT-ⵍⵎⵖⵔⵉⴱ-
السيارة: -- -- all FiaT ---
السيارة[2]: ToYoTa CorOllA ---
دراجة بخارية: - - - - - - -
الحالة :
الف مبروك يا باشا ..
رقم العضوية : 18439
تاريخ التسجيل : 09Sep2008
المشاركات : 8,548
النوع : ذكر
الاقامة : حدائق الاهرام
السيارة: بولو 99
السيارة[2]: تيدا 2009
دراجة بخارية: honda
الحالة :
بحييك على تقريرك وسردك للاحداث باستفاضة .. وكثرة التقارير .. بتفيد .. لاننا بنسمع كذا راى عن العربية
المركز اللى حضرتك اتعاملت معاه فى الدراسة .. مبدئيا مفيش غير مركز واحد فى الدراسة .. وهو مركز يونايتد
وده مركز معتمد لنيسان .. فهو اسمه يونايتد مش مودرن ..
ويونايتد من المراكز القديمة والمعتمدة زى ما قولت لحضرتك .. وكويس انهم عالجوا موضوع الخروبش ده .. وطلع بسيط
موضوع التكييف اصبح افضل .. طبيعى بعد صيانة الالف .. لانهم بيشكيوا على حاجات كتير فى الصيانة .. وبيجربوا حاجات كتير .. سواء حضرتك بتشتكى منها او مش بتشتكى .. واعتقد فى حاجة من الاتنين حصلت
يا اما هما بيشغلوا التكييف وبيجربوه .. فحسوا ان التكييف ادائه ضعيف .. وكان محتاج الى فريون .. او كان فى حاجة وهما ظبطوها .. او كان فى فلتر تكييف .. وهما فكوه ونظفوه .. وياريت حضرتك تتصل بيهم وتتاكد من حكاية الفلتر التكييف ده .. واحنا بدورنا حنتاكد بردوا
الانذار اللى فى العربية .. زى اللى عربيتى التيدا .. ايموبليزر .. ضدد السرقة .. لو العربية الزجاج اتكسر او اتفتح الباب بطريقة غير شرعية او حد حاول يدور العربية بمفتاح مش مفتحها .. العربية حتفصل ومش حتدور
وموضوع الصفارة اللى مش موجودة بعد 120 عادى مش موجودة فى عربيات كتيرة .. حتى الدواسة اللى فى الارض .. وعلاج موضوع الدواسة اللى فى الارض .. انك تركب فرش جلد .. يخلى الارضية عندك ملبن وحرير وسهلة فى النظافة جدا .. زى اللى مركبها فى عربيتى
وسعر سنسور الركن غالى .. فى مودرن بيركب فى حدود 350 بالتركيب .. ومودرن توكيل معتمد بردوا !
نصيحة اخيرة .. الزيت اللى حطيته فى العربية تنزله قبل ال10 الاف يعنى على 8 الاف واخلعه من العربية .. وحط مكانه شل او ليكوى مولى او كاسترول او فالفولين
الف مليون مبروك .. وجزاك الله خيرا على تقريرك المفيد
وبارك الله فيك
تحياتى
محرر فى دعم اتخاذ القرار بوزارة الاعلامقليل المشاركة فى الموضوعات والرسائل الخاصة لانشغالى بالعملبرجاء الاتصال بى : 01288814049
رقم العضوية : 78395
تاريخ التسجيل : 23Aug2010
المشاركات : 1,024
النوع : ذكر
الاقامة : Cairo
السيارة: مش لما تيجى الاولى
السيارة[2]: ربنا يبعت
دراجة بخارية: No
الحالة :
طريقة ممكن تجربها الاول على اى صاجة فى البيت الاول
عامة اللزق بتاع اى استيكر بيطرى بالتسخين يعنى لما يسخن بتلاقية ساب من بعضة وسهل تشيلة
فممكن تدفيها عن طريق انك تحط عليها مية دافية وتحاول تشيلها بضافرك فقط حفاظا على الصاج
طريقة عشان لو لزقها بعد كدة حد تشيلها بسهولة
-- لما تدخل مركز صيانة او كدة ادهن الحتة اللى فى باب الشنطة دية باى زيت او مادة دهنية حتى لو كان زيت اكل وامسحة خفيف فمش هيلزق كويس وتعرف تخلعة
لا اله الا الله محمد رسول الله - اللهم صلى وسلم وبارك على سيدنا محمد
استغفر الله العظيم - سبحان الله العظيم سبحان الله وبحمده
رقم العضوية : 8312
تاريخ التسجيل : 02Apr2008
المشاركات : 141
النوع : ذكر
الاقامة : القاهرة
السيارة: صنى
السيارة[2]: 128
دراجة بخارية: لا
الحالة :
الف مبروك وعقبال صيانة 500000 وعقبال مانستلم ان شاء الله
رقم العضوية : 102079
تاريخ التسجيل : 04Jun2011
المشاركات : 1,222
النوع : ذكر
الاقامة : cairo
السيارة: NEW SUNNY2013
السيارة[2]: REGATA
دراجة بخارية: no
الحالة :
مبروك الصيانة وربنا يباركلك فى العربية
رقم العضوية : 29567
تاريخ التسجيل : 08Jan2009
المشاركات : 150
النوع : ذكر
الاقامة : cairo
السيارة: nissan sunny 2013
السيارة[2]: fiat 131
دراجة بخارية: no
الحالة :
الف مبروك
المفضلات