دي صوره فيها اماكن كل حساسات الصني
http://img259.imageshack.us/img259/3655/ecm0.jpg
تم تعديل عنوان الموضوع بناء على طلب صاحبه
م ع 3
دي صوره فيها اماكن كل حساسات الصني
http://img259.imageshack.us/img259/3655/ecm0.jpg
تم تعديل عنوان الموضوع بناء على طلب صاحبه
م ع 3
عند قراءة هذه المشاركة فى موضوع قديم .. ارسلت للادارة لنسخها فى موضوع منفصل .. لانها صورة مهمة جدا
تسلم ايدك يا بوحميد .. ونتمنى لو اثقلت الموضوع بمعلومات عن بعض الحساسات للاعضاء لو تقدر
وجزاك الله خيرا على مجهودك ومساعداتك للاعضاء
كل ده
اومال يقولو الميجان مردومه حساسات ليه......... الظاهر كله زى بعضه بس الفرق الاعتماديه
الله ينور يا ابو حميد ع الموضوع الجامد ..
طول عمرى احب انا الملخصات ..
ومحتاجين فعلا شوية معلومات عن كل حساس (فائدته - اعطاله - اعادة ضبطه)
على فكرة النيسان صنى دى كتير ما يعرفوش اصلا انها فيها تكنولوجيا ومتطورة وفعلا موضوع الحساسات دى فارق جامد عن عربيات منافسة ..
الجدير بالذكر اليوم باتكلم مع زميلى معاه اخت عربيتى وبيشتكيلى منها ان التكييف دايما يفصل فى الزحمة والاشارات خاصة اليومين دول .. ولما شرحتله انه فيه صمام امان لحماية الكومبريسور من ضغط الفريون العالى وانه لو مشى ع الاول كتير او فى الحر الشديد هايفصل منه لحماية الكومبريسور من التلف واهو يستحمل الحر بدل ما يدفع ثمن واحد جديد .. طبعا كان متضايق بس اقتنع بالفكرة اوى لأنه اول ما يتحرك بالعربية فى طريق ماشى عادى يرجع يشتغل تانى ..
مفيش شرح، طب حتى ترجمة !
فى الجون يا ابو حميد بس الحلو يكمل لو شرحت بشكل مختصر كل حساس
تسلم يا غالى
كل ديه حساسات
انا كل يوم هشرح حساس عشان دول شرحهم يطووووول
و عشان يمكن فهم المواضيع الفنيه للناس عامل كده
:ma(30): :ma(30): :ma(30):
نبدا بحساس ال MAF او Mass Air Flow Sensor و ده مسئول عن قياس كمية الهواء
و ده بيبقى موجود في الخرطوم الي بعد فلتر الهواء
http://img855.imageshack.us/img855/2981/61014026.jpg
و ده بيشتغل على تحديد كمية الهواء الداخل الي الموتور من بعد الفلتر الى المانفولد و بيبعت الكميه دي لكومبيوتر السياره ECM الي على اساسه كومبيوتر السياره بيحدد كمية البنزين و نسبه خليط الهواء الى الوقود التي تنتج الاحتراق الامثل داخل غرفة الاحترق
و يحتوي الحساس على سلك حراري يسخن لدرجة حراره معينه كومبيوتر السياره يحددها و كل اما تزيد كمية الهواء الداخل بعد الفلتر تقل حرارة السلك فيدرك كومبيوتر السياره الفرق في الحراره عن طريق فرق الجهد الكهربي في سلك الحساس فيقو بتحديد كمية الوقود المناسبه و توقيت اشعاله طبقا لكمية الهوا الداخل الي الماكينه من خلال هذا الحساس
عشان كده يقولك كل اما الهوا يبرد الاستهلاك يقل و كمان كل اما فلتر الهوا يكون كويس كل اما الاداء يتحسن و الاستهلاك يقل عشان الحساس ده احد العوامل الي بتتاثر بكمية و درجة حرارة الهوا الي معدي عليه و بالتالي كومبيوتر العربيه بيبني حسابات الاحتراق على قراءته
اعراض تعطل حساس MAF و تلفه الظاهره
سرعة المحرك لن تزيد عن 2400 rpm
في طرق تانيه للكشف عن الحساس اذا ما كان سليم و لا لأ و طرق التاكد من سبب العطل
و هي جهاز كونسلت ليه قرايات معينه بقيمة الجهد الكهرباء في حالات معينه للسياره مثل idle و على 2500 rpm يجب ان تطابق القرائات الجدول التالي
http://img856.imageshack.us/img856/1238/53012991.jpg
و في حالة اختلاف تلك القرائات عن الجدول يوجد خطوات لحل المشكلة قبل تغيير الحساس و هي
1- نضف فلتر الهوا و الخرطوم بتاع الهوا الي راكب فيه الحساس بالهوا البارد و مش باسبراي عشان الحساس ده بيبقى الجزء الي بيسخن فيه عباره عن فيلم حراري و ممكن يتاثر بالسبراي
2- فك مسمارين الارضي الي اودام بوجيه 2 و اربطهم جامد تاني
3- فك فيشة الحساس و ركبه تاني
4-لو فضل القرايات غلط غير الحساس
و ادي الخطوات من Service Manual
http://img341.imageshack.us/img341/2199/66399567.jpg
http://img705.imageshack.us/img705/5679/39737789.jpg
http://img542.imageshack.us/img542/9226/58537436.jpg
http://img840.imageshack.us/img840/8471/22268101.jpg
و اللقاء القادم ان شاء الله نكمل شرح حساس جديد من حساسات الصني
تحياتي
الله ينور يا احمد موضوع في الجوووووووووووووووووووووو وووووووول
منتظر تكملة الموضوع
موضوع جميل جدا وشكرا لك
متابع
متااااااااااايع
سوف يتم التعاون مع الادارة لدمج واضافة جميع ردود وشرح الحساسات من احمد فى بداية الموضوع بعد انتهاء شرحها فى نهاية الموضوع .. عشان متهوش وسط المشاركات .. ويعم الفائدة من الموضوع
وبحى احمد وبشكره على جهده وعلى المعلومات القيمة اللى بيمدنا بيها
ووقت ما تكون جيالك الجلالة يا بوحميد .. ضيف لنا وظيفة من وظائف الحساسات .. كل فترة
وجزاك الله خيرا على المجهود والمعلومات الرائعة
تحياتى ليك
ممكن اعرف السيت اللت حضرتك جايب منه المعلومات دى؟
سلام عليكم يا دكتور
كنا إتكلمنا فى موضوع التكييف ده فعلا يوم إفطار المنتدى بس موضوع الفصل دة بيجنن خاصة فى الحر مع الصيام انا روحت زى ما قولتلك اوتواجيبت و لقو الفريون ناقص شوية و قالو لى ده طبيعى بعد إستخدام سناتين بس السبب الحقيقى فى نقصة و تكملتا لموضوع الحساسات إن من الحر الشديد ضغط الفريون بيزيد فافى حساس مرتبط بصمام على الكومبريسور بيفتح ويطلع فريون و زى ما حضرتك قولت دة بيكون حماية للكومبريسور بدل ما يفضل شغال كتير و يتحرق.
وشكرا
ايه المعلومات الجامدة دى يا شباب
يوسف بيك .. اى معلومة موكدة فى موضوع التكييف ده .. ياريت نضيفها فى السجل .. ونحط سبب فصل التكييف فى الحر
الموضوع دة كنت نزلته من فترة و فيه لينك للمانيوال (السينترا هي الصني)
http://www.nilemotors.net/Nile/28280...ir-manual.html
الله ينور ياباشا تسلم اديك بجد تقرير مميز و معلومات جميله جدا
التقرير القادم سيكون عن جميع حساسات التكيف نظرا لكثره السؤال عنه
انهارده هتكلم في موضوع كتير اوي بيسألوا فيه و هو تكييف العربيه الصني لان فيه ناس كتير اوي كانت بتسال على حاجات تفصيليه فيه و هحاول اشرح ببساطه عشان انا عارف برضه ان المواضيع دي بتخلي بعض الناس لما تروح التوكيل او عند حد بتاع تكييف تعمل كده
:L_bhuhhh[1]: :L_bhuhhh[1]: :L_bhuhhh[1]:
زي ما أحنا عارفين تكييف الصني بيشتغل بالفريون زي كل المكيفات و لكن الفريون انواع و كل نوع بيبقى ليه رقم و المصنع هو الي بيحدد افضل نوع ملائم لمكونات التكييف
http://img249.imageshack.us/img249/3128/58550038.jpg
وكما نرى انها تعمل بفريون R-134a و كميته بداخل الدائرة تبدأ من 450-550 جرام و يقوم فني التكيف بتحديد الكميه من خلال جهاز الشحن و لكن اهم شيئ نوع الفريون يكون مطابق للكود المحدد من المصنع و كميته في الحدود المسموح بيها مع مراعاة ان لا يكون الفريون مغشوش لانه للاسف ظهر في الاسواق فريون صيني و يتلف مكونات دائرة التبريد بشده و يباع على انه ياباني او انجليزي
و دلوئتي نبدأ نشرح دورة التبريد
مكونات دورة التبريد الاساسيه
1- الضاغط (Compressor)
2- المكثف (Condenser)
3- تانك تخزين الفريون السائل (Refrigerant Liquid Tank)
4- صمام فك الضغط للغاز (Expansion Valve)
5- المبخر (Evaporator)
6- المروحه الداخليه في التابلوه (Blower)
7- حساس حرارة المبخر الداخلي و حماية التجمد (Thermo Control Amp)
8- حساس ضغط الغاز بداخل تانك التخزين (Refrigerant Pressure Sensor)
9- صمام خروج الضغط الزائد (Pressure Relief Valve)
http://img845.imageshack.us/img845/5589/98950820.jpg
يتحرك الفريون في دائرة التبريد بداية من الضاغط (compressor) ثم للمكثف - سربنتينه التكيف الموجوده في مقدمة السيارة امام الردياتير (Condenser) و تحدث عملية التبادل الحراري هناك بين الهواء الجوي المقابل للسياره و حرارة الغاز في سربنتنة التكييف ثم يتوجه لتانك تخزين الفريون بعد تكثيفه و تبريده تحوله من غاز لسائل (Refrigerant Liquid Tank) و يخرج منه بعد ذلك سائل لبلف فك ضغط الفريون (Expansion Valve) و هذا الصمام يحول السائل لغاز و هذا بيعمل بنفس فكرة رش اسبراي عندما تجد الغاز الخارج بارد و مقدمة البخاخ بارده جدا نفس الفكرة ثم بعد ذلك يذهب الغاز البارد الى التلاجه الداخليه بداخل تابلوه السياره امام مروحة التبريد الموجودة بداخل التابلوه و تسمى المبخر (Evaporator) و تقوم بتبريد الهواء الخارج من المروحه ليبرد و يخرح بارد من فتحات التكييف الموجوده بالطابلوه ويعود الغاز مرة اخرى للكومبريسور لكي يضغط و ياخذ نفس الدورة مره اخرى
يتميز تكييف العربيه الصني بالعديد من وسائل الحمايه الي بتساعد في حماية دورة التبريد من التلف و تحسن من كفائته كالتالي
http://img819.imageshack.us/img819/290/22688657.jpg
اولا حماية ضد التجمد
يوجد بداخل التابلوه بجوار المبخر التلاجه الداخليه (Evaporator) حساس بحرارة المبخر عندما تقرب من 2 مئويه ترسل امر لفصل الكومبريسور و عندما تزبد عن 10 مئويه ترسل امر بتشغيل الكومبريسور مره اخرى لانه لو درجه الحراره هبطت لصفر ممكن ان يحدث تجمد لمواسير المبخر – التلاجه الداخليه و ساعتها لن يمر الهواء منها فبالتالي الراكب سيشعر بضعف الهواْ و كذلك الغاز لن يتبخر و سيظل سائل و لن يقوم بالتبريد و ممكن ان يتلف الكومبريسور لان الكومبريسور مصمم لان يسحب غاز ضغطه منخفض و يضغطه ليصبح غاز ضغطه عالي و ليس سائل و من اعراض تلفه وجود تلج على ماسورة الضغط المنخفض و ضعف الهوا الخارج من فتحات التكييف و وجود صوت عالي من الكومبريسور
http://img41.imageshack.us/img41/1729/75505484.jpg
ثانيا حمايه ضد الضغط المرتفع جدا او المنخفض جدا في دورة التبريد
يوجد حساس موجود على تانك تخزين الفريون يقيس ضغط الفريون الموجود بالدائرة فاذا كان ضغط الفريون ارتفع ووصل ل 398 PSI يقوم الحساس بتنبيه وحدة التحكم في السياره بفصل كومبريسور التكييف عن طريق ريلاي موجود في علبة الفيوزات و يحدث ذلك ايضا في حالة نقص ضغط الفريون عن 26.5 PSI و فائدة هذا الحساس هو الحفاظ على الضغط الموصى به داخل مكونات دائرة التبريد كي لا تتلف لان في حالة ارتفاع حرارة الجو الشديده او انخفاض الحراره الشديد هذا التغير في درجات الحراره يؤدي لتغير في ضغط الغاز داخل دورة التكييف.
ثالثا صمام خروج الضغط الزائد
يوجد هذا الصمام في كومبريسور التكييف من الخلف و هو يقوم بعملية اخراج بعض غاز الفريون الزائد للهواء في حالة ارتفاع الضغط داخل مكونات دورة التبريد عن 540 PSI لانقاذ الكومبريسور من التلف و هذا الصمام هو اخر خط دفاع في مكونات دورة التبريد
انا حاولت اشرح دورة التبريد بكل موناتها بكل بساطه و اتمنى انها تكون نالت اعجابكم و ان شاء الله نلتقي في شرح بقيه حساسات الصني
:bye2: :bye2:
كلام كبير ومهم يا احمد .. وتسلم ايدك بجد .. ومنحرمنش منك .. انا قريت بسرعة .. وحجيب كوباية شاى واقعد امخمخ فى قراءة الكلام والمعلومات الجامدة دى
اعتقد موضوع التكييف ده مفروض يتنقل لوحده فى موضوع منفصل يا احمد ولا انت ايه رايك
تحياتى
بصراحة يا ابو حميد .. مكانك المفروض يبقى فى مصنع نيسان ولا مركز خدمة على دماغ الفنيين والعمال ..
الموضوع ده بعد اما يكمل على خير ان شاء الله ..
هاعتبره افضل موضوع اتعمل عن الصنى فى قسم نيسان بالكامل فى آخر سنتين ..
:bravo::bravo::bravo::bravo::bravo:
استاااااااااااااااااااااا اااااااذ
موضوع ممتاز
الف شكر:tumb::tumb:
جزيل الشكر علي مجهودك
حساس موضع دواسة الوقود (Throttle Position Sensor)
http://img215.imageshack.us/img215/4386/11166784.jpg
وظيفة هذا الحساس هي الاحساس باي ضغط يحدث على دواسة الوقود و يعمل بنظرية جهاز قياس الجهد (potentiometer) و يرسل القيمه لجهاز التحكم المركزي في السياره (ECM) كما انه ايضا يشعر و يحدد سرعة فتح و اغلاق صمام الوقود و يرسل القيمه لوحده التحكم المركزيه للسياره (ECM)
تقوم وحدة التحكم المركزيه ECM)) ايضا بالتحكم في قيمة الوقود من خلال صمام (Throttle Valve) اثناء دوران المحرك في وضع السلانسيه (IDLE) من خلال معرفة كمية الوقود الداخل للمحرك عن طريق القيم المرسله من حساس موضع دواسة الوقود (Throttle Position Sensor)
و كلما زاد الضغط على دواسة الوقود كلما شعر حساس دواسة الوقود Throttle Position Sensor)) بقيمة الضغط و يرسلها لوحده تحكم السيارة (ECM) التي ترسل اشاره لصمام الخانق Throttle Valve بكميه اكبر من الوقود
اعراض تعطل حساس TPS
من اعراض تعطل حساس TPS الظاهره انه في حالة ادارة المحرك في وضع IDLE السلانسيه يكون المحرك في حالته العاديه و لكن في حالة زيادة سرعة المحرك من خلال الضغط على دواسة الوقود يكون التسارع ضعيف جدا جدا
http://img401.imageshack.us/img401/6352/54142719.jpg
و في حالة وجود تلك المشكله يتم اختبار الحساس عن طريق جهاز كونسلت و لكن يوجد بعض الاجرائات المبدئيه التي يمكن القيام بها لحل المشكله
اولا
1- فك و اعادة ربط مسمارين الارضي الموجودين اما شمعة الاشعال رقم 2
و يمكن تاكيد التعطل الكامل لحساس بقياسه من خلال جهاز الافوميتر الكهربي حيث انه في حالة عدم الضغط على دواسة الوقود يجب ان تكون قيم الجهد الكهربي من 0.15 – 0.58 فولت و في حالة الضغط الكامل لدواسة الوقود يجب ان تكون القيم من 3.5-4.7 فولت و في حالة اختلاف اي قيمة من تلك القيم يجب تغيير الحساس
http://img24.imageshack.us/img24/151/33765099.jpg
باقي الاجرائات معقده و يجب القيام بها في وجود جهاز كونسلت لذا لن أطيل عليكم بها
مفتاح غلق الوقود (Throttle Position Switch)
http://img339.imageshack.us/img339/3818/44884989.jpg
و هذا المفتاح يعمل في حالة تعطل حساس throttle position sensor لغلق الوقود في حالة عدم الضغط نهائيا على دواسة الوقود لانه اذا لم يوجد هذا المفتاح و في حالة تعطل Throttle Position Sensor سيظل صمام الوقود Throttle Valve يضخ وقود حتى في حالة عدم الضغط على دواسة الوقود و Throttle Position Switch و Throttle Positon Senssor يعتبرا مكونا واحد و لهم عدد 2 فيشه مختلفين في اللون حيث ان فيشه Throtle Positon Sensor حساس دواسة الوقود لونها (بني) و توجد في الاعلى و فيشه مفتاح فصل الوقود Throttle Position Switch لونها (رمادي) و توجد في الاسفل
http://img215.imageshack.us/img215/4386/11166784.jpg
و يتم التاكد من تعطل هذا المفتاح Throttle Position Swich بقياسه اما بجهاز كونسلت او عن طريق افوميتر لتكون قياساته الكهربيه في حالة عدم الضغط على دواسة الوقود من 11-14 فولت وفي حالة الضغط الكامل على دواسة الوقود تكون صفر تقريبا
http://img856.imageshack.us/img856/3412/32146739.jpg
و كفايه عليكما كده انهارده و ان شاء الله نكمل شرح في خبايا الصني و ارجوا اني مكنتش خوفتكوا من العربيه لان كل اما اشرح الحاجات دي لحد يقولي (الجهل نعمه) و يقلق من العربيه مع العلم ان الصني فقير جدا في الحساسات
:36_2_49[1]: :36_2_49[1]: :36_2_49[1]:
قريبا
انتظروا كمان شرح تفصيلي لازاي اعمل idle learning صح من غير جهاز كونسلت بالخطوات
ههههههههههههههههههههههههه وبعد كدل ده الصني فقيرة جدا في لحساسات
امال الالماني يبقي ايييييييييييه هههههههههههههههههههههه
الله المستعان
تسلم ايدك ومخك وتفكيرك ومجهودك يابو حميد
جزاك الله عنا خيرا اياصديقي :))
يا سلام عليك يا حماده
ادينا كمان وكمان
انا هجيب كراسه وقلم وهاجى اخد عندك درس فى الميكانيكا ولا الحوجه للصنيعيه الجهله الفتاين!!!!!!!! والكارثه ان النوع ده من الصنيعيه بداء يغزو التوكيلات للاسف الشديد ( الرحمنا برحمتك يا رب)
الف شكر يا ابو حميد وجزاك الله كل خير ومتابعين معاك بقيت الدروس
قول يا فنان قووووووووووووووول
بسم الله الرحمن الرحيم
اللهم صلى وسلم وبارك على نبينا محمد خير خلقك
ما شاء الله موضوع تعليمى متخصص رائع جدا يقدم معلومات قيمة ومجهود وافر فى توصيل المعلومات
جزاك الله خير يا أحمد على هذا العمل الرائع الهادف
وهكذا هم صقور نسيان المتميزين دائماً
والله قسم نيسان نايل موتورز صاحب حظ كبير فى وجود عملاق متخصص فى عالم السيارت على هذة الدرجة من الثقافة والمعرفة
دائماً فى إنتظار وترقب لمواضيعك المميزة جداً
أتمنى لك دوام السعادة والتوفيق والنجاح أخى الحبيب
سبحان الله والحمد لله ولا إله إلا الله والله اكبر
سبحان الله العظيم وبحمده
سبحان الله وبحمده سبحان الله العظيم
موضوع تحفه
كاد المعلم ان يكون رسولا ..
الله عليك بجد يا fbi بيييييييييييه ..
موضوع ممتاز وجهد عظيم
موضوع اكثر من رائع
شكرا صاحب الموضوع
المره الي فاتت اتكلمنا عن صمام البنزين و طريقة السياره في التحكم في كمية البنزين من خلال TPS و ال Throtle Valve و زي ما احنا عارفين ان أي احتراق عشان يحصل محتاج كمية معينه من البنزين و كميه معينه من الهواء يدخلو في وقت معين لتحقيق افضل احتراق للوقود باقل انبعثات ممكنه
انهارده هنتكلم عن صمام التحكم في كمية الهواء و كمان صمام التحكم في سرعة دوران المحرك اثناء عدم الضغط على دواسة الوقود و اسمهم
http://img521.imageshack.us/img521/3010/11175459.jpg
ACV : Air Control Valve
I ACV : Idle Air Control Valve
و دول عبارة عن مكون واحد و يوجد تحت بوابة دخول الهواء Throttle Body
و يتكون من محرك كهربائي داخلي يفتح و يغلق بوابة دخول الهواء بأمر من كومبيوتر السيارة ECM لتحديد كمية الهواء المطلوبه للاحتراق طبقا للمعطيات المجمعه من الحساسات كما يتحرك ايضا لتغيير سرعة لفات المحرك اثناء توقف السياره طبقا لقرائات عدة حساسات ايضا
http://img43.imageshack.us/img43/9598/75339285.jpg
و دي مجموعة الحساسات التي تؤثر في كمبيوتر السيارة و تجعله يعدل في سرعة لفات المحرك من خلال صمام التحكم في الهواء
1-حساس الكرنك
2-حساس حرارة المحرك
3-حساس دواسة الوقود
4-حساس مكان الفتيس الاوتماتيك لوضع Neutral
5-زرار التكيف
6-حساس ضغط زيت باور الدركسيون
7-حساس سرعة السياره
8-حساس فتح مراوح تبريد الردياتير
9-تشغيل أي احمال كهربيه بالسياره مثل الانوار و المروحه الداخليه و خلافه
10-قوة و قدرة البطاريه الخاصه بالسياره
كل العوامل دي بتؤثر في اداء الصمام الخاص بالهواء ده و بالتالي في اداء السياره
و ده جدول بكل عدد لفات المحرك الكهربي الصحيحة في الصمام و التي تدل على صحة عمل الصمام
http://img94.imageshack.us/img94/2333/15912917.jpg
كمان انهارده هقولكوا ازاي تعملو ايدل ليرننج صح عشان لو عدد لفات المحرك غير مطابقه للجدول السابق
http://img43.imageshack.us/img43/9533/39554406.jpg
1-ادر المحرك الى ان يصل لدرجة حرارته الطبيعيه
2-اتاكد ان السياره لا يوجد بها مشاكل من حيث قوة البطاريه و شحن الدينامو و الفيوزات
3-اطفي المحرك و هات مفتاح الادارة على وضع off لمده 9 ثواني
4-ادر المحرك مره اخرى لمدة 28 ثانيه بدون الضغط على دواسة الوقود
5-يتم فصل فيشة حساس دواسة الوقود (بنية اللون) و توصيله مره اخرى خلال 5 ثوان
6-تترك السياره تعمل لمده 28 ثانيه
7-اضغط على دواسة الوقود مره او اثنين و تاكد ان سرعة لفات المحرك مطابقه للجدول
بصراحة كده ليا سؤال وارجو التصحيح ان اخطأت ..
بالنسبة لحساسات acv و i-acv .. هل فكرة عملهم نفس فكرة عمل الشفاط اليدوى (بتاع زمان) لتسخين العربية بسرعة فى اول دوارة وبعدين نفصله لتقليل الrpm واستهلاك الوقود .. عكس طبعا دلوقت كلها بيتم الكترونى ودون تدخل من السائق ؟
الحاجة الثانية .. طريقة عمل الidle learning كنت نزلته فى موضوع قبل كده ومن وقتها ومع تفاقم مشكلة ضفيرة الكهرباء قبل تغييرها فى الضمان عند 40.000 كم من سنة تقريبا .. كنت كاتب الطريقة فى ورقة وحاططها فى المحفظة لحد دلوقت وجربتها اكتر من مرة وكانت بتظبط الrpm بس طبعا وصلت فى الاخر قبل التغيير انها كانت مجنونة بحالات تعلى وتوطى لحد اما غيرتها
------------------------------
يلا بقى همتك يا بطل فى استكمال الموضوع ولما تقضى على كل الحساسات قولنا عشان ننسق ونطبع ونوزع فى اقرب مقابلة هههههههههههههههه
وما تخافش نسبتك وحقوق النشر والملكية الفكرية محفوظة ..
دكتور يوسف ال acv. و. iacv. دول صمامات. و بتشتغل انها تدخل كمية الهوا المطلوبه طول ما هيا ماشيه او واقفه او وهيا بتسخن لان زي ما ولت الصمام ده بيتاثر بدرجه حرارة المكنه و بيرفع عذ لفات المحرك لرقم معين لحد ما تسخن في الحاله دي بس بيعمل عمل الشفاط و الشفاط زمأن كل الي كان بيعمله انه بيفتح بوابة الهوا سنه زيأده لكن بوابة الهوا في الكارب بتفضل تنظم عملية دخول الهوا طول ما المحرك يعمل
بخصوص الايدل ليرن دي الطريقه الصح الي في السيرفس مانيوال
اما بخصوص حقوق الطبع و النشر فبهديها لجميع اعضاء المنتدى. و خصوصا صقور نيسان
لان ربنا يحاسبك لو عندك علم تنفع بيه الناس و موصلتوش و لو وصلته ربنا هايزيذك وكمان فرحتي لما نروح التوكيل عارفين هانعمل ايه قبل ما نروح
ربنا يجازيك خير على مجهودك