تختار ايه؟: كرولا أو النترا أو جوك أو سول 2013

**esam_ayad** · 16-08-2012 12:02 AM

المشاركة الأصلية كتبت بواسطة youssef.awad

لا كلام يُقال بعد كلام المهندس سمير ..
وترتيبى هايكون كالاتى:
1. كورولا (عملية - اقتصادية - اعلى سعر اعادة بيع - قطع غيار - انتشار - مساحات متوازنة)
2. كيا سول (كفاية صيانة مجانية سنتين و10 سنوات ضمان !!!!! ارحم مليون مرة من ال60000 كم و3 سنوات بتوع تويوتا) ويعيبها مساحة الشنطة والعفشة الناشفة
3. الالانترا
4. جوك (افضلهم كتصميم وصانع يابانى فى اوج عصوره الذهبية وأداء من وجهة نظرى لكن غير مناسبة لتوصيل اصدقائك فى الشغل يوميا لأن الكنبة اخرها 2 بحجم متوسط فقط هههههههههههه)

شكرا لرأي حضرتك وأنا فعلا ميال للإلنترا الأول والتانيه الكورولا وبعدها الجوك والسول.
لكن حضرتك مااتكلمتش عن ضمان الالنترا اللي هو مدي الحياه يعني طول ما العربيه بإسمك عليها ضمان من التوكيل.
وبما ان السول عفشتها ناشفه وشنطتها صغيره يبقي تاخد الترتيب الأخير في أولوياتي.

**Samir Elshahawy** · 16-08-2012 05:21 AM

المشاركة الأصلية كتبت بواسطة esam_ayad

بس انا عندي استفسارين تاني لحضرتك بخصوص الانترا:
1-انا قريت كتير علي ان مكان فتحات التكييف اللي في وسط التابلوه محطوطه غلط وان اللي سايق العربيه مش هايحس بالهوا بتاع التكييف؟
2- هل التكييف هايقدر يتحمل درجة الحراره بتاعة الكويت اللي هي ممكن توصل لأكتر من خمسين درجه؟
وأنا بسألك السؤال ده لأنك جربت الكرولا والالنترا .ومعروف ان تكييف الكورولا قوي جدا ومافيش حد اشتكي منه من زملائي.

زي ما انت شايف في الصورة دي وضعية الفتحات الخاصة بالتكييف في الالنترا 2012

طيب اللي سايق و الراكب الامامي بجانب السائق أيه علاقتهم بفتحات التكييف في الوسط ؟
ماهو عندهم فتحات تكييف في جانبي التابلوه خاصة بهما

الفتحات اللي في وسط التابلوه بها ريش متحركة تقدر تتحكم بيها في أتجاه الهواء لليمين أو اليسار أو لأعلي أو لاسفل و دول في الغالب بيتم ظبطهما علشان الركاب في الخلف

و علي فكرة أنا في مرة قدت الاعربية لمسافة تعدت ال 6 ساعات في درجة حرارة الجو الخارجي 45 درجة مئوية و التكييف كان شغال علي أقصي درجة تبريد و سرعة المروحة علي 2 فقط

و ده رابط لموضوع عن أداء تكييف الالنترا أكيد حضرتك قرأته :
http://www.nilemotors.net/Nile/299232-md-3-a.html

**Youssef.Awad** · 16-08-2012 06:26 PM

المشاركة الأصلية كتبت بواسطة esam_ayad

شكرا لرأي حضرتك وأنا فعلا ميال للإلنترا الأول والتانيه الكورولا وبعدها الجوك والسول.
لكن حضرتك مااتكلمتش عن ضمان الالنترا اللي هو مدي الحياه يعني طول ما العربيه بإسمك عليها ضمان من التوكيل.
وبما ان السول عفشتها ناشفه وشنطتها صغيره يبقي تاخد الترتيب الأخير في أولوياتي.

ما اتكلمتش عن الالانترا بغض النظر عن ضمان مدى الحياة ده .. لأنى ليا معاها تجربة سيئة وباعتبرها اسوأ عربية ركبتها فى حياتى كلها لحد دلوقت وما تستاهلش الفلوس اللى تدفع فيها ومنظر وشكل من برة وبس !!!
العيوب من وجهة نظرى للشكل الجديد 2012:
1. الباور الكهرباء غير دقيق تماما فى التوجيه والملفات على كافة السرعات (حسيت ان العربية بتغربل والعجل بيلف لوحده حسب ظروف الطريق)
2. فتحات التكييف وسط التابلوه .. فعلا مكانها غير مناسب واخرها تهوى على ركبة السواق واللى راكب جنبه حتى مش بتوصل الهواء للى راكبين ورا كويس وفى درجة حرارة لا تتعدى ال40 درجة فى القصيم شمال الرياض بالسعودية فى شهر يونيو اللى فات كنت مشغل على 2 ومش عامل اى حاجة وانا لوحدى فى العربية !!!)
3. مجال الرؤية الامامية غير مريح تماما وبه نقط عامية كتير خاصة عند عبور التقاطعات ودخول الدوارات (كل الخليج اشارات وملفات) والسبب قوايم الزجاج الامامى المائلة بدرجة غريبة غير مسبوقة فى اى عربية !!!
4. ابعاد العربية الخارجية من خلال رؤيتك فى المرايات الجانبية والصالون غير مريحة بالمرة .
5. انا طولى 185 سم والقعدة قدام فيها غير مريحة بالنسبة لى حتى مع تنزيل ارتفاع كرسى السائق وترجيعه للاخر خالص اما فى الخلف القعدة مناسبة وفيه مساحة كبيرة وعريضة ..

الخلاصة .. ده رأيى الشخصى فى تجربة العربية دى عشان كده ما رضيتش اتكلم فى الاول
ونصيحة قبل ما تشترى انزل اى معرض وأجر العربية ان شالله نص يوم وجربها وشوف هاتستريح فيها ولا لأ ..

**esam_ayad** · 19-08-2012 02:14 AM

كل عيد فطر وانتم بخير
ها ياجماعه ماحدش عايز يكسب فيا ثواب ويقولي خبرته مع العربيات دي
ناقصلي اسبوعين وهاسافر ان شاء الله ,وعايز اخد قرار

**Hosam_Optrawy** · 19-08-2012 09:55 AM

المشاركة الأصلية كتبت بواسطة esam_ayad

كل عيد فطر وانتم بخير
ها ياجماعه ماحدش عايز يكسب فيا ثواب ويقولي خبرته مع العربيات دي
ناقصلي اسبوعين وهاسافر ان شاء الله ,وعايز اخد قرار

انا شايف الالنترا افضل صفقه فيهم , عيبها الوحيد انها مش هاتجيب نفس فلوس الكورولا لو هاتبيعها فى الكويت

لكن لو هاتنزل بيها مصر وتبيعها مفيش مشاكل

**mohamedkandel** · 24-08-2012 10:17 PM

انا لو مكانك هختار بالترتيب ده
1-كورولا : يباني - اعتمادية اكثر - جودة الخامات - ديمومة اعلي (يعني ميبنش عليها البهدلة مع الزمن) - انتشار اوسع
2- الالنترا : بسبب الشكل والضمان
اما السول والجوك هطلعهم بره الترتيب اساسا

**Ahmed_Adham** · 25-08-2012 01:19 AM

اشتري عربيه كسر زيرو من عندك وانت عارف انهم كتير وسعرهم واقع وقضي بيها ايامك فى الكويت لحد ما تزهق ولما تيجي مصر اشتري من هنا جديد وهتلاقى هنا الخليجي لو ليك مزاج فيه وفكمان فيه تقسيط زي ما انت عايز.

**esam_ayad** · 25-08-2012 01:49 AM

المشاركة الأصلية كتبت بواسطة ahmed_adham

اشتري عربيه كسر زيرو من عندك وانت عارف انهم كتير وسعرهم واقع وقضي بيها ايامك فى الكويت لحد ما تزهق ولما تيجي مصر اشتري من هنا جديد وهتلاقى هنا الخليجي لو ليك مزاج فيه وفكمان فيه تقسيط زي ما انت عايز.

تفكيرك صحيح ياباشا,
بس أنا لسه شاب يعني مش بفكر أنزل من الكويت الا بعد فتره كبيره
وزمايلي بالإجماع قالولي ريح نفسك من المستعمل وهاتلك عربيه جديده تريحك من الميكانيكيه الغاليين جدا جدا هناك
وبصراحه عربيتي كانت كل شهرين تلاته تظبطني في مبلغ محترم

-

الموضوع: تختار ايه؟: كرولا أو النترا أو جوك أو سول 2013

LinkBack

أدوات الموضوع

عرض

-

-

-

المواضيع المتشابهه

استفسار فى النترا 2013

كرولا 2013 ولا النترا 2013 ...

هيونداى النترا زيرو ولا تويوتا كرولا (2005/2006/2007)

عايز رايكم اجيب النترا اتوماتيك زيرو و لا تويوتا كرولا مستعملة

النترا - صني - كرولا - لانسر

الكلمات الدلالية لهذا الموضوع

المفضلات

المفضلات

ضوابط المشاركة