الموضوع: تختار ايه؟: كرولا أو النترا أو جوك أو سول 2013

المشاركة الأصلية كتبت بواسطة ahmed_adham

مانا بقولك شوف حاجه كسر زيرو بتبقى زى الجديده بالظبط. عندك كمثال العربيات التيست درايف فى التوكيل هتلاقيها نازله ييجي الف دينار وماشيه اقل من الف او الفين كيلو. وبرضه فيه ناس بتغير عربيتها بعد 1000-10000 كيلو عشان اللون مش عاجبها مثلا أو عشان ملقتش العربيه مناسبه لطلباتها ودول تاخد منهم العربيات بسعر واقع عن السوق وبيبيعو. العربيات اللي انا قلت عليها دي بتبقى زى الجديده بالظبط لأن ال 10 تلاف كيلو تعتبر يادوب أول سيرفس للعربيه والعربيه بتكون لسه زي الزيرو ومش هتلاقي فيها خربوش. طبعا لازم تفحصها سواء فى التوكيل أو أى مركز فحص كمبيوتر انت اللي تحدده مش البايع لأنه ممكن يكون متفق مع واحد معندوش ضمير ويدارى عنك عيب في العربيه. خد الخطوه ومتخافش ومش هتخسر حاجه لو عديت على الغانم مثلا واتفرجت على الشيفروليه المستعمل عندهم اسمها certified cars ولو مش عايز شيفروليه عندك معرض السايارات المدلله وده بيشتري كل الماركات وعربياته شبه جديده.
ده بس ممكن يوفرلك الف دينار انت اولى بيهم ولو هتشتري قسط هيوفرولك تمن البنزين.
ممكن برضه تشتري زيرو بس زي ما قلتلك منصحكش تنزل بيها بعدين مصر. بيعها قبل ما تنزل واشتري من هنا وقتها ان شاء الله وتكون نزلت كماليات جديده.

يافندم قبل ماأفكر اني أشتري عربيه جديده فكرت في اللي قولته ده ولفيت علي معارض" تويوتا للسيارات المعتمده" ولقيت ان العربيه فرقها عن الجديده 700 دينار يعني 15 ألف جنيه وشويه. يبقي الجديده أحسن ورحت" للملا للسيارات المعتمده كالجديده " وتقريبا نفس الشيء ورحت "معارض الغانم" برضو لقيت كلهم عربيات جيب بأرقام خياليه ,
فزهقت وقررت اني أشتري عربيه جديده أحسن.
وعلي فكره أنا مش ناوي أنزل من الكويت بعد ست أو سبع سنين أنا بتكلم علي اني أخد خير العربيه وبعد ست أو سبع سنين أبيعها في مصر علشان ماأخصرش كتير لو بعتها في الكويت مهما كانت ماركتها.

تويوتا كورولا 2013 الفيس ليفت >>> اسم و سمعه - يابانى (حتى لو التجميع فى بلد تانيه) - عملية - اعلى سعر اعادة بيع - قطع غيار متوفره- معمره - منتشره - مساحات متوازنة - وكيل محترم .......