الجون بتاعنا من الطوبة لحد العربية

**MoToRiZeR** · 28-06-2008 02:39 AM

باصي بقي .. باصي بقي .. شووووووووووووووووووووووط .. طااااااخ .. تيت تيت تيت تيت تيت ( صوت إنذار عربيتك ) .

ده تقريبا اللي بيحصلي كل يوم من ساعة ما الأجازة ابتدت .. لدرجة ان صوت إنذار العربية بقي الساوند تراك بتاع حياتي .. و خايف في مرة تيجي في حاجة جامدة .. فانوس ولا حاجة ( و هو غالباَ هيحصل يعني ! ) .. مش عارف اعمل ايه في موضوع الكرة ده

**sherif_84** · 28-06-2008 03:11 AM

اركن العربية فى مكان بعيد شوية عن مكان لعب الكورة
يعنى مثلا شوف حارة جانبية أوشارع ضيق الاماكن دى ماحدش بيلعب فيها كورة عشان ضيقة
ماتركنش فى ساحة كبيرة أو شارع عريض يكون مهيأ ان حد يلعب عليه كورة

**محمد المشد** · 28-06-2008 02:12 PM

للاسف دا حال البلد اللى لاتفكر فى الشباب 000 فى السعودية ودول كثيرة بيعملوا ساحات للعب الكورة وممارسة الرياضة للشباب 000 فأذا كان البعض لديه القدرة على الاشتراك بنادى فالبعض الاخر غير قادر ، واتمنى ان نفكر جلياً فى الشباب قبل ان يفوت الاوان فى كل شىء وليس الكورة فقط

**Ahmed Selim** · 28-06-2008 03:42 PM

يا باشا أحمد ربنا مش أحسن ميكون الجون من العجلة للعجلة ؟؟؟ :) :)

**Hassan Khalil** · 28-06-2008 06:58 PM

حاول تدور علي جراج كويس يكون قريب من البيت .. وده افضل الحلول .. لانك مش حتعرف تمنع الاولا الصغيرين انهم يلعبوا في الشارع .. و مش حتعرف تمنعهم انهم يقربوا من عربيتك ..وو اذا عرفت مش حتعرف تمنعهم انهم يقعدوا علي العربية .. و اذا عرفت مش حتعرف تمنع المساطيل و اصحاب الاذي اللي بيرسموا لوحات مسمارية علي العربيات .. و اذا عرفت .. يتبقي الاهم .. عربية القمامة الكبيرة اوي الجامبو اللي بتعدي كل يوم الساعة 11 بالليل و تقوم واخدة مرايات عربيات الشارع بالكامل في سكتها !!!
و ربنا يعينك ..و يعيننا.

**Ahmed Samy** · 28-06-2008 07:36 PM

خلي العيال يلعبوا بكورة (مفسية شوية) بتكون أضرارها أقل

و أقفل المراية و صدرلهم زاوية العربية اللي ورا (معرفش ازاي بس اعمل كده)

**SAbuhashem** · 28-06-2008 07:41 PM

المشاركة الأصلية كتبت بواسطة Ahmed A.Maksoud

يا باشا أحمد ربنا مش أحسن ميكون الجون من العجلة للعجلة ؟؟؟ :) :)

والله مرة شفتها أولاد صغيرين في حدود ٦ سنين وعاملين الجون عربية واقفة في الشارع من العجلة للعجلة !!

Thanks
Eng.Sherif Shaker

**fahd_628** · 28-06-2008 07:52 PM

والله مرة شفتها أولاد صغيرين في حدود ٦ سنين وعاملين الجون عربية واقفة في الشارع من العجلة للعجلة !!

:( :( :( :( :( :( :(

انا من كام يوم سامع صوت عيال تحت

فا طلعت ابص لأنى سمعت صوت انزار

لقيتهم قاعدين يلعبو كورة و فى اللحظة و انا واقف لقيتهم شاطو الكورة فى العربية !!!!

قمت متنرفز و مزعقلهم قامو مشيو من المكان دة و راحو قدام :( يعنى حيبوظو عربيات تانية

و دة كله لأنة مفيش اى نوادى للناس الغلبانة دية ! يعنى يلعبو فين ؟

اة يا مصر