من أقل من شهر كنت بركن قدام بت بابا في المهندسين ساعة أدان المغرب بظبط و ألاقي إلي يقولي يمن شمال ... سيبتو و ركنت الناحية التانية بردو جي ورايا! و احنا بنسترزق و بلاش نسترزق ولا إيه؟! قلتلو بتكلمني ليه أساساً؟ أنا بعرف أسوق و الشارع مش ملكك و بالتالي أدفعلك إيجار! هو كل واحد مش متخصص في صنعة ولا خالي شغل يجبلي قفص و لا شوية زبالة و لا جردل بوية أديم و يقولك هات فلوس .... و كان حيموت الصراحة و قاعد يقولي بس أحسن ! و مدتلوش ولا مليم بعديها ب-5-6 ساعة لما مشيت. أنا عند أركن بعيد 10 دقايق ولا أدي ربع جنيه مقطوع للاشكال ال............. دي. ناس معندهاش كرامة صحيح، الانسان ممكن بجردل مية واحد يغسل عربيات الشارع كله ولا يشيلو أمبوبة أو يبيع شوية خضار في السوق ولا يدور يشحت من الخلق و يخلي الواحد فينا قرفان من نفسو و من النزول و يمكن بمرور الوقت من بلدو كمان هه!
المفضلات