فين رشيد محمد رشيد والاحتكار بتاع غبور!!!!!!!!!

**ahmed1981** · 08-09-2008 05:53 PM

المشاركة الأصلية كتبت بواسطة alivara

هو حر ربنا يزيد و يبارك فى رزقه طالما ان العربيات مناسبانا و بتتقارن بالفئات اللى اعلى منها يبقى ربنا يخليلنا غبور (معلم السوق) بس برده لو كان فيه مشاكل يا رب يحلها و تزيد كفاءة الصيانة
بس 100 الف جنيه فى سوناتا مكسب قليل اوى يا جماعة انا شايف كده بالنسبة لاكبر موزع هيونداى فى افريقيا
-------------------------------------------
هيونداى فوق الجميع .. زى الاهلى بالظبط !

طالما أن غبور يحتكر سوق الهيونداي في مصر
فإما أن يقدم خدمة بعد البيع محترمة أو يفسح الطريق لغيره لإستيراد الهيونداي وإعطائها حقها في خدمة ما بعد البيع

أما القول أن غبور معلم السوق فهو قول يتجاهل حق الإحتكار الذي أعطي لغبور ليتحكم جبرياً في السوق
والمناسب أن نقول عليه جزار السوق

وبالنسبة لقولك إن 100 ألف مكسب قليل في سوناتا فنحن ندعو لك أن تشتري سيارة وتدفع فيها مكسب أعلى من ذلك بحيث يرضي طموحك

وفي النهاية لو ظل غبور على حاله من الخيانة في خدمة العملاء بعد البيع
فسنظل نقول :
لا هيونداي من وش غبور لأنها تحت الجميع
طالما أنه بعد البيع يخون الجميع

**Ramy_Ali** · 09-09-2008 11:00 AM

اكبر موزع فى افريقيا يبقى لازم سعرة يكون منافس ويقل
وبعدين افريقيا بس!!! متقول الشرق الاوسط كله كمان.
ال 100 الف دول مش كيس شيبسى بتشترية عشان يترموا فى الارض دى فلوس ولها قيمة وممكن تغير من حياه اسرة بحالها 180 درجة عشان يجى انسان بجشعة يحتكر سلعة ويهبش فى اموال الناس بلا رقيب وبعدين بالمنطق دا يبقى احمد عز بردة براحتة يبيع طن الحديد ب 10 الاف جنية ونقول حقة دا اكبر منتج فى الشرق الاوسط ومكسب 9000 فى الطن مش كتيير علية لا دا يستحق اكتر من كداويتحرق الشباب ميلاقوش شقق وندوس على بعضنا ونموت بعضنا والقوى يسرق الضعيف. ( اشعر بحالة من اللا وعى والامنطق فى التفكير )
وبعدين ايه غبـــــــــــــــور دا دا نصبه على الناس اصبح علنى ودمر ناس كتيير وكان السبب فى حدوث حوادث لناس كتيير نظرا لسوء تقفيله للسيارات وعدم الاهتمام بالنواحى الفنية فى التجميع واصبحت السيارة مثل البطيخة بتشترى وانت وحظك تشوف هتطلعلك ايه
دا لو فى دولة بتحترم المواطن كان اتقدم لمحاكمة بسبب اهمالة وتسببه فى حدوث حوادث ولقام المواطن المشترى والمتضرر برفع قضية تعويض لما اصابه من ضرر
مثلا واحد اشترى عربية وفيها عيب الزوايا الشهير دا مش من حقة انه تتصلح على حسابه ويتقدم ليه اعتذار وبس لا دا كمان ياخد تعويض عن عطلته وعدم جودة المنتج اللى اشتراه بماله اللى تعب فيه. لكن اللى بيحصل انك بتتعامل زى متكون شاحت العربية وبينضحك عليك لو مش فاهم واضف على ذلك كله الاهمال
-------------------------------
لا هيـــــــــــــــونداى بعـــــــــــــد اليــــــــــــوم
اللى يغلى الاسعار ويخرب البيوت
هيا الفشخرة والمنظرة يا حبوب

**alivara** · 09-09-2008 04:31 PM

انت عارف ؟ انا كتبت موضوع المكسب بتاع سوناتا ده مخصوص عشان عارف انك هتموت لما تسمعه و تقعد تغلى من هيونداى كعادتك
انا يا جماعة مش مليونير و لا حاجة و الله انا مش بشتري بي ام دبليو اكس 3 .. الحكاية كلها النترا 2009 فول اوبشن مانوال .. بس حبيت اقول حكاية مكسب ال 100 الف جنيه ديه عشان عارف ان الناس اللى بتتغاظ من هيونداى (و خصوصا النترا اللى احسن من عربيتهم) هتتجنن لما تشوف الرد ده .. لست البادئ فى ذلك و لكن الرد و الاسلوب بالمثل و البادى اظلم ..
انا افتخر انى اركب عربية لشركة تملك 30% من اجمالى السوق المصرى المليء باليابانى و الالمانى
اظن ده رأيى .. و لكن فى بلد لا يحترم فيها اراء الاخرين , لن اجد غير معارضا لرأيى !

**M_HaFeZ** · 09-09-2008 05:07 PM

الله ينتقم منه ومن امثاله
ماهو المشكله بقى مش فى البديل لان كله بيجتمع على الشر
ومش هنروح بعيد لما مصنعى الاسمنت - لعنة الله عليهم - اتفقوا مع بعض على رفع الاسعار
فى حد قال لأ ...؟؟؟
مع العلم اللى كان مش هيتفق معاهم كان هيبوظ عليهم كلهم لانه الوحيد اللى كان هيبقى ارخص
ولكن لأ طبعا كله لازم يتفق فى الشر وفى الطمع وفى الجشع + اللى حصل قريب وقاللى عليه صديق مهندس ... الحكومه فرضت غرامات كبيره على شركات الاسمنت علشان الاحتكار

عملوا ايه بقى شركات الاسمنت ؟؟؟ زياده فى الطن خلال يوم واحد (50 جنيه)
يعنى دى غرامه احتكار وكل الشركات تروح مزوده المبلغ ده

وطبعا الحكومه اخدت الغرامه وشكرا
ويحرق ابو الشعب بقى
هى البلد ناقصه .. ربنا ينتقم منهم جميعا

**sab3aawy** · 09-09-2008 05:34 PM

يا سيدى يبيعها ب 90 يبيعها ب 100 يبيعها ب 250 ألف هو حر

السؤأل هو، ليه فيه ناس بتقبل تدفع فيها كدة؟ وبيشتروا منه مهما يغلى؟

ماهو طول ما فيه ناس بتدفع هيغلى زى ما هو عايز

**M_HaFeZ** · 09-09-2008 06:31 PM

يابشهمندس خالد مووضع العربيات بالظبط زيه زى موضوع مزادات الاراضى ...

بيغللوا والناس بتشترى وياريت لحاجه ما ولكن للكنز

اللى معاه فلوس يروح يشترى شقق ويشيل ومين بقى المستفاد ؟؟
اللى بيغللى وخلاص

خلاص الواحد طهق وقرف

**ahmed1981** · 10-09-2008 02:06 AM

المشاركة الأصلية كتبت بواسطة alivara

انت عارف ؟ انا كتبت موضوع المكسب بتاع سوناتا ده مخصوص عشان عارف انك هتموت لما تسمعه و تقعد تغلى من هيونداى كعادتك
.
بس حبيت اقول حكاية مكسب ال 100 الف جنيه ديه عشان عارف ان الناس اللى بتتغاظ من هيونداى (و خصوصا النترا اللى احسن من عربيتهم) هتتجنن لما تشوف الرد ده ..
.
لست البادئ فى ذلك و لكن الرد و الاسلوب بالمثل و البادى اظلم ..
.
انا افتخر انى اركب عربية لشركة تملك 30% من اجمالى السوق المصرى المليء باليابانى و الالمانى.
.
اظن ده رأيى .. و لكن فى بلد لا يحترم فيها اراء الاخرين , لن اجد غير معارضا لرأيى !

إنفعال شديد جداً بطريقة ملفتة للنظر

يا أستاذ Alivara هدي نفسك ومتحرقش أعصابك على الفاضي
تغور السيارات وتغور هيونداي ومتحرقش أعصابك بالطريقة دية

**MOHAMED ABD EL SHAFY** · 12-09-2008 05:51 PM

فعلا ياجماعة الفلوس لها قيمة واكيد معظمنا تعب فيها
ال 100 الف مثلا مبلغ ليس بقليل اطلاقا
المروض يكون في قانون او جهه تحدد هامش الربح لكل منتج وليس السيارات فقط
ولا يترك الموضوع للاهواء الشخصية ولجشع وطمع التاجر

**Ramy_Ali** · 18-09-2008 01:30 PM

وكمان احتكر التوكتوك كمان!!!

**Ah.Farid** · 24-02-2009 01:10 PM

خلوها تصدي وموديلها يعدي

الموضوع: فين رشيد محمد رشيد والاحتكار بتاع غبور!!!!!!!!!

LinkBack

أدوات الموضوع

عرض

-

-

-

-

-

-

-

المواضيع المتشابهه

وفاه رشيد يكيني

ليه رشيد محمد رشبد

ايه رايك فى وزير التجاره(رشيد محمد رشيد)

الكلمات الدلالية لهذا الموضوع

المفضلات

المفضلات

ضوابط المشاركة