الموضوع: الفرامل m11

راجع زيت الفرامل ربما يكون نقص بسبب تسريب
ربنا يسترها ان شاء الله عليك

الزيت تمام و الفرامل رجعت كويسه و بعديت رجعت تقل تاني

المشاركة الأصلية كتبت بواسطة matrix919

الزيت تمام و الفرامل رجعت كويسه و بعديت رجعت تقل تاني

فيه اى لمبة تحذير منورة فى التابلوه؟

رجـــــــــــــــــــــــ اءا روح لواحد متخصص فرامل لأن الحاجات دى ميتسكتش عليها خصوصا ان الأسبرانزا كلها فيها 2 عيب الأول الفرامل و التانى الدبرياج بالفتيش بالأضافة لبقيت العيوب اللى تختلف من موديل لتانى ..

المشاركة الأصلية كتبت بواسطة hemaa_82

انا بس نفسي افهم ايه مصدر اشاعة ان الشيري او الاسبيرانزا فيها عيب في الفرامل او الفتيس....؟؟؟؟

انا معايا العربية 3 سنين ولله الحمد بدون اي شكوي من الاتنين دول بالذات

و من قبل ما اجيبها وانا عارف تماما ان مفيش مشاكل متور خالص
مفيش مشاكل فرامل خالص
كل اللي بيشتكي بيشتكي من
1... ديناموهات "شربون بس"
2... عفشات ... تربيط و تزييق بس في الاغلب و نادر مساعدين
3... تقفيل ...
4..خامات ... قربة الميه مثلا او زرار او تقشير في دريكسيون

انما بجد مين مصدر الكلام الفاضي بتاع مشاكل الفرامل في كل الاسبيرانزا ده؟؟؟....

و لصاحب المشكله ... التحجير عامة بيكون مصدره حاجة من 2 ... يا اما سرفو ... يا اما سدد في دورة الزيت ...
عليك و علي اي ورشة فرامل و هيه تظبطك ... الفرامل مفيهاش سحر .... وربنا يسلم طريقك

الله ينور عليك نفسي الناس تبقى ايجابية فى مشاركتها و لو عندها حلول ايجابية او نصايح مهمة تكتبها و تقدمها فى هذا المنتدى عشان تعم الفائدة على الكل و بالنسبة لصاحب المشكلة ياريت يراجع التوكيل خصوصآ ان العربية فى الضمان و ياريت ما يسكتش عليها خصوصآ انها الفرامل مصدر الآمان فى العربية و تحياتى

المشاركة الأصلية كتبت بواسطة m_sallam

رجـــــــــــــــــــــــ اءا روح لواحد متخصص فرامل لأن الحاجات دى ميتسكتش عليها خصوصا ان الأسبرانزا كلها فيها 2 عيب الأول الفرامل و التانى الدبرياج بالفتيش بالأضافة لبقيت العيوب اللى تختلف من موديل لتانى ..

ممكن اعرف ايه مصدر معلومات حضرتك عن عيب الفرامل بصفة عامة فى اسبرنزا؟
اللى اعرفه من قبل وبعد ماشتريتها وعن تجربة ان فرامل اسبرنزا من اهم مميزاتها!

بالنسبة للفتيس والدبرياج بردو اول مرة اسمع انه عيب جوهرى برغم ان انا بعانى من عضة فى الفتيس وخشونة بسيطة فى دواسة الدبرياج لكن اعتقد انها حالة فردية والعربية محتاجة ماستر دبرياج على الضمان لانه بيرشح زيت على خفيف اوى لكن من غير خطر ليس اكثر ولا اقل.

العربية مع اصحابى بكل موديلاتها 113 - تيجو - 516 و كلهم بشتكوا من الفرامل و سوء التقفيل و الفتيس لأن الفتيس ماشى على حساس دبرياج لا هو واير ولا هو زيت !!
و للأسف فى عضة فى الغيار التانى و التالت بالأضافة الى خشونة الفتيس و علشان موضوع العضة يروح لازم تقرص على الموتور لغاية 4.5 rm و دة طبعا حمل كبير على الموتور و كل دة طبعا علشان الدبرياج على حساس و كذلك دواسة البنزين استجابتها بطيئة شوية لأنها ماشية على حساس بنزين برضو و انا مبقولش كلام فى الهواء و خلا انا الكلمة قبل مكتبها بفكر فيها كويس و ببقا عارف انا بقول ايه ...