السلام عليكم ورحمه اللهلو عندك مشكله ومش عارف تحلها فى اى موديل :rolleyes2:فيات اعرض مشكلتك معنا
وان شاء الله هتقلاقى حلها:cat34:
:cat34:
عرض للطباعة
السلام عليكم ورحمه اللهلو عندك مشكله ومش عارف تحلها فى اى موديل :rolleyes2:فيات اعرض مشكلتك معنا
وان شاء الله هتقلاقى حلها:cat34:
:cat34:
بجد شكرا على ذوق حضرتك عايز تساعد بس انا اتمنى تحللى مشكلة ملهاش حل لية الفيات بيبوظ عالطول و مش بيستحمل استعمال جد و دايما تحتاج قطع غيار يعنى من الاخر مقرف انا عربيتى شبة غيرتها كلها فى سنتين و بردة اخلص حاجة تبوظ حاجة تانية شوية مساعدين شوية حاجة فى العفشة شوية سيور شوية ريداتير شوية اسطوانة و دبرياج شوية سلك فتيس شوية رمان بلى شوية حساس معرفش اية بجد و جبت حالات نضيفة و برضة مفيش فايدة اكتر وقت عربية فيات مهما كان حالتها نضيفة اعدت معايا شهرين فقط من غير ما اغير قطعة فيها هو دية عربيات حقيقية ولا اية سبب قلة الاعتمادية دية مع انى بحبها جدا بس عايز اتناقش مع حضرتك دة انا بس ولا دة الطبيعى و على العموم انا بركب الاصلى دايما من محل بتاعنا و بحب جدا بعد كل دة
انا حاسس انك اتعقدت من الفيات وده اكيد بسبب المشاكل اللى وجهت حضرتك بس قبل مرد على كلامك لازم اعرف انتا كنت بتتعامل مع حد واثق فيه فعلا فى الصيانه ولا لا .....
لان الفيات الحديث عموما محتاج خبره فى التعامل علشان متغرمش كتير يعنى مثلا لو عيب صغير ممكن يتحل مع واحد بسهوله ومع واحد تانى يغرمك كتير لو كان مش متمكن او مش فاهم.
وعلى العموم لو عندك مشكله فى عربيتك قولى نوعها الاول وايه هى المشكله .
السلام عليكم
انا سعيد بالمشاركه معاكم وده اول مشاركه ليا فى المنتدى انا ليا واحد صحبى
معاه عربيه فيات وهو قعد فتره كانت مجنناه لحد متعرف على ميكانيكى كويس قوى ريحو فى الصيانه . وهو اللى عرفنى على الموقع ده علشان اشارك ونستفيد كلنا
ولو حاجه وقفت قدمنا هنخش نعرضها على طول وشكرا للاهتمام
أنا معايا باليو 1.2 و لما امشي فترة في زحمة و بعد كده السكة تفتح العربية بتموت،
اللي هو ادوس على الدواسة 20% زي ما ادوس 100% و تفضل فترة كده 5 دقائق لحد ما تفوق
روحت كشفت لقيت مافيش أي error غير حساس الشكمان فا غيرت الO2 sensor و لسه برده نفس المشكلة بس مافيش تنتيش ولا تقطيع و الكلام ده خالص و مافيش أي لمبة بتنور ، أنا متأقلم عليه عادي يعني بس برده بيضايق ساعات...
اولاً شكراً على الرد و مساعدتك و كل سنة و انت طيب،
طب و حلّها تغيير طرمبة يعني ولا ايه بالظبط ؟
مساء الخير انا كان عندى حاجة صغيرة كدة ساعات لما بشغل التكييف على 1 بسمع صوت زى صفارة صغيرة من ناحية التابلوة من تحت عند الدرج اعلية و اوطية تانى الصفارة تروح بعد كدة ترجع تانى . بس التكييف شغال كويس وساعات كتير مش بسمع الصوت دة
انا معايا فيات بونتو كلاسيك
السلام عليكم
معايا سيينا 1400
مخنوقه شويه بعد سرعه ال100
غيرت بوجيهات
سلك بوجيهات
فلاتر
طقم دبرياج
تنظيف المونو انجكشن
حساس الفريش اير
علبه الكتاليزر
فاضل الشكمان و حساس الكرنك
حد عنده فكره حساس الكرنك له علاقه خصوصا ان اللمبه بتاعه الانجكشن موش بتنور عندى
الف شكر
السلام عليكم
والله يا اخي مشكور علي اهتمام حضرتك وربنا يجعله في مميزان حسناتك
انا لسة شاري عربية 128موديل 84من شهرين تقريبا ومن يومين وانا ماشي سمعت صوت جامد جدا وكأن الموتور بيترزع لحد ما بطلت العربية
اتصلت بالميانيكي جالي وقلي قي ركبة شاسه عايزة تتربط وربطهالي وبعدين سمعت نفس الصوت لما مشين من عنده راح قالي ان الشاسيه مفتوح واركبلك وردة وركبها فعلا من ورا الكوبلن وقالي يبقي تروح لسمكري
السؤال ايه علاج الشاسيه المفتوح
مع العلم ان وانا بظبط الزوايا بتاع الزوايا قلي ان العجلتين عايزين يتقدموا 3 سم ايه امثل طريقة
وانا اسف جدا جدا لاطالة
السلام عليكم..
انا معايا سيينا 1.4 موديل 2004
هيا عاملة 112 ألف كيلو تقريباً..
كنت عايزة أعرف ايه صيانة 110 الف اللى مفروض تتعمل عشان مكانتش معمولة لما جبتها؟
يعنى ايه يتغير و كده؟؟ و نوع زيت كويس لو هاغير زيت الفتيس..؟؟
و ألف شكر لتعب حضرتك..
معايا فيات باليو 1.0 سي سي موديل 2006 برازيلي ... اولا السرعةالقصوى للعربية دي كام ! اقصى سرعة جبنها العربية 155 هل ده طبيعي وهل طبيعي ان بعد ال 110 -120 يبقى صوت الموتور عالى او واضح طبعا انا بقارن لو انا راكب مثلا الاوبترا وماشي 120 صوت الموتور مش بيبقى باين ولا ده عشان الموتور 1.0 و8 صباب !!
الاستفسار التاني العربية ساعات احسها فاااااااايقة جدا بسم الله ماشاء الله وساعات احسها مش فايقة وده غالبا بيحصل ده ممكن يكون مجرد احساس غلط مني مثلا لو مشيت فترة طويلة في الزحمة على الاول ودبرياج وفرامل كده بتعد كذا يوم وبتفوق مش عاارف هل ده ممكن يكون سبب ولا ممكن ده احساس غلط بالرغم اني مش شايف علاقة .... والف شكر وبالتوفيق
طب عندى استفسار هو ايه الحساس المسؤل عن رفع ال rpm فى السلانسيه عند تشغيل التكييف
عشان العربيه ال rpm بيعلى جامد جدا وبيهيس عند تشغيل التكييف وسعات لما ادوس بنزين واشيل رجلى ميحسش انى شيلت رجلى ويفضل فوووووق كأنى لسه دايس بنزين وصوت الموتور يفضل عالى جدا كأنى دايس بنزين
ولو طفيت مروحه التكييف يرجع تانى لوضعه الطبيعى والعربيه تتظبط
مع العلم ان مثلا لو هو معلق وثابت على 3 rpm وصوت الموتور طالع جامد وانا اديت العربيه الاول وجيت اطلع بالعربيه الاقيه نزل بسرعه للسلانسه والعربيه كركرت كأنى مش دايس بنزين خالص ولو دوست دبرياج تانى يرجع لل 3 زى مكان (طبعا كل ده ومروحه التكييف شغاله )
ومره وانا واقف لقيته طلع لل 3 ورجع تانى لوحده للسلانسيه طبعا صوت العربيه بيعلى ويوطى كأنى دايس بنزين بالظبط
فأنا شاكك ان فيه حساس بيدى اوامر غلط او فيه حاجه مش مظبوطه
نوع العربيه سيينا 1600
وانا لسه مكشفتش كمبيوتر بصراحه بس عاوز اعرف العيب ده لو مر على حضرتك ممكن يبقى فى ايه
استفسار عاجل
السياره بونتو 2000 8صباب
لمبه الموتور منوره ولمبه الحراره منوره ومؤشر الحراره علي صفر كشفت علي الجهاز لاقيت حساس حراره المياه غيرته والايرور مارحش وكمان في حاجه المروحه بتاعه الريداتير شغاله دايركت مع الكونتاكت ارجو سرعه الرد وكمان لو سمحت مكان حضرتك فين او ارسال رقمك علي الخاص لان السياره واقفه ومحتاج اصلحها ارجو الاهتمام وسرعه الرد
طب ممكن اعرف هل القصه اللى حكيتها دى سببها فعلا هذا الحساس وهل البوجيهات او سلك البوجيهات ليه علاقه بالمشكله دى
هى المشكله ظهرت بعد استخدام منظف دوره الوقود ووضعه على التفويله فى التانك ومشيت بيه يومين وظهرت المشكله دى وبعدين اختفت وبعدين ظهرت تانى لما فكيت البوابه وغسلتها بالبنزين ومنظف الكربراتير الاسبراى المشكله رجعت بغباء
وقصد حضرتك بال step motor الحساس اللى فيشته 4 طرف الكبير اللى فى الصوره دى على اليمين
http://www.nileup.com/uploads/13458613091.jpg
العربية عندي بقت بتسحب بنزين بطريقة غير طبيعية و لمبة التشك انجن منورة يعني كنت بروح العلمين و ارجع مرتين بتفويلة واحدة دلوقتي و بروح و انا راجع في الطريق بتكون عايزة بنزين !
المشكلة التانية العربية بتقطع تقطيع جامد و بتنتش جامد لما البنزين بيقل و اول ما بفول بتروح المشكلة ديه علطول فده عيب ايه ؟
عربيتي سيينا 1400
انا عندى مشكلة فى البونتو كلاسيك موديل 2004
بكون واخد الغيار التانى او التالت او حتى الرابع وتكون العربية مشيه كويس و مرة واحد القى ال rpm نزل ل الزيرو و كأنى دايس على هوا و بعدين يرجع تانى لوضعه الطبيعى و كل ده فى ثانية. ارجو الافاده
السلام عليكم ورحمة الله
انا معايا لانشيا تيما وخلاص انا تعبت منها وانا محتاج كارتة كنترول و سير بالنس ومش لاقيهم لا جديد ولا حتى استيراد من عزبة شلبى والحرفيين
2000cc
16 صمام
اتنين كامة افيدونى افادكم الله
السلام عليكم
انا معايا بونتو كلاسيك مانيوال 2009 لما تكون العربيه شغاله علي السلانسيه بسمع صوت تكتكه
واول ما اضغط دبرياج الصوت يختفي واول ما ارفع رجلي عن الدبرياج الصوت يرجع
بس العربيه الحمد الله مظبوطه وسحبها كويس فياتري ايه المشكله وهل في خطوره منها؟
وشكرا
عندى مشكلة فى فرامل 131 موديل 79 لما بتكون العربية باردة وأنا على التالت أو الرابع وأونس فرامل لمبة البطارية تنور والسيارة تبطل . الكلام ده وهى باردة فقط ولما بتسخن مابيحصلش الكلام ده .
كانت بتعمل كده من فترة وغيرت السرفو وبقت تمام بس كانت بتبطل وهى باردة أو سخنة المرة دى بتبطل وهى باردة فقط .
ياترى إيه الحل.,.؟؟
السلام عليكم
انا معايا برافو 2009 تيربو و اشتريتها مستعملة يعنى مش عارف صاحبها كان بيعمل فيها ايه
المهم سحب العربية حاسه بقى معدوم مع الطالعة خالص
يعنى لما بكبس بنزين للأخر خاااااالص بحسها بتعد ثانيتين كدة على ما تترجم غير اى عربية تانية تديها نص الدواسة بترجم فى لحظات
واحد قاللى دة ديسك و اسطوانة ياترى دة صح ولا لأ ؟؟
و اسف للأطالة :)
السلام عليكم انا اخوك ابراهيم واقع فى مشكلة كبيرة من يوم ما جبت العربية هى تمبرا موديل 94 فيها سخونة رهيبة اثناء السير فى الزحام فقط و فى الطريق السريع الحرارة مضبوطة جدااا و ديتها لى ميكانيكى قالى كل حاجة فيها تماما الريديتير جديد و طقم جوانات جديد و طرمبة مياء جديدة و مش عارف انا اعمل اية ياريت لو تقولى الحل او اروح بيها فين علشان انا نفسيتى تعبت من يوم ما جبتها و عايز ابيعها واخلص ارجو الرد السريع من فضلك
تمام جدا الكلام ده وممكن اضيف كمان حاجه مهمه لان اكيد الصنايعيه لعبو فى العربيه وشالو ترموستات الكوعه زى 95 % من عربيات مصر
العيب ده بيحصل لما دوره التبريد بيبقى فيها تنفيث حتى لو اد خرم الدبوس والتسريب ممكن يحصل من عند ترموثتات الكوعه نفسها او الخراطيم الموصله ليها او الكوليهات او من عند القربه او غطا القربه او القربه نفسها فيها شرخ وهكذا يعنى حتراجع على كل الدايره عشان تعرف التسريب منين
ده طبعا بعد ما تنضف الريدراتير كويس جدا وتغسل دوره التبريد بالسائل اللى بيتضاف للمياه لمده ربع ساعه وتحط مياه نضيفه ويستحسن مياه ملونه زى الاسبانى او موبيل وطبعا تاخد هوا من دوره التبريد