لو معاك فيات خش بسرررررررررعه

**فيات كونترول** · 20-08-2012 06:17 PM

السلام عليكم ورحمه الله

لو عندك مشكله ومش عارف تحلها فى اى موديل

فيات اعرض مشكلتك معنا
وان شاء الله هتقلاقى حلها

**mstool** · 20-08-2012 08:22 PM

بجد شكرا على ذوق حضرتك عايز تساعد بس انا اتمنى تحللى مشكلة ملهاش حل لية الفيات بيبوظ عالطول و مش بيستحمل استعمال جد و دايما تحتاج قطع غيار يعنى من الاخر مقرف انا عربيتى شبة غيرتها كلها فى سنتين و بردة اخلص حاجة تبوظ حاجة تانية شوية مساعدين شوية حاجة فى العفشة شوية سيور شوية ريداتير شوية اسطوانة و دبرياج شوية سلك فتيس شوية رمان بلى شوية حساس معرفش اية بجد و جبت حالات نضيفة و برضة مفيش فايدة اكتر وقت عربية فيات مهما كان حالتها نضيفة اعدت معايا شهرين فقط من غير ما اغير قطعة فيها هو دية عربيات حقيقية ولا اية سبب قلة الاعتمادية دية مع انى بحبها جدا بس عايز اتناقش مع حضرتك دة انا بس ولا دة الطبيعى و على العموم انا بركب الاصلى دايما من محل بتاعنا و بحب جدا بعد كل دة

**فيات كونترول** · 20-08-2012 09:38 PM

انا حاسس انك اتعقدت من الفيات وده اكيد بسبب المشاكل اللى وجهت حضرتك بس قبل مرد على كلامك لازم اعرف انتا كنت بتتعامل مع حد واثق فيه فعلا فى الصيانه ولا لا .....
لان الفيات الحديث عموما محتاج خبره فى التعامل علشان متغرمش كتير يعنى مثلا لو عيب صغير ممكن يتحل مع واحد بسهوله ومع واحد تانى يغرمك كتير لو كان مش متمكن او مش فاهم.
وعلى العموم لو عندك مشكله فى عربيتك قولى نوعها الاول وايه هى المشكله .

**الماستر** · 21-08-2012 12:33 AM

السلام عليكم
انا سعيد بالمشاركه معاكم وده اول مشاركه ليا فى المنتدى انا ليا واحد صحبى
معاه عربيه فيات وهو قعد فتره كانت مجنناه لحد متعرف على ميكانيكى كويس قوى ريحو فى الصيانه . وهو اللى عرفنى على الموقع ده علشان اشارك ونستفيد كلنا
ولو حاجه وقفت قدمنا هنخش نعرضها على طول وشكرا للاهتمام

**karimalaa** · 21-08-2012 07:27 PM

أنا معايا باليو 1.2 و لما امشي فترة في زحمة و بعد كده السكة تفتح العربية بتموت،
اللي هو ادوس على الدواسة 20% زي ما ادوس 100% و تفضل فترة كده 5 دقائق لحد ما تفوق
روحت كشفت لقيت مافيش أي error غير حساس الشكمان فا غيرت الO2 sensor و لسه برده نفس المشكلة بس مافيش تنتيش ولا تقطيع و الكلام ده خالص و مافيش أي لمبة بتنور ، أنا متأقلم عليه عادي يعني بس برده بيضايق ساعات...

**فيات كونترول** · 21-08-2012 08:42 PM

المشاركة الأصلية كتبت بواسطة karimalaa

أنا معايا باليو 1.2 و لما امشي فترة في زحمة و بعد كده السكة تفتح العربية بتموت،
اللي هو ادوس على الدواسة 20% زي ما ادوس 100% و تفضل فترة كده 5 دقائق لحد ما تفوق
روحت كشفت لقيت مافيش أي error غير حساس الشكمان فا غيرت الo2 sensor و لسه برده نفس المشكلة بس مافيش تنتيش ولا تقطيع و الكلام ده خالص و مافيش أي لمبة بتنور ، أنا متأقلم عليه عادي يعني بس برده بيضايق ساعات...

اهلا بيك ياخى المشكله اللى عندك ده ضعف فى طلمبه البنزين والمشكله ده واجهتنا مع ناس كتير وتم حلها الحمدلله

**karimalaa** · 22-08-2012 03:34 AM

اولاً شكراً على الرد و مساعدتك و كل سنة و انت طيب،
طب و حلّها تغيير طرمبة يعني ولا ايه بالظبط ؟

**فيات كونترول** · 22-08-2012 03:57 PM

المشاركة الأصلية كتبت بواسطة karimalaa

اولاً شكراً على الرد و مساعدتك و كل سنة و انت طيب،
طب و حلّها تغيير طرمبة يعني ولا ايه بالظبط ؟

الشكر لله ...
هتعمل اختبار للضغط بتاعها ومن خلالو هتحدد

**M_wahba** · 23-08-2012 03:48 PM

مساء الخير انا كان عندى حاجة صغيرة كدة ساعات لما بشغل التكييف على 1 بسمع صوت زى صفارة صغيرة من ناحية التابلوة من تحت عند الدرج اعلية و اوطية تانى الصفارة تروح بعد كدة ترجع تانى . بس التكييف شغال كويس وساعات كتير مش بسمع الصوت دة
انا معايا فيات بونتو كلاسيك

**فيات كونترول** · 23-08-2012 07:16 PM

المشاركة الأصلية كتبت بواسطة m_wahba

مساء الخير انا كان عندى حاجة صغيرة كدة ساعات لما بشغل التكييف على 1 بسمع صوت زى صفارة صغيرة من ناحية التابلوة من تحت عند الدرج اعلية و اوطية تانى الصفارة تروح بعد كدة ترجع تانى . بس التكييف شغال كويس وساعات كتير مش بسمع الصوت دة
انا معايا فيات بونتو كلاسيك

مساء النور
الصوت اللى حضرتك بتسمعو ده فى الاكسبنشن وعلشان يتعالج هنحتاج تنضيف مروحه البلور ومراجعه الضغوط