الموضوع: السؤال الابدي اشتري ايه ؟؟؟

الحمد لله انا اخذت قرار اني اغير العربية ... و قررت ان العربية الجديدة تكون 4x4

انا بقي عاوز ايه ؟

تكون اوتوماتيك
السعر اقصاه 150 الف
يعني سنة الصنع متقلش عن 2006

بصراحة انا بفكر في حاجات زي الليبرتي و الاكستريل
ايه رايكم و مش ضروري العربيتين دول تحديدا

انا استخدامي مختلط يعني جوة المدينة و طرق سفر و صحرا غرز و ارياف بس طبعا جوه المدينة اكتر
طبعا انا عارف اني هتفحت في الترخيص بس هو حد ممكن يقولي هدفع كام بالظبط في السنة ??

يا ريت حد يفدني و مشكورين مقدما

اشتري اللي انت عاوزه يا حبيبي و لو عاوز فلوس قول احنا واحد

تسلم يا غالي ده العشم برضه ( اهبل رسمي اهو )

تسلم يا باشا انك بتانسني في وحدتي
انا قولت ارد عليا بدل ما اسيبني كده و عموما و الكلام ده لي الليبرتي احسن

يا فندم هو ده اللي انا عاوزة نفكر بسوط عالي مع بعض

انا فكرت في العربيتين دول خصوصا موديل ٢٠٠٧ ليبرتي و ٢٠٠٩ اكس تريل السعر هيبقي قريب

الترخيص حوالي ٤٠٠٠ اكستريل و حوالي ٥٠٠٠ ليبرتي
طبعا حداثة الموديل في صالح الاكس تريل
استهلاك البنزين في الليبرتي اعلي من الاكس تريل
الليبرتي طبعا كقوة محرك و حش بالنسبة للاكس تريل
الاتنين زي بعض في العفشة 4x4
و ده طبعا متوقع
عزل الصوت في الليبرتي احسن
تكييف الاكس تريل احسن
كتوفر قطع غيار و اكسسوار و اماكن صيانه طبعا الليبرتي تكسب
سعر اعادة البيع في صالح الليبرتي

المشاركة الأصلية كتبت بواسطة essam10

يابرنس اخوك واقع فى نفس المشكلة بقالى 3شهور بفكر فى نفس المواصفات:
نوعية 4x4 ( صالون واسع + ارتفاع عن الارض)
فتيس اوتوماتيك
ميزانية فى حدود : 140 - 150 الف جنيه
انا منتظر موديلات 2013 كمان شهرين جايز رينو داستر تنزل بفتيس اوتوماتيك
على فكرة الاكستريل حلوة برضه بس مش عارف تسجيلها ورخصتها يتكلفوا كام

لاحظ يا باشا ان الداستر 1600 سي سي يعني لو دخلي حتة غرز و طعوس مع السلامة
هي عموما كعربية كروس اوفر ممتازة

المشاركة الأصلية كتبت بواسطة MohammedAladel

لو الداستر فى نطاق المقارنة يبقى خلوا التيريوس معاكوا عشان توسعوا دايرة الاختيار

باشا انت كدة جبت زتونة الموضوع ...

من غير ضرب او شتيمة

بصراحة انا حولت علي التريوس .... هيهيهيهي .... عارف مفيش مقارنة اصلا بين الاكس تريل و الليبرتي من ناحية و التريوس من ناحية تانية .... بس هغمل ايه بقي

ماهو الشاب اللي يشتري اول عربية من ماله جديد صعب يرجع يركب مستعمل تاني حتي ولو كانت لييبرتي

ريحة العربية الجديدة برضه مغرية
بصراحة الافيو انا اشتريتها جديدة و معايا من خمس سنين مشتكتش منها و الحمد لله نعمة وفضل ان مكانش فيها من عيوب الافيو غير التزييق بتاع المساعدين ...
يعني من الاخر 5 سنين صيانة دورية و بنزين بس ....

طبعا واحد صاحبي هو اللي رجعلي عقلي
مخدتش غلوة في ايدة من غير ما يقعد يتناقش معايا ولا حاجة اخدني من ايدي و دخلنا معرض و قعدني جوا الجراند تريوس و بس

ريحة العربية الجديدة و البلاستيك علي الكراسي .... لا يقاوم تقولش عاملينها بسمنة فلاحي

في ثواني نسيت 2200 فرق في السي سي

الجراند برضه عربية هجمة يعني ....... طبعا زيها زي كل 4X4 مش بتجري الثبات مش قوي بس اصلا انا مجهز نفسي علي كدة ....

برضه يا جدعان فلوس الترخيص بتاعة الليبرتي تشتري عربيةتانية

هصلي استخارة و ربنا يقدم اللي فيه الخير .... بس الحاجة الوحيدة اللي مش مريحاني مفيهاش مثبت سرعة و مش عارف ينفع اركب واحد جوة التوكيل ولا لا ....