الموضوع: السؤال الابدي اشتري ايه ؟؟؟

سؤال صعب خصوصا أنك بتتكلم في رينج محير جدا.... لا منه أنه قليل ولا منه أنه كتير

أنا لو مكانك.... هستغنى عن موضوع ريحة الفابريكة و أجيب حاجة أثبتت نفسها سنين و سنين طويلة..... (لاند كروزر) انشالله أجيبها موديل تمانينات :)

يا راجل دا حتى فيه سبراي بيتباع ريحته هي ريحة الفابريكة......... :)

بص... بصراحة..... لو استخدامك هيكون فيه أي نوع من أنواع الرمل أو الغرز... انسى خالص أن التيريوس تأدي معاك.... هتضطر تقرص أوي أوي.... عشان تجيب النتيجة اللي جايبها واحد راكب شيروكي تسعينات و يادوب مريح رجله عالدواسة.....

و ده طبعا هيقلل معاك عمر الموتور جامد....

لكن لو على أد سفريات و مشاوير و كدا.... مفيش مشاكل.... خصوصا أنها بتحققلك مطلبين مهمين بالنسبة لك... (أنها زيرو و ضريبتها مش عالية)

شوف ايه الأهم بالنسبة لك.... القوة.... ولا الضريبة .... ولا أن العربية تكون جديدة..... ديه حاجات ترجعلك عشان تكون مرتاح في اختيارك.....

المشاركة الأصلية كتبت بواسطة samehafez

مينا باشا .. انا مش بشارك في الحوارات .... لكن متابع جيد لكل اراءحضرتك ...

الصراحة انا عملت قعدة صراحة مع نفسي .... كنت بدخل الصحراء بس ده زمان ... ايام ماكنت في السعودية و مرة واحدة في مصر سنة 2006 ... طبعا لما قررت اغير العربية احلام الشباب ... كانت بتراودني عن نفسي

لكن لازم انزل لارض الواقع ... حتي لو انا نفضت اكوام الكسل مين من الشباب دلوقتي هيجي معايا ..
( احنا بنتكلم عن شلة بتحاول تظبط يوم paint ball بقالنا يجي 6 شهور ولسه مش عارفين )

خلاص الظروف اتغيرت عربية عشان صحراء ملهاش لازمة

الجراند تيريوس ... اصلا مفيهاش 4x4 الموديلات الجديدة مفيهاش central differential lock

بالنسبة للامان الجراند التيريوس فئات 166 - 170 الف فيهم abs

بالنسبة للثبات ... يا ريت محدش ينسي انه بيكلم واحد راكب شفرولية افيو .... يعني انا اصلا متعود علي دقات النقص
والافيو كنت بجري بيها 180 و فيه فيديو كنت عامله علي طريق مصر اسكندرية و عملت غرزة علي 160 و كملت لل 180

و الحمد لله ربنا ستر و لسه عايش

بس اصلا انا الحمد لله دلوقتي مبجريش و اقصي سرعة عملتها خلال السنتين اللي فاتوا كان 140 و ده عشان كنت متنرفز و ماطولتش


طبعا العربية الجديدة هتفرق معايا ... لاني بشتغل شهر و اجازة شهر و لما بكون في اجازة مببقاش حمل ميكانيكية و اعال ووجع قلب

و زبون التيريوس هو ذلك الشخص الذي يرفض دفع 190 في اول فئة في السبورتاج و مثلهم تقريبا في القاشقاي و مفيش عربية تانية في نفس الرينج بتاعها

العربية كصالون فقير
مش ملعب بس واسعة
شكلها الخارجي مقبول ...
امكانيتها معقوله كعربية عاليه فيها 6 كراسي
موتورها هو تخصص دايهتسو في 1500 ... تقرباكل عربيات دايهتسو 1500 حتي النص نقل 1500 و محدش اشتكي منه .... هو طبعا التجميع مش حلو بس شغالة يعني

لو على أصدقاء الصحراء.... مجرد ما بتجيب الفور باي فور.... بتلاقي نفسك اتعرفت على جروبات لاجئة في الصحراء.... و صيف شتا والله !!!! حتى في أشد أيام الصيف حرارة....!! و كلهم متجوزين و مخلفين و بيدخلوا الصحراء بعائلتهم حتى اللي عنده طفل رضيع برضه.... يعني مفيش حاجة بتمنع :))

فلو لسة عندك الأحلام بتاعت الصحراء سهل تحقيقها متقلقش......

و لو تحب حل وسط ... يعني مش زيرو و مش مستعمل من زمان.... بس هتضطر تزود الرينج شوية..... ممكن تفكر في رانجلر 2010 الجديدة...... و ديه رينجها هيكون في حدود 180 - 185 ألف.....

أما لو غير كدا.... فالدايهاتسو عربية محترمة جدا.... و ناس كتير بتشكر فيها..... و هي كفكرة عملية جدا.....

المشاركة الأصلية كتبت بواسطة samehafez

الحمد لله اشتريت الجراند تيريوس او 7 seater عشان منزعلش حد ...

بس ماجل الاستلام لحد ما اجدد البطاقة عشان اعرف ارخص

انا اللي مريحني المرة دي في الشراء اني اتعلمت حاجة ... ان مفيش حاجة اسمها احسن عربية بالمطلق فيه حاجة اسمها احسن عربية بالنسبة لي

الله ينور عليك....

أنا مؤمن جدا بالنظرية ديه......

عشان كدا أي حد بيسأل عن أي حاجة.... بقوللو ايه احتياجك أو استخدامك.... لأن كتير أوي من الحاجات اللي بنجيبها بتكون أكبر من احتياجنا جدا !