الموضوع: اختبار قياده استرا الجديده

هيا دي النسخة ال 115 حصان ولا التيربو؟

متابع

المشاركة الأصلية كتبت بواسطة eng f3lix

هيا دي النسخة ال 115 حصان ولا التيربو؟

هي لو كانت تربو كان هيقول ان سحبها ضعيف ؟ :d

ال ١١٥ حصان ..العربيه تحسها مكتومه و مفيش feeling بالتسارع غير الفيكترا السي ..احساس الاجرام متواجد فيها

المشاركة الأصلية كتبت بواسطة mody3on

هي لو كانت تربو كان هيقول ان سحبها ضعيف ؟ :d

اصل انا عارف خالد ايمن مش بيعجبه العجب xD

المشاركة الأصلية كتبت بواسطة KHALED AYMAN

و ان كنت متحفظ علي ارتفاع العربيه من ورا شويه...٩/١٠

ماله بس أرتفاعها من ورا ؟!

المشاركة الأصلية كتبت بواسطة KHALED AYMAN

الاداء :
التسارع بتاع العربيه ضعيف شويه تحت ال ١٠٠ لكن بعد كده بتبقي فايقه
الفتيس للاسف مخيب للآمال ....نقله الفتيس محسوسه اوي تكاد تقترب من الايزي ترونيك لكن مفيش تنتيش الايزي ترونيك و التهييس بتاعه لكن يظل فتيس لا يليق بمستوي العربيه و اتقفلت منه بصراحه
الثبات ده الي فعلا غير عادي لان العفشه بتمتص الصدمات بشكل خيالي بكل هدوء و مرونه والعربيه عندها قدره رهيبه انها تفضل ماسكه في الارض و مفيش اي نوع من انواع الميل ...

هو التسارع فعلاً من 0 لـ 80 مش أحسن حاجة فعلاً.. لكن مش فارقة قوي لسواقة داخل المدينة لأنه برضه مش بشع يعني لكن مش اللي يتعمل بيها drag race مثلأً, و أسمع أن التربو نفس الكلام برضه, لكن 80 بقى و أنت طالع حاجة تانية و التسارع بيكون كويس..
الفتيس ممكن يكون من الأسباب اللي مخلية الطلعة بطيئة شوية لأن تجميعته مش أحسن حاجة في السرعات القليلة.. لكن نقلته مش محسوسة خالص بالنسبة لي و مفيش فعلاً موضوع النتشة ده.. بس أعتقد لو فكست للأوتو و مشيت على الستبترونيك الدنيا هتبقى لطيفة..
العربية ناعمة على الطريق على الرغم من الجنط 17", ثبات فوق الممتاز و العربية مغرية جداً في الملفات, أنا تقريباً معظم المنحنيات مبدوسش فرامل و بزود فيها السرعة و بخش بقلب جامد لأني حاسس العربية لازقة على الأرض و حتى لو حبيت أفرمل لمسة و العربية هتقف من غير مشاكل..

المشاركة الأصلية كتبت بواسطة KHALED AYMAN

التكييف معقول لكن تكييف الفيكترا السي احسن منه

أنا كائن قطبي و شايف التكييف كويس جداً يعني على درجة 20ْ و مروحة على واحد مش بزودها و ببقى متكيف الصراحة lol
بس لما حد بيقعد ورا بيسألني أنت مش مشغل التكييف ليه!!, على الرغم أني ببقى مشغله و مسلط كل الفتحات عليا lol

المشاركة الأصلية كتبت بواسطة KHALED AYMAN

الفرامل ممتازه

الفرامل الصراحة من أجمد الحاجات في العربية دي, حتى لو ماشي على سرعة عالية في ثانية واحدة العربية هتقف معاك..

المشاركة الأصلية كتبت بواسطة KHALED AYMAN

العزل ممتاز

صوت الموتور يكاد يكون مسموع إلا لما الـrpm بيعلى عشان الفتيس ينقل, غير كده و الأزاز مقفول مش هتسمع تقريباً حاجة بره, بس بتبتدي تحس شوية بصوت الهواء و الأزاز مقفول بدءاً من 140 و أنت طالع..

بس ده كان رأيي من التست درايف اللي بعمله للعربية كل يوم :)

عربية و همية فعلا و ركوبة مختلفة