الموضوع: ما هو أفضل موديل في شراء الصني مستعمله إستعمال خفيف؟

المشاركة الأصلية كتبت بواسطة zidane 10

طب يا باشا انا شوفت واحده حالتها كويسه 2006

عامله 53000 كيلو

وكامله اوتوماتيك

دي تعملها كام من وجهه نظرك ؟

عشان الراجل بيتكلم في 71 الف وانا حاسس انه طالب كتير شويه

اولا واخيرا .. لا تعتمد على نظرتك للعربية وحكمك عليها طالما لا توجد خبرة سابقة مع الصنى يعنى ممكن تقدر تكتشف عيوبها ان وجدت لما تسوقها ..
افضل انك تكشف عليها فى التوكيل والموضوع مش مكلف يعنى تقريبا 300ج
بالنسبة للسعر هو ممكن ينزل كمان 2-3 الاف ج
وممكن تضغط عليه لو الكاوتشات مش متغيرة او منتهية الصلاحية (فات على انتاجها مثلا اكتر من 3 سنوات - واظن انه ما غيرش كاوتشات الزيرو لأنها ماشية 53 الف كم ) .. طقم الكاوتش لوحده النهاردة يعمل من 2000-2500 ج
وعندك كمان رسوم التسجيل فى الشهر العقارى تعملها 1000ج والترخيص لو رخصتها محتاجة تجديد ..
يعنى لو نضيفة وحالتها جيدة جدا ممكن تخلص على 68 الف حد اقصى .. (ده رأيى الخاص)