الموضوع: .... نصائح قبل متشتري كيا او اى عربية و مشاكل السيراتو المتوقعة عن تجربة ....

المشاركة الأصلية كتبت بواسطة D/FARID CERATO

الجبر دول يا باشا نظامهم معاك في الصيانات بيفهمو ولا ضايعيين لحسن انا ليا معاهم قصص ؟؟؟؟؟؟؟؟؟؟؟هي عربةيتك موديل كام ؟؟انهي فئة؟

بص ياباشا ولا مؤاخذة في اللفظ .. الجبر ده أوسخ وكيل هتقابلة في حياتك .. الشغل كله كروتة وعك × عك .. ياراجل انا رحت اغير دراع النور خرجت بدركسيون معووج وحاطط موضوع في المنتدى عن الحكاية دي ومازلت لحد الوقتي ماشي بيه معووج بس تأقلمت عليه

واستقبال سىء واسعار غالية ومفيش اي اهتمام بالعربية .. حتى التشييك اللي بيقولو عليه بيمشي يبص بعنيه كده ويقولك كله تمام .. بصراحة امنية حياتي يسحبو منه الوكاله ويدوها لعبد اللطيف جميل صاحب افضل خدمة بعد البيع ..

خليني ساكت ياراجل دة حتى المكان اللي بيستقبلو فيه العربيات مكان زي وشهم مفيش فيه كوباية مية

عربيتي موديل 2011 الفئة النص فل والعربية الحمد لله عيوبها معقولة واتعودت عليها والعيب الخنيق هو الحدفة نحية الشمال .. وراحت لما ظبطت زوايا ولبست كام حفرة فرجعت تاني

والحمد لله على كل شىء

المشاركة الأصلية كتبت بواسطة hmotors

نصائح قبل متشتري كيا او اى عربية

نفترض مع بعض ان حد عجبته عربية كيا سيراتو او اى عربية وخلاص هيدفع مبلغ كبير فى عربية هتقعد معاه فترة طويلة سنيين طيب ضرورى نعمل الحاجات دى:

1- نتفرج على الفئة الى هنشتريها ومرحش اتفرج على الهاى لاين واشترى فئة اقل ومثلاً اكتشف الفرامل اضعف واتوقع ان عربيتى فيها مشكلة ويطلع ان الفئة الى معايا مفيهاش abs وطبعا دى نتيجة طبيعية او الاقى مستوى الفرش اقل واغلبه بلاستك واتوقع السيراتو كلها كده فضرورى نخلى بالنا كويس اوى

2- نجرب العربية كويس وتكون نفس الفئة عن طريق التوكيل اذا كان بيقدم الخدمة دى

3- نسأل اكتر من حد راكب العربية اذا فيها مشاكل وكانت بسيطة و ليها حل

4- تجربة شخصية عملتها قبل مشترى عربيتى اجرت عربية زيها وجربتها براحتى واقتنعت بكل حاجة حتى بالمشاكل فقبل مرحت ادفع الفلوس عرفت كويس هاخد ايه

5- تدور كويس على الإنترنت وتشوف تقييم الناس والمواقع للعربية قبل ماشترى مش بعد

6- التعامل بس مع توكيل العربية و المعارض المعتمدة والمضمونة ونصيحة اشترى من العربيات الموجودة متستناش حجز علشان امكانية التغيير اصعب والعربية مش قدامك علشان تتفرج عليها بدقة

7- قبل مرخص العربية احط ديما فحسباتى مش معنا العربية زيرو تبقه لازم زى الفل ومفيهاش مشاكل ضرورى تركز جدا واذا لاحظت اى مشكلة ارفض تكمل الإجراءات وكده هيكون سهل التغيير نسبياً

8- اذا ظهرت عيوب صناعة مؤكدة من قبل الفنيين فبرضه ده هيكون طبيعى ومتوقع لأن عيب الصناعة مش هيظهر والعربية واقفة فى التوكيل قبل البيع ده هيظهر بعد فترة من الإستخدام وكده هيكون نصيب ونمشى فى الإجراءات الطبيعية والتوكيل مطالب انه يحل المشكلة.

مشاكل السيراتو المتوقعة عن تجربة:

1- صوت خشونة او ورة بس مع تشغيل التكييف وتدوس بنزين على السرعات المنخفضة المشكلة دى مش ظاهرة علطول

2- الموتور بيسقف وصوته عالى ، ضرورى نتأكد البنزين نضيف مش مخلوط ب 80 او فى نسبة مياه وشوائب نتيجة إهمال من المحطه وخزانات متهالكة وكمان البوجيهات وفلتر الهوا و البنزين و الزيت حالتهم كويسة.

3- تعليقة دراع النور وساعات مع العالى والفوجات

4- العربية ناشفة فى المطبات والترزيع نسبها بتختلف من طريقة قيادة كل واحد وحالة العربية والشوارع الى بتمشي فيها ونوعية العجل الى فى العربية kumho solus مش ممتازة خصوصا مع 17 لأنها مستوى متوسط

5- الفرامل ضعف شديد فى الأداء بيظهر اذا فى abs او مفيش وده بيحصل مع القيادة الرياضية والعنيفة يعنى تعلق رجلك على الفرامل لتهدية العربية من سرعات عالية بشكل مستمر وده بيخلى حرارة اجزاء الفرامل تكون مرتفعع جدا. هيحصل ايه بعد كده العربية ممكن تزحف مسافة كبيرة او مع ال abs هتسمع صوت التخبيط الى بيحصل قدام ده والعربية ممكن تخزلك مع غير المتمكنين من العربية او خبرتهم ضعيفة فى القيادة او مش متوقع الفرامل يتغير ادائها فجأه. ( المشكلة دى ممكن تظهر فى نسبة كبيرة من العربيات مش كيا بس )

6- الجنط ال 17 بالالين فى العجل من المطبات والحفر وحك العجل فى الرصيف وده محتاج حرص شديد ومش هينفع اذا حد ساكن فى منطقة فيها مدقات او شوارع مش متسفلته.

7- إستهلاك البنزين طبعا اذا العربية واقفة و دايرة مده كبيرة او فى زحمه خانقة هيظهر نسب إستهلاك عالية جدا ومش طبيعية ولما تمشى على سرعات عالية فوق ال 140 برضه الإستهلاك مرعب ( المشكلة دى ممكن تظهر فى نسبة كبيرة من العربيات مش كيا بس )

8- قربة مياه المساحات اذا كانت فاضية مده كبيرة ممكن بعد متملاها موتور دفع مياه المسحات يعلق وميشتغلش ويظهر صوته على الفاضى علشان كده دايما اتأكد انها مليانه ومتشغلش المساحات خالص والقربة فاضية

9- طقطقة ابواب العربية والتزييق كله ده من حرارة الشمس المباشرة بنسة كبيرة او المشى المستمر فى شوارع غير ممهدة والمطبات والحفر وغسيل العربية بضغط ماء مباشر وشديد وصابون بيضيع كل التشحيم وده مش العفشة بس فى شحم لأدرعة الأبواب والمفصلات وحاجات كتير.

10- ظهور تشققات على الفوانيس الأمامية، متغسلش العربية بجاز او بنزين او بعد مشوار طويل فى الشمس والحرارة العالية برضه اذا كنت ماشي و النور العالى شغال فترة طويلة

11- السيراتو محتاجة تعمل كل الصيانات فى معادها والعناية المستمرة و التعديل فى كهربت العربية وتركيب إجهزة إضافية وأنوار قدرتها عليا من غير وجود فنى محترف بيبهدل العربية وبيظهر عيوب اكتر


12- مشاكل الدفع الأمامى المعروفة والمنتشرة مع عدم الدراية بها والحرص (التعويم على السرعات العاليا والملفات المفاجأة وخصوصا مع وجود حفر بسيطة فى الطريق، الأحساس القوى بتعويم او عدم ثبات الدركسيون مع مطبات الهوا لما الطريق يكون فيه مرتفعات ومنخفضات حادة)

تحياتى للجميع،

.

اولا : الف شكر على الموضوع دة يا باشا
ثانيا انا عندى مشكلة "صوت خشونة او ورة بس مع تشغيل التكييف وتدوس بنزين على السرعات المنخفضة المشكلة دى مش ظاهرة علطول" و عربيتى عاملة 2000كم بس هى دى مشكلة بجد ولا اية و هى ممكن تتصلح ؟؟؟

المشاركة الأصلية كتبت بواسطة hmotors

نصائح قبل متشتري كيا او اى عربية

نفترض مع بعض ان حد عجبته عربية كيا سيراتو او اى عربية وخلاص هيدفع مبلغ كبير فى عربية هتقعد معاه فترة طويلة سنيين طيب ضرورى نعمل الحاجات دى:

1- نتفرج على الفئة الى هنشتريها ومرحش اتفرج على الهاى لاين واشترى فئة اقل ومثلاً اكتشف الفرامل اضعف واتوقع ان عربيتى فيها مشكلة ويطلع ان الفئة الى معايا مفيهاش ABS وطبعا دى نتيجة طبيعية او الاقى مستوى الفرش اقل واغلبه بلاستك واتوقع السيراتو كلها كده فضرورى نخلى بالنا كويس اوى

2- نجرب العربية كويس وتكون نفس الفئة عن طريق التوكيل اذا كان بيقدم الخدمة دى

3- نسأل اكتر من حد راكب العربية اذا فيها مشاكل وكانت بسيطة و ليها حل

4- تجربة شخصية عملتها قبل مشترى عربيتى اجرت عربية زيها وجربتها براحتى واقتنعت بكل حاجة حتى بالمشاكل فقبل مرحت ادفع الفلوس عرفت كويس هاخد ايه

5- تدور كويس على الإنترنت وتشوف تقييم الناس والمواقع للعربية قبل ماشترى مش بعد

6- التعامل بس مع توكيل العربية و المعارض المعتمدة والمضمونة ونصيحة اشترى من العربيات الموجودة متستناش حجز علشان امكانية التغيير اصعب والعربية مش قدامك علشان تتفرج عليها بدقة

7- قبل مرخص العربية احط ديما فحسباتى مش معنا العربية زيرو تبقه لازم زى الفل ومفيهاش مشاكل ضرورى تركز جدا واذا لاحظت اى مشكلة ارفض تكمل الإجراءات وكده هيكون سهل التغيير نسبياً

8- اذا ظهرت عيوب صناعة مؤكدة من قبل الفنيين فبرضه ده هيكون طبيعى ومتوقع لأن عيب الصناعة مش هيظهر والعربية واقفة فى التوكيل قبل البيع ده هيظهر بعد فترة من الإستخدام وكده هيكون نصيب ونمشى فى الإجراءات الطبيعية والتوكيل مطالب انه يحل المشكلة.

مشاكل السيراتو المتوقعة عن تجربة:

1- صوت خشونة او ورة بس مع تشغيل التكييف وتدوس بنزين على السرعات المنخفضة المشكلة دى مش ظاهرة علطول

2- الموتور بيسقف وصوته عالى ، ضرورى نتأكد البنزين نضيف مش مخلوط ب 80 او فى نسبة مياه وشوائب نتيجة إهمال من المحطه وخزانات متهالكة وكمان البوجيهات وفلتر الهوا و البنزين و الزيت حالتهم كويسة.

3- تعليقة دراع النور وساعات مع العالى والفوجات

4- العربية ناشفة فى المطبات والترزيع نسبها بتختلف من طريقة قيادة كل واحد وحالة العربية والشوارع الى بتمشي فيها ونوعية العجل الى فى العربية kumho solus مش ممتازة خصوصا مع 17 لأنها مستوى متوسط

5- الفرامل ضعف شديد فى الأداء بيظهر اذا فى ABS او مفيش وده بيحصل مع القيادة الرياضية والعنيفة يعنى تعلق رجلك على الفرامل لتهدية العربية من سرعات عالية بشكل مستمر وده بيخلى حرارة اجزاء الفرامل تكون مرتفعع جدا. هيحصل ايه بعد كده العربية ممكن تزحف مسافة كبيرة او مع ال ABS هتسمع صوت التخبيط الى بيحصل قدام ده والعربية ممكن تخزلك مع غير المتمكنين من العربية او خبرتهم ضعيفة فى القيادة او مش متوقع الفرامل يتغير ادائها فجأه. ( المشكلة دى ممكن تظهر فى نسبة كبيرة من العربيات مش كيا بس )

6- الجنط ال 17 بالالين فى العجل من المطبات والحفر وحك العجل فى الرصيف وده محتاج حرص شديد ومش هينفع اذا حد ساكن فى منطقة فيها مدقات او شوارع مش متسفلته.

7- إستهلاك البنزين طبعا اذا العربية واقفة و دايرة مده كبيرة او فى زحمه خانقة هيظهر نسب إستهلاك عالية جدا ومش طبيعية ولما تمشى على سرعات عالية فوق ال 140 برضه الإستهلاك مرعب ( المشكلة دى ممكن تظهر فى نسبة كبيرة من العربيات مش كيا بس )

8- قربة مياه المساحات اذا كانت فاضية مده كبيرة ممكن بعد متملاها موتور دفع مياه المسحات يعلق وميشتغلش ويظهر صوته على الفاضى علشان كده دايما اتأكد انها مليانه ومتشغلش المساحات خالص والقربة فاضية

9- طقطقة ابواب العربية والتزييق كله ده من حرارة الشمس المباشرة بنسة كبيرة او المشى المستمر فى شوارع غير ممهدة والمطبات والحفر وغسيل العربية بضغط ماء مباشر وشديد وصابون بيضيع كل التشحيم وده مش العفشة بس فى شحم لأدرعة الأبواب والمفصلات وحاجات كتير.

10- ظهور تشققات على الفوانيس الأمامية، متغسلش العربية بجاز او بنزين او بعد مشوار طويل فى الشمس والحرارة العالية برضه اذا كنت ماشي و النور العالى شغال فترة طويلة

11- السيراتو محتاجة تعمل كل الصيانات فى معادها والعناية المستمرة و التعديل فى كهربت العربية وتركيب إجهزة إضافية وأنوار قدرتها عليا من غير وجود فنى محترف بيبهدل العربية وبيظهر عيوب اكتر


12- مشاكل الدفع الأمامى المعروفة والمنتشرة مع عدم الدراية بها والحرص (التعويم على السرعات العاليا والملفات المفاجأة وخصوصا مع وجود حفر بسيطة فى الطريق، الأحساس القوى بتعويم او عدم ثبات الدركسيون مع مطبات الهوا لما الطريق يكون فيه مرتفعات ومنخفضات حادة)

تحياتى للجميع،

.

انت كده جبت كل حاجة عن مشاكل السيارة فى موضوع واحد