الموضوع: ثبات بى إم حقيقة أم مبالغ فيه

طبيعى إن تلاقى كام واحدة من كل العربيات الغالية
أنا مثلا كنت فى المهندسين كان عندى كشف قبل ما يكون عندى عربية المهم كان باقى على الكشف دا ساعة أو ساعتين مش فاكر بالظبط
المهم بقى اتمشيت فى المهندسين وأنا بحب أمشى وأتفرج وأشوف الدنيا فيها إيه خصوصا المناطق اللى معرفهاش كنت ماشى كدا وخلاص لوحدى ع الرصيف
المهم جيت فى حتة كدا ورحت عدلت وشى يمين لقيت حاجة غريبة قوى بتلمع قوى ولونها اسود قلت إيه الشبح اللى واقف دا المهم قلت يمكن صورة ثلاثية الأبعاد ملزوقة ع الحيط ومعكوسة فى الزجاج بتاع المكان دا وقربت شوية من الزجاج وفوجئت بعلامة بورشة منورة على عربية سوداء عليها لمعة عمرى ما شفتها فى عربية جايز يكون فى معرضها ومتسلط عليها الضوء وكدا العربية كانت واقفة زى الوحش حاجة غامضة جدا

رحت عملت عبيط ودخلت جوا كان اسمها 911 سألت على سعرها لقيتها ب 2 مليون و 750 ألف البنت اللى كانت واقفة قالتلى المبلغ دا وأنا بصيت على العربية ومشيت إيدى عليها كدا وأنا مش دارى بنفسى
وكان جمبها عربية بورش تانى مش فاكر كانت إيه بس ماكانتش بروعة ال 911 دى

أنا شفت أعلى عربية فى بى إم دبليو بينزلها التوكيل الفئة السابعة إل آى

لما شفت البورش دى حسيت إنها حاجة تانية خالص بجد
لو وقفت جمبها كدا تحس بإنك واقف جمب وحش مش عربية

يبقى طبيعى إننا نلاقى جميع العربيات فى مصر بس كل عربية ليها زبون وفى نفس اليوم شفت مرسيدس رياضية وليكزس وإنفينيتى البى إم هناك كانت مغرقة الدنيا واقفة وماشية لدرجة إنى محستش بفخامتها من كتر ما شفت منها كتير

أنا بالميجان بتاعتى ببقى ماشى هنا فى البلد يا سلام تقريبا على مستوى المركز مفيش اتنين منها ههههههههههه