الموضوع: ثبات بى إم حقيقة أم مبالغ فيه

المشاركة الأصلية كتبت بواسطة formulator

فـ كل المقارنات اللى ممكن تشوفها Merc vs BM لعربيات equivalent

- الـM3 GTS vs C63 AMG black-series
- والـM3 vs C63 الستاندرد (والـTrio بتاعهم الـRS-4)
- حتى فيه مقارنة قديمة لتوب-جير E60 M5 Touring vs E63 State AMG الإثنين إستيشن-واجن

هتلاقى حاجة مشتركة فـ كل المقارنات:
1- البيمر عربية الـFast-Corners والهاندلينج والـTight Manoeuvres.. الميرك مش هتجاريها فـ الحتة دى
2- نطلع فـ Straight-Line Acceleration.. البيمر have NO Chance مع الميرك!!

هما مميزين أوى فـ الجزئية دى.. حتى فـ السباقات:

- فـ عربية الـFormula1 2012 موتور الـMerc بـ 770 حصان أسرع Off-the Grid فـ الـLaunch من كل المواتير بـ 0.1-0.2 ثانية وده رقم يعتبر
(مواتير الـF1 الحالية قوتها من 750-800 حصان حسب الـmap والتيون بتاع كل حلبة)؟؟!!!

بس تعالى فـ High-Speed Corners هتلاقى الفيررارى والرينو بيعدوها بفرق.. فـ كل الملفات اللى بتتاخد 180-250 كم/س؟!!

- حتى فـ سباقات الـDTM اللى الألمان بيعتبروها عربيات F1 بس بسقف ومش open-wheelers..
الأودى دلوقتى (والألفا 155 dtm قبل كده) بيتفوقوا عليها فـ الحلبات الصعبة!!

المشاركة الأصلية كتبت بواسطة formulator

فيه فرق fundamental بين الـBM والـMerc عايز أوضحه أكثر:
الـweight-distribution على المحورين (أحد أهم أسباب الـSuperior-Handling Characteristics بتاع البيمرز)

- الـBM فـ كل عربياتها من أول الـ116i لحد الـM3 محافظة على الـ50/50 توزيع الوزن للأمام والخلف..
- الـMerc فـ أفضل سياراتها لم تتخطى حاجز الـ52/48 للأمام والخلف على الترتيب، و فعليا almost كل عربياتها فـ رينج الـ54/46..؟!!

عشان كده معروفة انها Heavy-Nosed (وبيزيد كل ما الموتور يكبر: يعنى مواتير الـV8 بتاع الـPerformance أسوء من الـl4 والـV6)؟؟!!!
هو طبعا ده عامل واحد فـ الهاندلينج والمناورة.. بس مهم!

بعيد بقى عن كل العربيات الفاجرة دى، حاجة أخيرة بقى من الـStreet والنسخ العادية:

مش هقول الـC W202/203 كانت كنبة (فـ حتة الهاندلينج والثبات دى تحديدا) مقارنة بالـe36/46 الـiconics..

واللى ساق أو ركب 316-C180 أقل عربيتين فيهم، أو حتى شاف جرية الـMerc vs BM.. فيه ملاحظة:
- الميرك لما يجرى هياخد الملفات والغرز بحرص.. مش بس عشان يحافظ على الثبات، لأن حتى لو عمل Aggressive-manoeuvres هيفقد السرعة اللى جمعها
لكن الطريق يفتح.. بيطييييييييييييييييير
- لكن البيمر: معندوش نفس الـStraight-line performance.. بس عشان الـTraction والـDriveability العالية بيقدر يستعمل الدركسيون بحرية أكبر
(غرز بالعرض ويمين فـ شمال على سرعات)
الـOversteering عنده بيتـcorrect بسهولة لو درفتت منه سيكا، لما يركب سرعته بيبقى سهل يحافظ عليها -لو سواق!!

Rgds،

المشاركة الأصلية كتبت بواسطة midoelmodamer

ممم بعيد عن التعصب اللى فى المشاركات واللى اغلب الاعضاء حولوا الموضوع لمقارنة بين العربيات وعايزين يطلعوا واحدة احسن من التانية باى شكل انا هقول وجهة نظرى غرضها النقاش مش الخناق ولا ابين ان كلام حد من الاعضاء غلط هو صحيح ممكن تكون بى ام اعلى من مرسيدس فى الثبات بس فى فرق بين العربيتين تقريباً فى كتير مخدش باله منه ان عفشة بى ام انشف كتير من مرسيدس وبالتالى شركة بى ام بتركز اكتر على الطرق والثبات وعلشان كده عربية بتجذب الشباب اكتر من فئات عمرية تانيه انما مرسيدس عفشتها ناعمة عربية بتركز على الراحة واعتقد العفشة الناعمة دى انسب كتييير فى بلاد زى مصر مثلاً لانى واحد متعامل مع العفشتين وعارف الفرق بينهم كويس فى طرقنا علشان كده بتجذب فئة الكبار ورجال الاعمال اكتر وفى نفس الوقت ثباتها بيوصل لمقارنة مع بى ام فاعتقد ان دى نقطة فى صالح مرسيدس مش عليها

المشاركات دي هي الخلاصه

بشكل عام ال bmw هي اكتر ثباتا من المرسيدس
و قريبه اوي من الاودي و دي موديلاتها اغلبها quattro يعني دفع رباعي
طبعا المرسيدس مش ضايعيه بل بالعكس من احسن العربيات في الموضوع ده بل و بتتميز براحه الركوب اعلي من التانين
بس فعلا توزيع الاوزان عند BMW فارق معاهم قوي
زي ما نظام الدفع الرباعي هو سلاح اودي

و انا شخصيا مجرب ده

و علي فكره التلاته مياكلوش عيش مع البورش

و الحصان الاسود معاهم هي VW (اللي بقي تحتها امكانيات اودي و بورش و لامبورجيني)