اقتباس المشاركة الأصلية كتبت بواسطة hany63 مشاهدة المشاركة
مع خالص تحياتي
م/ سمير الشهاوي
لو مافيش عربيات غير الهوندا...
سأفضل السير حافي القدمين

ده توقيع العضو المحترم منسق قسم هيونداي بصراحه انا شايف انه مايصحش و ميجيش كمان من منسق قسم في منتدى عربيات هوندا احد اقسامه يعني الراجل واحد من الاداره و هو من حقه يكره الهوندا و الهونداويه بس يحط الموضوع في توقيع عشان كل مداخله لسيادته في اي موضوع انشالله طبق اليوم يطلع كلامه الغير لائق ومش عايز اقول السخيف فانا شايف الاعتذار واجب من سيادتة و هنعتبرها تمت بحسن نيه و الا كل واحد يحط التوقيع اللي يريحه عشان ممكن واحد مثلا يفهمها ان الهونداويه ما حصلوش الحافيين و ياريت التعليقات تكون راقيه سواء المعترضه او المؤيده
استاذ هانى :

بغض النظر عن ان ميصحش منسق قسم يكتب حاجه كده وبغض عن النظر عن الاعتذار الواجب عاوز اقولك يا ابو هانى تاكد ان ده مش هيقلل من قيمه الهوندا وتاكد برضه ان الى هيتفهم العكس مثلا ان هوندا قطعت الهونضاى فى السكه ... معرفش يطلع منها ... علمت عليه .. اى حاجه بخلاف ان الهوندا وحشه
زى مثلا متقول لو مفيش غير BMW ساظل حافى القدمين ( مع اعتذراى لركاب ال BMW ) هل انت ساعتها هتقول BMW عربيه وحشه !!
اكيد هتقول عيب سواق مش عيب عربيه

ياعم ده احنا فى اسكندريه لما الهونداويه بنشوف بعض فى السكه ولو منعرفش بعض تلاقى كلكسات تحيه كانك بتقوله مسا مسا يا هونداوى يرد عليك ويقولك مساء الفل يا ابن عمى

ولو كانت الهوندا مش فى انتشار الهونضاى لانها وركبيتها من عليه القوم ومينفعش يكون كل الناس من عليه القوم
وبعدين الاخ منسق قسم هونضاى لو بقيت حافى احنا مش هنسيبك حافى هنبقى نركبك معانا عشان احنا برضه الهونداويه جدعان

هونداوى وافتخر