مشكله فى الدبرياج

**amr_adel00** · 22-08-2012 07:20 AM

السلام عليكم..
دلوقتى انا عندى مشكله فى الدبرياج ساعات احس انه بيتقل و ساعات يبقى عادى و فى زى بوش تقريبا نص المشوار بتاع الدوسه. امبارح لاقيت الدبرياج نزل لتحت خااالص و بقت النقلات مستحيله الاول و التانى و طبعا المارشدير و مع كل محاوله اسمع صوت التروس و مش عاوزه تعشق النقله.
كشفت على الزيت لاقيته كويس. فى ناس بيقولولى ان ده ماستر فممكن افاده يا رجاله :)

**egyseadragon** · 22-08-2012 07:47 AM

ممكن فعلا يكون الماستر

**JAM** · 22-08-2012 09:26 AM

ماستر دبرياج

**amr_adel00** · 23-08-2012 08:48 AM

شكرا على الرد يا جماعه
بس يا ترى انهى ماستر بقى ؟؟ العلوى ولا السفلى ؟

**amr_adel00** · 23-08-2012 11:27 PM

ايه يا رجالتنا
مش ممكن حد يفيدنى ولا اروح للصنيعيه يشتغلونى بقى و خلاص ؟ :)

**big_bogh** · 23-08-2012 11:46 PM

إكشف ع الماستر اللي راكب ع الفتيس فوقلو مرشح زيت من حوليه يبقي ده اللي عطﻻن وممكن يبقى واخد هوا شوف
بس هو كده كده ماستر دبرياج

**amr_adel00** · 25-08-2012 08:28 AM

انا غيرت ماستر الدبرياج العلوى امبارح..
الحمد لله الدبرياج احسن بكتير عن الاول,, بس لسه فى مشكله بسيطه فى الغيارات الاول و التانى و المارشدير
الغيار الاول بيعمل صوت و هو بيعشق فى مكانه الكلام ده حتى و انا واقف خالص والمارشدير برده.. بس لو على نفس دوسة الدبرياج و فضلت تجيب اولانى كذا مره مش بيحصل صوت حتى لو 1000 مره بس لو سيبت دبرياج و دوست تانى و جبت الاول اسمع صوت التعشيق تانى..
اما للغيار التانى فهو احيانا مش بيجى بسهوله
اتمنى الرد و الافاده

**dedi** · 25-08-2012 02:56 PM

المشاركة الأصلية كتبت بواسطة big_bogh

إكشف ع الماستر اللي راكب ع الفتيس فوقلو مرشح زيت من حوليه يبقي ده اللي عطﻻن وممكن يبقى واخد هوا شوف
بس هو كده كده ماستر دبرياج

معلش يعنى اية واخد هوا
و لو مافيش رشح زيت حول الماستر يبقى مافيهوش مشكلة لان انا عندى دواسة الدبرياج مشوارها قل للنصف و بقيت خفيفة و روحت للميكانيكى فرفع الدواسة و بعد يومين رجعت نفس المشكلة بس مافيش اى رشح حول الماستر و خايف لحسن الدبرياج يقل باصلة وان فى مشوار بعيد
معلش طولت عليك يا باشا و شكرا

**mahdyez** · 26-08-2012 02:45 AM

غير الاثنين علشان تبقى مطمن اسعارهم مش غاليه

**amr_adel00** · 26-08-2012 07:44 AM

طب انا معنديش ترشيح زيت حولاين الماستر اللى على الفتيس و الميكانيكى اخد هوا من الماسترين و المشكله لسه موجوده..
طب ممكن يكون البيحصل معايا ده من العقربه مثلا ؟؟