حصلت معايا علي طلعة اكتوبر في مدينة نصر وانت جاي كدا من المنصه ورايح اتجاه السيدة عيشه. في طلعه كده بدوران قاسي يمين. وكل شهر عربيه مقلوبه من فوق الكوبري في الحته دي. المهم يومها ما كنتش مركز ودخلت عالدوران بسرعتي. وفجاه لقيت العربيه بتزحف من ورا. انا صراحه خفت فيا دوب لمست الفرامل وادلع يا غزال كنت ساعتها علي تمنين ويمكن اكتر. والعربيات اللي ورايا كلها واقفه تتفرج علي مايكل شوماخر وهو بيتمرجح يمين وشمال. يومها بس عرفت سر سقوووووط العربيات في الحته دي. المهم بعد ما الحمد لله وقفت العربيه بدون خسائر وقفت شويه كدا مش عارف اعمل ايه والعربيات الي ورا بدات تعديني. والستات بتزغرط. والرجاله بتشتم والعيال الصغيرة بتضحك وتقولي تاني يا عمو ههههههههههه
انا بقي عاوز اعرف ايه الغلط اللي انا عملته وكان المفروض اعمل ايه ؟؟
العربيه فيها abs. .. Ebd ...bas
وبصراحه انا كنت مآمنلها جدا وما توقعتش حركة زي دي تحصل. ...
المفضلات