الموضوع: سؤال عن سعر قطعة سلاح

السلام عليكم، وكل سنة وأنتوا طيبن
هو انا مش عارف مسموح لى أفتح موضوع بخصوص أستفسار عن سعر قطعة سلاح (أستفسار عن سعر فقط) ولا ممنوع، بس أنا أصلى محتار ومش عارف أستفسر منين غير هنا :)

معروض على واحد قريبى سلاح ماركة CZ عيار 7.65mm موديل 27

المشكلة انه مش عارف هو بكام، واللى هيشترى منهم برضة مش عارف بكام، لأنهم ورثوه من والدهم ومعندهم خبره
فعلشان هو ميظلمهم ولا هما يظلموه تقريبا سعره يكون كام?
هو حالته نضيفة ٩٠% ومعاه رخصة ومعاه الطلق بتاعه

المشاركة الأصلية كتبت بواسطة yehia

الحقيقة مقدرش أفيد حضرتك في السعر ... بس قريبك يعمل حسابه ان عيار المسدس 7.65 نادر في السوق وده ليه أثره بالخفض على سعر المسدس ........

هو عارف كدة، بس هو عاجبه ان المسدس صغير وخفيف، د انه معاه علبة طلق، وهو بيقول انه مش داخل حرب

المشاركة الأصلية كتبت بواسطة elmohandes450

انزل اسال على الرصاص من العيار ده فى محلات التسليح فى وسط البلد الاول

وهل اصحابك دول عندهم المسدس ده بس ولا فى انظمة تسليح تانية

هو عارف ان الطلق بتاعه قليل، بس هبلغه برضه، ومظنش انهم عندهم حاجة تانية، زى ما قلت انه كان ملك والدهم

المشاركة الأصلية كتبت بواسطة yaserbasha2000

بس الرخصه دي بتكون شخصيه للسلاح يعني قريبك هيحتاج يرخصه من جديد لنفسه

لا انا فاهم غلط ؟

بتتكلم صح، وهو هيعمله رخصه بأسمه

المشاركة الأصلية كتبت بواسطة MohamedGafar

قطعة السلاح دي - بالذات عشان عيار صغير - سعرها متفاوت فى السوق ، الطلقة منها بتعمل حوالي 20 جنيه ومش متدوالة.

انصحك بال 9 مللي لأنه متدولة بشكل كبير بس سعر قطعة السلاح حتبقي غالية.

تحياتي,.

هو عاجبة فيه ان صغير، وتشيكى وحالته نضيفه جدا وخفيف

المشاركة الأصلية كتبت بواسطة fiat128man

كان فيه توكاريف 7.62*25 مم بتتباع علي 30 الف ..........
لو مكنش ضد قواعد المنتدي فيه منتدي للاسلحه egypthunt.net

طب والتوكاريف دة افضل من السى زد?

المشاركة الأصلية كتبت بواسطة shaddadfalcon1

انا مش عارف اصلا ينفع يبيعه كده عادي ولا لآ لان موضوع السلاح ده فيه حوار وانا فاكر جدي لما اتوفي ابويا وعمي طلع عينهم عشان يسلمو البندقيه الخرطوش اللي كانت مع جدي ورفض يسلمها وهو عايش لانه كان بيحبها جدا

أكيد فى أجراءت، بس هو يهمه يعرف السعر فى حدود كام دلوقت

المشاركة الأصلية كتبت بواسطة amrdessoky

السلام عليكم
شوف يا سيدي شراء السلاح لة بعض الاجراءات المعقدة شوية منها انك يجب ان تكون حامل لرخصة حمل سلاح او موافة علي الاقل ثم تستصدر امر شراء سلاح وهو صالح لمدة 30 يوم و يتم تسليم صورة منة للبايع لتنزيل السلاح من علي رخصتة و لو صاحب السلاح متوفي فتلك مشكلة اخري
بالنسبة للطبنجة المعروضة عليك
cz هايلة وهي صناعة تشيكي وهم لهم باع في ص اعة السلاح ولاكن العيار اي الطلقات نادر شوية عموما لو الطبنجة نظيفة والماسورة سليمة تعمل من 30 الي 40 الف ولكن نصيحة
لو ورقك تمام خليك في ال تسعة ملي افضل

بس هو عاجبه السى زد، علشان خفيف وصغير، يعنى أفهم من حضرتك انه لو المسدس ده حالتة حلوة يعمل من ٣٠ إلى ٤٠ ألف?