الموضوع: وش الفانوس الزجاجي الشمال الأمامي - أبيزا 99

مساء الورد يا هندسه عندى الوش الى انت عاوزه كنت شوفته انت فى عربيتى كلمنى وميغلاش عليك انت عارف انا كنت جيبت فوانيس جديده كامله ولو عاوز الفوانيس الجديده الكامله بردو ميغلوش عليك افكهم من عندى وأجيبهملك

المشاركة الأصلية كتبت بواسطة SYD

السلام عليكم ورحمة الله وبركاته

ازيكم يا شباب - عاملين ايه

للأسف وش الفانوس عندي اتشرخ بالورب من فوق لتحت (بكامل عرض الفانوس)
هل الوش دة بيتغير لوحده ولا لازم اغير الفانوس بأكمله ؟؟؟؟
انا كان عندي نفس المشكلة . عموما وش الفانوس بيتغير عادي وبتلزق بسليكون بس للاسف هتضطر تغير الوشين علشان ميكنش في اختلاف انا اشتريت الوش الواحد بــ 60 جنية من فتح الباب في الحرفيين وبرده غيرت الاشارتين علشان شكل الوشين باين انه جديد والاشارتين شكلهم مصفر شوية وكان شكلهم بايخ عموما الاشارة جبتها بـــــ 35 جنية .

انا موصي حد حبيبي بتاع قطع غيار عليه - بس للأسف انا متأكد انه هيجيبلي المصري (ماجيف)
حد يعرف حد بيبيع الوش الأصلي ؟؟؟؟ لو كان اصلا بيتغير
ولو بيتغير - سعره كام ؟؟؟؟؟
الوش الاصلي بيتهيألي مش موجود لو عايز اصلي هتجيب اما فانوس كامل استيراد او فانوس كامل جديد وانا بصراحة شايف انها هتبقي تكلفة علي الفاضي
انا عندي وش الفانوس الشمال سليم وبيتهيألي انه الاصلي بس مصفر شوية بس مش عارف بصراحة هيركب عندك ولا لأ لان عربيتي موديل 98 لو الوش الشمال عندك هو اللي مكسور وممكن الوش بتاعي يركب عندك ممكن اقابلك واديهولك و تبقي فرصة اتعرف بحضرتك

ولكم مني جزيل الشكر ووافر التحية

والله المستعان
،
،

المشاركة الأصلية كتبت بواسطة SYD

والله يا أخ سمسم انا متشكر جدا لحضرتك
بس انا شوفت عربية احد الأعضاء زمايلنا هنا مركب وش فانوس جديد ولما سألته عرفت انه جايبه ب35 جنيه

طبعا انا يشرفني جدا اني اقابل حضرتك - بس اعتقد انك هتكسر الوش عشان تعرف تخرجه - فسيبه في عربيتك ياخد وقته

شكرا علي زوقك جدا

والله المستعان
،
،

والله يا باشمهندس محمد الواحد بيدور علي اي فرصة يحاول يرد بيها جميل من جمايلك انت والباشمنهدس ايهاب منصور انتوا بصراحه ناس قمه في الذوق .
بخصوص الوش الجديد هو فعلا الوش صناعه مصرية في علبه خضرا اسمه جاف تقريبا مش فاكر بصراحه بس من الواضح ان هو نفس الوش اللي الاعضاء بتكلموا عنه وانا اتظبطت فيه وادهاولي ب 65 ابن ال ......... وبالمناسبة انا كنت جايبة من فتح الباب في الحرفيين شارع مرسيدس اما بالنسبة للوش القديم فهو معايا في شنطة العربية مش راكب لاني فكيته وغيرت الوشين عشان ميكنش في اختلاف بينهم .