الموضوع: هتسرق فى 16 الف جينة بمزاجى

ثوانى يا جماعه نفكر كده
دلوقتى لو قلنا عربيه مرسيدس او اى عربيه الشركه المنتجه بعمالها بمصنعها ب ب ب ب ب بتاخد مكسب كام 20 % - 30 % بعد المصروفات ووجع القلب والتصدير الخ الخ
تيجى تدخلها البلد تدفع جمالك 100 % - 200 % الخ الخ على حسب نوع العربيه وما الى ذلك يعنى الشركه المصنع ومتحمله مصاريف بتكسب 30 % على اقصى تقدير وبلد مش بتعمل حاجه فى العربيه غير انهابتدخلها بتاخد 100 % او اكثر مكسب
طيب انا دفعت واحترمت القوانين والجمالرك الخ الخ
مينفعش ابدا انك تيجى تحسبنى وتشاركنى فى العربيه يعنى انا دافع كل اللى انت قلت عليه والمفروض الجمارك داخله فى ميزانيه الدوله وداخله فى الدعم سواء بنزين او غيره وبالتاى انا مشارك فى الدعم اكثر من اى حد تانى
وتيجى تاخد منى ضريبه 2% سنويا على عربيه انا دافع اكثر من تمنها ضرائب بالصراحه كده مش عقل خالص
امال لو كنت مدخلها ببلاش كان هيتقال ايه
على فكره انا معايا عربيه سبرانزا يعنى مش بدافع علشان انا معايا زيها مثلا
الكهربا اللى بتمن عليا بيها الحكومه انا برضه بدفع ضرائب اعلى من اى حد تانى
يعنى انا كمواطن غنى بدفع كل اللى بتطلبه الدوله وزياده ومع ذلك مستكتره عليا انى اخد حقى كمواطن
صح والا ايه -
معلش طولت ولما نتكلم هتلاقوا الكلام هيكتر
لصاحب الموضوع الله يعنيك
وهى دى البلد وده ظروفها وان شاء الله لما تتحسن اعتقد هتتشال حجات كتير زى الجمارك الخ الخ

المشاركة الأصلية كتبت بواسطة MHabib86

ومعلش يعنى واحد ما شاء الله
السيارة الأولى
ماذدا 323+نوبييرا
السيارة الثانية
Elntra2012+ BMW320 i
و بيتكلم ف 11000 لية ان شاء الله
غير كدة و كدة مصنع اية اللى الكهربة بتاعتة 1000 فالشهر مصنع غزل البنات
يعم دا احنا عندنا مركز اشعة مقطعية و رنين بندفع 6000 كهربة بس
والنبى يجماعة احترموا عقول الناس اللى بتقرا

هو اعتقد الرقم 10000 بس ناقص صفر و بالنسبه للعربيات دى اللى كانت عند العضو من اول ما بدأ القياده اكيد مش بيركبهم كلهم فى وقت واحد يا فندم

المشاركة الأصلية كتبت بواسطة mhabib86

ومعلش يعنى واحد ما شاء الله
السيارة الأولى
ماذدا 323+نوبييرا
السيارة الثانية
elntra2012+ bmw320 i
و بيتكلم ف 11000 لية ان شاء الله
غير كدة و كدة مصنع اية اللى الكهربة بتاعتة 1000 فالشهر مصنع غزل البنات
يعم دا احنا عندنا مركز اشعة مقطعية و رنين بندفع 6000 كهربة بس
والنبى يجماعة احترموا عقول الناس اللى بتقرا

اقفش !!!!

فين المركز دا يا باشا كلمني عالخاص و ممكن نعمل مع بعض شغل تمام انا حبعتلك عالخاص

المشاركة الأصلية كتبت بواسطة sanhory

اقفش !!!!

فين المركز دا يا باشا كلمني عالخاص و ممكن نعمل مع بعض شغل تمام انا حبعتلك عالخاص

ههههههههههههههههههههه فاكر اعلان كنت هقولها

سبقتنى كنت لسه كتب نفس العبارة دى احنا بقى مركز تحاليل وبرضه كنت هقوله ممكن يكون فيه تعاون او تسويق متبادل

المشاركة الأصلية كتبت بواسطة ahmed_adham

م عارف اصلا ايه دخل الشهر العقاري فى الموضوع - ليه الحكومه مصممه تتعامل مع العربيه على انها شقه. ليه البايع والمشترى مياخدوش بعض ويروحو المرور وينقلو الملكيه جوه المرور برسوم 100 جنيه ولا حاجه وخلاص على كده ماهو المالك مرخص ودافع الرسوم والضريبه مره يبقى كفايه لحد ما ييجي التجديد انما ايه لازمه الشهر العقاري وليه يبقى فيه عقد بيع اصلا مادام اتنقل الترخيص داخل المرور بوجود الطرفين؟

منا بقول كدة بس للاسف انا مش هرد على الناس الى عندها مرض وبتهاجم بطريقة غريبة
زاى واحد بيقولى غزل البنات دة ارد علية اقولو اية للاسف مش هينفع ارد علية انا هرد على الناس االى بتتكلم بطريقة محترمة بس زاى حضرتك سواء متفق معايا اولاء
نيجى لقصة الشهر العقارى
الصراحة انا موافق انى لازم ادفع ازيد من اى حد عشان انا معايا عربية فاخمة وجامدة اووووى ونازلة من السما زاى ما الناس بتقول هنا فى المنتدى اكنى راكب همر
العربية يابشا جيب رنجلر 2011
تمنها كلو 220000 الف
يعنى مثلا مش هقول ادفع 100 رسوم زاى مانتا بتقول لكن نقول 2 او 3 او 5
والفلوس تروح فعلا للبلد
لكن مش ادفع 16 الف جينة وكمان مش لقين ناكل وبنستلف من كل حتة

المشاركة الأصلية كتبت بواسطة land_cruiser

هو اكيد مبلغ كبير بس طالما حضرتك كنت عارف من الاول و حضرتك بتشترى و قررت الشراء يبقى إذن مفيش مفاجأة و لا سرقه و لا حاجه و المفروض ان دى حاجه متوقعه انك هتحتاج تنقل الملكيه لما الرخصه تخلص فما تضايقش نفسك و اعتبر ان ده كأنه جزء من تمن العربيه و هيدفع مره واحده و خلاص و بالنسبه لترخيص سنه ٥ آلاف اعتبر المبلغ ده ضمن مصروفات الصيانه للسياره و استمتع بيها و خلاص الموضوع فى الاخر نسبه و تناسب بين حجم و سعر السياره اللى بتستخدمها مع المبلغ اللى بتدفعه للدوله و الموضوع مفيهوش لغز و لا حاجه و المفروض انه معروف لحضرتك زى ما قلت من البدايه

والله ياصحبى انا عارف ان مصاريف نقل الملكية هتخشلها مثلا فى 3000 كمان ترخيص 5000
قولت الحوار كلو 9000
ونا عارف ان مصارفها غالية لكن ماكنتش متوقع كدة خالص
انا اكيد هدفع الفلوس بس انا مستغرب على حال البلد دى

أنت تعيش قي دولة فقيرة تتسول قوتها من الخارج ولك مطلق الحرية في إختيار أي نوع أو فئة سيارة فإذا كنت قد قررت بإرادتك الحرة أن تختار سيارة باهظة الثمن بمحرك ضخم يستهلك مواد بترولية بشراهة مدعمة من قبل الدولة للمواطن الكادح فيجب عليك دفع تلك القيمة نقداً فأنت تستفيد بدعم مخصص لشريحة هي أصلا لا تستفيد منه
تلك هي العدالة
فلازما عليك أن تعيش في البلد الفقير طبقا للشروط المقررة لحماية المواطن الكادح