الموضوع: *عربيتي كانت هتسرق انهارده في رمضان في عز الضهر!!!!!!!!!! كله يخلي باله*

خلاص القيامة هتقوم لا بأه في أخلاق ولا أدب *ماحدش* بأه بيعمل حساب لرمضان ولا غير رمضان ***************************** خناقات وسب دين وسرقة ومعاكسات وبنات على حل شعرها في نهار رمضان !!!!!!!!!!!

انهارده وأنا قاعد بشتغل (أنا مهندس اتصالات وحاليا مدير مشروعات بشركة راية ب 6أكتوبر خلف مستشفى دار الفؤاد) لقيت السايس عندنا جي يجري الكلام ده كان الساعة تقريبا 12:30 الضهر وقالي عربيتك (سيفيك سماوي 2008) ازازها كسروه بدبشة كبيرة وسرقوا حاجات منها بس الناس جريت ورا الحرامي فرمى الحاجات وهرب, نزلت لقيت الازاز الجانبي اللي ناحيتي متفرتك والحيوان عديم الضمير نط من الازاز عشان عارف ان الانذار هيشتغل لو فتح الباب بعد مكسر الازاز نط منه وطبعا قطعلي فرش العربية لما نط لان الازاز كان عبارة عن قطع صغيرة و حادة جدا الفرش اللي لسه عامله عند دوس ب 1500 جنيه والعربية اللي مكملتش 4 شهور يحصل فيها كده!!!!!!!!!!حسبي لله ونعم الوكيل .

المهم الحيوان فتح الشنطة من الداخل ولملم كل اللي فيها و تقريبا لما شافوه لان السايس كان بيتوضا ولسه خارج يصلي فلمحه فالكلب الحقود ضرب الفيبر الداخلي بمفك خرمه كان شكله ناوي يسرق الكاسيت بس ربنا ستر.........

الحمد لله لمينا الحاجة من الأرض و الحمد لله ان الكلب الحقير ربنا ينتقم منه -اللهم انتقم منه يا رب العالمين- ملحقش يفتح التابلوه لأن كان في نضارة ب 500 جنيه.

الخساير عندي الازاز والفرش اتقطع شوية بتاع الكنبة و طبعا كل الدنيا اتملت ازاز
والفيبر بتاع الباب اللي اتخرم ده بس الحمد لله كل اللي اتسرق لقيته على الأرض

أنا عملت محضر عشان أنا مأمن على العربية تأمين شامل واتصلت بالتوكيل قالولي تعالى يوم الأحد الساعة 9 الصبح بس مش عارف موضوع الفيبر بتاع الباب ممكن يتعمل ولا لأ ده أنا العربية شايلها في عيني و بركنها في جراج جنب البيت والواد بتاع الجراج لسه غسيلها انهارده الصبح من بره و جوه وكانت عروسة حقول ايه أنا متحسر قوي قدر الله وما شاء فعل وحسبي الله ونعم الوكيل................


________________
تم التعديل بواسطتي
مشرف القســــــــــم العــــــــــــــــام