الموضوع: مساعده فى اسعار قطع غيار فيكترا 2000 سى سى

الف شكر يا جماعه على اهتمامكم وردودكم

بالنسبة للعلبة لا بتاعتها انا متاكد من كده
وكان فى واحد اقترح عليا اغير الشكمان من اوله لاخره زى باقى العربيات الاوبل

حاشوف موضوع الزيت ده بس اخر الاسبوع ان شاء الله لما ارجع ويارب خير
انا مفروض حاغير حساس شكمان وحساس كرنك
ياريت تفيدونى اعرف ازاى انهم فعلا بايظين واجيبهم منين وبكام

[QUOTE=hellboy;3874491642]حساس الشكمان اي خلل يه هتلاقي البوجيهات مهببه والموتور بيقطع وطبعا استهلاك بنزين عالي وبيبان من منظره بتلاقيه متفحم ع الاخر من الطرف
-حساس الكرنك هقولك علي اختبار تعمله للتاكد من حالته

كل سلندر له رقم وانت واقف قدام الموتور من الشمال لليمين 1234
تتبع سلك البوجيهات للسلندر رقم 1 و4 اخرهم في الاسبراتير ,تمام؟؟
افصلهم من الاسبراتير وخلي حد زميلك يحاول يدور الموتور
لو حساس الكرنك سليم هتلاحظ وجود شرز كهربي زي اللي بيطلع من السلف دفنس بتاع البنات علي شكل كوبري بين فتحتين الاسبراتير اللي كشفناهم اثناء محاوله الدواره ولو ماشفتش حاجه او الشرر ماكانش متصل يبقي الحساس تعيش انت يا حاج طبعا التجربه دي تعملها في جراج او بالليل علشان تشوف الشراره

الله ينور ياباشا هو ده الكلام

المشاركة الأصلية كتبت بواسطة hellboy

حساس الشكمان اي خلل يه هتلاقي البوجيهات مهببه والموتور بيقطع وطبعا استهلاك بنزين عالي وبيبان من منظره بتلاقيه متفحم ع الاخر من الطرف
-حساس الكرنك هقولك علي اختبار تعمله للتاكد من حالته

كل سلندر له رقم وانت واقف قدام الموتور من الشمال لليمين 1234
تتبع سلك البوجيهات للسلندر رقم 1 و4 اخرهم في الاسبراتير ,تمام؟؟
افصلهم من الاسبراتير وخلي حد زميلك يحاول يدور الموتور
لو حساس الكرنك سليم هتلاحظ وجود شرز كهربي زي اللي بيطلع من السلف دفنس بتاع البنات علي شكل كوبري بين فتحتين الاسبراتير اللي كشفناهم اثناء محاوله الدواره ولو ماشفتش حاجه او الشرر ماكانش متصل يبقي الحساس تعيش انت يا حاج طبعا التجربه دي تعملها في جراج او بالليل علشان تشوف الشراره

خلي بالك عشان الموضوع ده بيكهرب.